النايف
23-07-2007, 02:36
ســلام عليــكم ورحمــة الله ..
ويامرحبــا ومسهــلا بالجميــع ..
وهذي قصيدة رائعه كثيرا للشاعــر الكبير: سليمان بن شريم - رحمه الله - ينصح فيها ابنه ..
يا مل عينٍ في محاجيرها شوك
والقلب به عن لذة النوم تكاك
لا دك في قلبي من الهم داكوك
جاوبت طربات الحمايم على الراك
عزي لحالك يا عزيز وأنا ابوك
كان الزمان اللي توطاني توطاك
إفهم وصاتي يا عزيز وأنا ابوك
دامك صغير وغاية العلم يقراك
تراه ما ينفعك خالك ولا أخوك
لا صار ما تقضي لزومك بيمناك
وربعك ليا بان الخلل فيك عافوك
أقرب قريب ٍ لك من الناس يشناك
إن كثر مالك صدقواّ لك وطاعوك
وإن قل ما بيديك شانت حلاياك
لو تطلب الما عندهم كان ما أسقوك
إبعد مزارك عن وطنهم ومرباك
وإن طاب حظك صدقوّا لك وحبوك
وإن بار كلن ما يبي غير فرقاك
وإلا إعترض لك من صروف النيا صوك
كلن تبرا منك ماهوب وياك
هراجة المجلس إلى جيت وروك
منازل ٍ تطرب نظيرك بدنياك
وإللا قضى منك اللوازم وخلوك
تفرقوا وأنت إحتمل كل ما جاك
كنك سراج البيت للنور شبوّك
وإلى إنقضى اللازم حدا الربع طفاك
وألا كما ليمونة الحمض مصوك
وإلا قضى منها الطعم فرغوا ذاك
واللي يجي من رفقته ريب وشكوك
إحذر عنه لياك تصدف بمسراك
وإلا جفوك أهل الوطن وإستخفوك
قلّع غريسك منه وإهدم ركاياك
تراك لو تنجع على الربع صعلوك
أحسن من اللي نلتجي به وياطاك
عطهم وضيفهم إلا منهم جوك
وإغلق ضميرك لا تعلم بقصياك
إن طبت ما حبوّك وإن عبت زالوك
تمضي حياتك ناقل ٍ داك برياك
وإلى نفوك إمن الوظيفه وعافوك
خفتّ موازينك وكلن تهقواك
وإصحى لخلان الرخا لو تغالوك
إعرف ترى أطيبهم إلى إحتجت يجفاك
كنك خوي مقيط دهووك وأغووك
وحقك عطاك رشاك وأقفى وخلاك
وإحذر عن العلة ترى الحق مدروك
مثل العمل يدركك ما منه فكاك
وإن كان عدوانك على الضيق حدوك
فإخصم طلابتهم بعجفاك وقداك
وإن كانهم لمشرّف الحق ماشوك
ناظر مطاليع الفرج قبل مبداك
وإن طاوعوا شيطان الأنفس وهانوك
فإصبر على البلوى ودفنك رزاياك
زرهم تراك إليا تونيت زاروك
إن ما بديت لصاحب السو يبداك
ما دامهم ما طاوعوا لك وعرفوك
إضرب على الكايد إلى عمست رياك
لو هذبوك إمن المصاوب وضدوك
ما يذبحونك قبل تدني مناياك
وإحلم على الجاهل ترى الحلم مبروك
وقم للضعيف اللي من الظيم ينخاك
وإدمح خطاجيران بيتك إلى أوذوك
ترى القصير وحرمة الجار بحماك
عطهم لوازم حقهم لو تناسوك
في كل ما يصلح لدينك ودنياك
وقم للضيوف اللي لفوا لك وضافوك
أغلى كرامتهم حجاجك وبشراك
وإعرف ترا مالك للأضياف مشروك
لولاه يطلب حاجته منك ما جاك
وقم للرجال إن رايعوا لك وحبوك
وإحشم خويك وأكرمه عند ملفاك
وإلى إعتبرت بسيرة الناس كفوك
ما كثر من شي أتعبك ثم عناّك
ولولا تبات بهمّ دنياك مظنوك
ما طاب لك ما دام لك وإفتهم ذاك
لو يطلبون إخفايك الناس ما أخفوك
الرجل مثل النجم في كل الأفلاك
وصلاة ربي عدّ الأوراق والشوك
أو ناض براق ٍ وما هل سفاك
على الذي ما فيه ريب ٍ ولا شكوك
امحمد ٍ ما دك بالقلب دكاك
جل التحايا
ويامرحبــا ومسهــلا بالجميــع ..
