المساعد الشخصي الرقمي

مشاهدة النسخة كاملة : .×. تعبـت أكـون إنسـان مثـالي لآخـر حياتـي .×.

سم الموت
25-08-2007, 05:35
http://www.moq3.com/img/uploads/cUv49099.jpg (http://www.moq3.com/img/)

أحاول أطلب رضاهم
وهم بكل سهولة يعتبرون أول أغلاطنا هي أخرها
يزعلون .. نطلب رضاهم .. نلاحقهم
أخر شي ما نسمع منهم اي رد
خلاص تعبت أراضيهم
وتعبت أكون الإنسان مثالي لأخر حياتي
ـــــــــــــــــــــــــــــــــــــــــــــــــ
تحاول تسعدهم ولا تضايقهم ..
وهم همهم الوحيد يشوفون الحزن في عيونك
تبتعد عنك ،،، يتبعونك ..
تخاف تواجهم وينجرحون بكلمة منك
وهم ولا همهم يجرحونك !!
خلاص تعبت من كثر ما اكتم ..
وتعبت أكون إنسان مثالي لأخر حياتي ..
ـــــــــــــــــــــــــــــــــــــــــــــــــ
تقدم لهم الكثير ..
وبكل بساطة يقدمون عليك اللي ما قدم أي شي ..
والسبب بس عناد و ودهم يقهرونك ..
ما تبالي .. تستمر في عطأك ..
إلا انهم يبعدونك بأي طريقة !!
ويوم تبتعد .. يقولون محتاجين لك !!
خلاص تعبت أستمر وياهم ..
وتعبت أكون إنسان المثالي لأخر حياتي ..
ـــــــــــــــــــــــــــــــــــــــــــــــــ
تكون صريح ،،
تبتعد عن المجاملات ..
توقف مع الحق ..
يتهمونك بقلة الأدب ..
تسكت ..
يغلطون عليك وطنش ..
يتمادون خلاص حدهم ..
تعبت من كثر ما اسكت عن ظلمهم !!
وتعبت أكون الإنسان المثالي لأخر حياتي ..
ـــــــــــــــــــــــــــــــــــــــــــــــــ
يمنعونك عن فعل شيء معين
تبتعد عن هالفعل ..
وهم بكل سهولة يسون هالفعل
ويتمادون فيه
اشوفهم يعبنك يسونه ..
خلاص تعبت من كثر ما أسكت !!
وتعبت أكون الإنسان المثالي لأخر حياتي ..
ـــــــــــــــــــــــــــــــــــــــــــــــــ
تعتبرهم القدوة لكـ ..
صورت لهم أفضل صورة في مخيلتك
تمدحهم يدام الكل
وفي يوم من الأيام تتبين حقيقتهم
وتعرف انهم ولا شي
خلاص تعبت من كثر صدمات
وتعبت أكون الإنسان المثالي لأخر حياتي ..
ـــــــــــــــــــــــــــــــــــــــــــــــــ
تبتعد عن الرسميات معاهم
تضحك وتعاملهم شرات أخوانك
وبعدين يقولون انك تحبهم
ويقولون انك متعلق بهم
خلاص تعبت من كثر نفاقهم
وتعبت أكون الإنسان المثالي لأخر حياتي

ملطووش
بنت شيوخ
25-08-2007, 05:42
اخوي الكريم سم الموت
كالعاده تبهرنا بانامل ذهبيه احسنت اختيار حروفها
نقل قمه بالروعه اخى الكريم
ذوق ينشر الروعه بارجاء المكان
دمت اخى رائعا
سم الموت
25-08-2007, 05:46
بنت الشيوخ

ياهلا والله ومرحبا ومسهلا

يااول من كان.. ويااول من صار.. من طول الغيبات جاب الغنايم

نعم يااختي اكون رائع عندما ارى حروفك تدفعني

شكرا جزيلا ً لشخصك الكريم ولحضورك الرائع
حاتميه
25-08-2007, 05:50
ايه زين ملطوش قلت شفيه ســم عسى ماشر بس الحمد لله جت سليمه

