المساعد الشخصي الرقمي

مشاهدة النسخة كاملة : سؤال للبنات اللي ماتزوجوا

حبيبة والاجرعلى الله
24-08-2007, 10:21
http://www.al-jazirah.com/104838/haged.jpg

السلام عليكم ..

عندي سؤال للبنات اللي ماتزوجوا .. وياليت يشاركونا البنات المتزوجات في الموضوع ..

بعد ماشفنا الكاريكاتير ... شرايك بشاب يتقدم لك ولكن معروف عنه كثرة السفريات للخارج ...

هل تقبلين به زوجاً ام ترفضينه بسبب كثرة سفرياته ..

أتمنى ان ارى مشاركة من الجميع ...
عطـــــر الخزامـــــى
24-08-2007, 10:27
اكووووون صريحه كما عهدني الجميع

اذا سفراته على ولا شي ماني مضطره اوافق عليه كلش
واذا والله سفراته شغل ماعندي اي مانع
بس هم بيني وبينك مو على طوووووول
اعتقد الوضع راح يتغير بعد الزواج واهم من نفسه راح يستوعب انه بذمته مره
احسـ شاعرة ـاس
25-08-2007, 11:39
السلام عليكم ورحمة الله وبركاته

حبيبة والاجرعلى الله

انا ماعندي مانع لانه زوجك على ما تعودينه وابنك على ما تربينه

والله العالم بالحال ولنفرض لو كان يشتغل بالدوله ولما نتزوج يتغير الوضع

وتجيه فرصة ويشتغل بالطيرآن حرام احرمه من فرصة عمره

واما اذا كان يسافر سياحه فأحلى بسافر معاه واشوف اللي ماشفته

ولو بيسافر بروحه هني ممكن احاول اقعد معاه ونتفاهم ولو اصر اصبر عليه

ولو تم على ما هو عليه دخلنا بالمعروف وبنطلع بالمعروف

والله أعلم بكل حال وما في النفوس

واللي الله كاتبه هو بيصير وهذا رأي والله أعلم

سلمتى على الموضوع ولك الف شكر عيوني

دمتي بحفظ الله ورعايته
حبيبة والاجرعلى الله
26-08-2007, 12:06
ونة الم & احساس شاعره

شكرررا لكم على مشاركتكم وابداء رأيكم

اما رايي الشخصي في الموضوع لو اني انا بعدي ماتزوجت واعرف عنه انه كثير السفر بلا طعم لو يبوس الارض اللي يمشي عليها

ماأعرست عليه ولكن الحين بعد ماتزوجت وحب انه يسافر برا للسياحه مستحيييييييل اوافق حتى لو للعمل برضوا مستحييل

ومرره جاته سفره للعمل في باريس كان يبيني اروح معه بس انا عييت وخلاص كنسلها
احسـ شاعرة ـاس
26-08-2007, 12:48
حرام يالغالية فرصة عمره استخيروا الله قبل اي قرار

ولرب صدفة خير من الف ميعاد

وفرة العمر تجيكم مره ولو راحت راحت ماترد

والله يكون بالعون والله يوفقك ويحميك ويحفظك زوجك وعيالك
حاتميه
26-08-2007, 09:16
هل تقبلين به زوجاً ام ترفضينه بسبب كثرة سفرياته ..

صراحه ما اقبل .. لانه لابد يكون متاثر بثاقفتهم او كانت له علاقات او انه اصبح يقيس الجمال بمقياسهم

او انه يريدني اكشف مثلهم والامر عادي عنده

الاحتكاك بالاجانب لابد يكون له سلبياته وما ينجو منها الا مارحم ربي

وانا وش بيدريني انه من القله القليله ..؟ ارفض وخيره بغيره

الله يوفقك اختي لطرحك الموضوع الجميل واللي يلامس واقعنا بشكل كبير

اتمنى المزيد من الاطروحات القيمه والجديده كهذه

شكرا جزيلا عزيزتي
السنافيّه
26-08-2007, 01:45
سبحان الله فيه ناس يسافرون ويرجعون متمسكين اكثر بدينهم وبثقافتهم


مادري عن نفسي ماافكر بالزواج حاليا كنا ناقصين هم ونكد :confused:


يمكن اوافق عليه اذا اهله ودهم يعاقبونه ويكرهونه بالسفر في ذي الحاله انا جاهزة لأعمال الخير


اخليه يكره حياته مو بس السفر :biggrin:



يعطيك العافيه


.

.
حفيدة الشيخ
27-08-2007, 03:58
والله مدري بس شوري من شور ابوي اذا موافق بوافق >>>>مع الخيل يا شقرا
وللأمانه ما افكر بالزواج توني صغيره
تحياتي
& وهج &
27-08-2007, 09:06
ايه عادي اقبل بزوج سفراته كثيره شرط ان يكون للعمل وليس نزهه
وعشان اسافر معه .. هو حاصل لنا

تسلمي قلبو على الطرح الرائع
دمتِ متألقه
حبيبة والاجرعلى الله
05-09-2007, 10:00
مشكورات يالحلوات على المرور وارئكن حلوة وعقلانية تدل على ثقافتكن وتفكيركن الناضج
لاعدمتكن