وهذي قصيدة رائعه كثيرا للشاعــر الكبير: سليمان بن شريم - رحمه الله - ينصح فيها ابنه ..
يا مل عينٍ في محاجيرها شوك
والقلب به عن لذة النوم تكاك
لا دك في قلبي من الهم داكوك
جاوبت طربات الحمايم على الراك
عزي لحالك يا عزيز وأنا ابوك
كان الزمان اللي توطاني توطاك
إفهم وصاتي يا عزيز وأنا ابوك
دامك صغير وغاية العلم يقراك
تراه ما ينفعك خالك ولا أخوك
لا صار ما تقضي لزومك بيمناك
وربعك ليا بان الخلل فيك عافوك
أقرب قريب ٍ لك من الناس يشناك
إن كثر مالك صدقواّ لك وطاعوك
وإن قل ما بيديك شانت حلاياك
لو تطلب الما عندهم كان ما أسقوك
إبعد مزارك عن وطنهم ومرباك
وإن طاب حظك صدقوّا لك وحبوك
وإن بار كلن ما يبي غير فرقاك
وإلا إعترض لك من صروف النيا صوك
كلن تبرا منك ماهوب وياك
هراجة المجلس إلى جيت وروك
منازل ٍ تطرب نظيرك بدنياك
وإللا قضى منك اللوازم وخلوك
تفرقوا وأنت إحتمل كل ما جاك
كنك سراج البيت للنور شبوّك
وإلى إنقضى اللازم حدا الربع طفاك
وألا كما ليمونة الحمض مصوك
وإلا قضى منها الطعم فرغوا ذاك
واللي يجي من رفقته ريب وشكوك
إحذر عنه لياك تصدف بمسراك
وإلا جفوك أهل الوطن وإستخفوك
قلّع غريسك منه وإهدم ركاياك
تراك لو تنجع على الربع صعلوك
أحسن من اللي نلتجي به وياطاك
عطهم وضيفهم إلا منهم جوك
وإغلق ضميرك لا تعلم بقصياك
إن طبت ما حبوّك وإن عبت زالوك
تمضي حياتك ناقل ٍ داك برياك
وإلى نفوك إمن الوظيفه وعافوك
خفتّ موازينك وكلن تهقواك
وإصحى لخلان الرخا لو تغالوك
إعرف ترى أطيبهم إلى إحتجت يجفاك
كنك خوي مقيط دهووك وأغووك
وحقك عطاك رشاك وأقفى وخلاك
وإحذر عن العلة ترى الحق مدروك
مثل العمل يدركك ما منه فكاك
وإن كان عدوانك على الضيق حدوك
فإخصم طلابتهم بعجفاك وقداك
وإن كانهم لمشرّف الحق ماشوك
ناظر مطاليع الفرج قبل مبداك
وإن طاوعوا شيطان الأنفس وهانوك
فإصبر على البلوى ودفنك رزاياك
زرهم تراك إليا تونيت زاروك
إن ما بديت لصاحب السو يبداك
ما دامهم ما طاوعوا لك وعرفوك
إضرب على الكايد إلى عمست رياك
لو هذبوك إمن المصاوب وضدوك
ما يذبحونك قبل تدني مناياك
وإحلم على الجاهل ترى الحلم مبروك
وقم للضعيف اللي من الظيم ينخاك
وإدمح خطاجيران بيتك إلى أوذوك
ترى القصير وحرمة الجار بحماك
عطهم لوازم حقهم لو تناسوك
في كل ما يصلح لدينك ودنياك
وقم للضيوف اللي لفوا لك وضافوك
أغلى كرامتهم حجاجك وبشراك
وإعرف ترا مالك للأضياف مشروك
لولاه يطلب حاجته منك ما جاك
وقم للرجال إن رايعوا لك وحبوك
وإحشم خويك وأكرمه عند ملفاك
وإلى إعتبرت بسيرة الناس كفوك
ما كثر من شي أتعبك ثم عناّك
ولولا تبات بهمّ دنياك مظنوك
ما طاب لك ما دام لك وإفتهم ذاك
لو يطلبون إخفايك الناس ما أخفوك
الرجل مثل النجم في كل الأفلاك
وصلاة ربي عدّ الأوراق والشوك
أو ناض براق ٍ وما هل سفاك
على الذي ما فيه ريب ٍ ولا شكوك
امحمد ٍ ما دك بالقلب دكاك
جل التحايا