تبي الحقيقه فعلا امام بعض الناس تعبنا ندور رضاهم وهم همهم نمشي وراهم

هذي الدنيا وهذولاء الناس نعاملهم بمثل ما نحب يعاملونا لكن للاسف لابد من الاختلاف

واهم شي مايفسد للود قضيه

موضوعك جميل سمسم انتقائك دائما رائع وجديد

شكرا لك
عبدالمجيد الدعفس
25-08-2007, 05:54
بارك الله فيك ياسم ..

ومشكور على اللطششششه ,,!!

لا تحرمنا من جديدك ,,
فارس الفضول
25-08-2007, 06:00
موضوع جميل يا بعدي والله .. سم سم ... انا بالنسبه لي احب الحبيب اعظم من كلمة الحب نفسها .. بس انا قاعدتي تقول ... من تغلى يخلى لو كان غالي
سم الموت
25-08-2007, 06:04
حاتميه

الدنيا دايم كذا ماتجي على مانبي واقصد بالدنيا هم الناس تختلف اطباعهم باختلاف الوانهم واشكالهم

فلا تستغربي من تصرفات بعض الخلق


تومي.. الجميل هو تعليقك ومرورك الكريم والله يسعدك ويحفظك من كل شر

دمتي بود ووئام
سم الموت
25-08-2007, 06:07
عبدالمجيد الدعفس

العفو وحياك يالغلا في احلى موضوع من لطشات سم الموت

على الرحب والسعه يابن العم

مع ارق تحيه
سم الموت
25-08-2007, 06:10
فارس الفضول

يابخت من حبك يابن عمي لين وقاسي انت ماشاءلله عليك

اتمنى لك حياة سعيدة
فارس الفضول
25-08-2007, 06:39
فارس الفضول

يابخت من حبك يابن عمي لين وقاسي انت ماشاءلله عليك

اتمنى لك حياة سعيدة

ههههههههههه :21_f: لين وقاسي وش قالوا لك خبز ولا سلك كهربائي .. حلوه يجي منك اكثر يا بعدي
؟؟
25-08-2007, 08:01
سم الموت

دقائق وارجع لك


تعرف ليش؟؟




سبحان الله

كلماتك طبيعه خلقها الله للأنسان

لابد انه يدلع ويسوي كذا

لابد يبين انه افضل شي

لابد انه يكون احلى شي

لابد يكون اطيب واحد

لابد يكون ارق واحد

لابد يكون شاعري

لابد يكون حبوب الجميع




وكل هذا تحت حساب محبوبه

يعني

هذه خلقه فمن يتغلب عليها
شماليه
25-08-2007, 08:05
تحاول تسعدهم ولا تضايقهم ..
وهم همهم الوحيد يشوفون الحزن في عيونك
تبتعد عنك ،،، يتبعونك ..
تخاف تواجهم وينجرحون بكلمة منك
وهم ولا همهم يجرحونك !!
خلاص تعبت من كثر ما اكتم ..
وتعبت أكون إنسان مثالي لأخر حياتي ..


سلمت الانامل التي نقلت هذا الموضوع الرائع

بروعة صاحبه..

دمت للمنتدى

لاعدمناك
صالح الدعفس
26-08-2007, 02:30
سم المووووت


تحياتي لك يالغالي .......


واذا بغيت احد يشيل معك انا حاااااضر ....

هههههههههههههههههههه


ودمتم بود .........
سم الموت
28-08-2007, 01:19
عشق الشمال

الروعه تكمن بتواجدك اختي

لك اجمل تحيه
سم الموت
28-08-2007, 01:22
بو صلوح

تسوي خير والله يالنشمي

ماصدق على الله

مع ارق تحيه
السنافيّه
29-08-2007, 12:30
تكون صريح ،،
تبتعد عن المجاملات ..
توقف مع الحق ..
يتهمونك بقلة الأدب ..
تسكت

بسألك

هالحين وش احسن عندك واحد يقولك الصراحه بدفاشه ولا واحد يجاملك ويقولك حقيقه مزيفه ؟

لاصرت تعرف واحد دفش كذا بتستمر صداقتك فيه ولاتقطعها ؟؟

ادري مالك شغل بس انت منزل الموضوع فتحمل اسئلتي

واذا احد مر وعنده استعداد يجاوب يتفضل :smile:

اقول انا ابي احط صورة ابله عطيات عادي ؟؟؟ وكل ماحطيتها يقول كبيره مع اني اشوف صور كبيره بالمنتدى

ممكن حل :smile:

يعطيك العافيه على النقل
حاتميه
29-08-2007, 10:20
هالحين وش احسن عندك واحد يقولك الصراحه بدفاشه ولا واحد يجاملك ويقولك حقيقه مزيفه ؟

ممكن اجاوب :biggrin:

صراحه لا والله ابي المجامله اذا كانت بتسعدني ولا حقيقه تبهذلني

تصدقين عاد اذا احد قالي تبين الصراحه تطقني ام الركب مدري ليه اقول لا يا خوي مابيها عطني الكذب

عطني النفاق :tongue: ولا صراحتك هاللي باين انها بتجيب عاليها واطيها ههههههه

لان من قولة تبين هذي بس تخوف :confused:

انا مو ضد الصراحه بالعكس هي راحه لكن تجي باسلوب حلو

وسلميلي على ابلى عطيات مع اني ماعرفتها بس مدامك بتحطين صورتها فهي تمون ( :

سلااااام
السنافيّه
29-08-2007, 12:23
هلا حاتميه :smile:

صراحه لا والله ابي المجامله اذا كانت بتسعدني ولا حقيقه تبهذلني

تصدقين عاد اذا احد قالي تبين الصراحه تطقني ام الركب مدري ليه اقول لا يا خوي مابيها عطني الكذب

عطني النفاق ولا صراحتك هاللي باين انها بتجيب عاليها واطيها ههههههه


هههههههههههههههه

اجل ماراح تتعبين ياكثر اللي يجاملون مايعوقهم شي

انا معاك انه الصراحه مطلوبه ولازم تكون بأسلوب

المشكله ان الصراحه والدفاشه ربع .. والصريح لازم يجيك دفش :biggrin:

ولاقال اللي بخاطره تعالي شوفي الترقيع :biggrin:

احيان اتضايق من الصراحه بس مو الشخص نفسه لا من كلامه الصريح هذا اذا كان يمون علي

اما وحده ماعرفها وتجي طاقه الميانه وتصارحني وبدفاشه بععد امسكها واسطرها :ogre: <= امزح :biggrin:

وسلميلي على ابلى عطيات مع اني ماعرفتها بس مدامك بتحطين صورتها فهي تمون ( :

ابله عطيات اللي بقطعه 13 .. ماتذكرين دقدي دقدي << فروحه

ودي احط صورتها بس يقول انها كبيره :confused: طفشني وخليته

يعطيك العافيه
حاتميه
29-08-2007, 12:38
مشكوووره خيتو ع الرد الحلو .. بس مستغربه تقولين هاللي يجاملون كثار

مدري ليه مابعد تشرفت بمعرفتهم كله دفاشه واصله حدها ههههههه

وياعيني ع الترقيع بعدين .. والوجه يطلع الواااان :tongue: بس وشو عقبه خخخخخخخخ

اما دقدي دقدي يا حبي لها

انتي ما صغرتي الصوره طيب ..؟ اذا ما عرفتي عطنيها اصغرها <= ترى ماتعرف تسوي الا هذي هههههه

مشكوره عيوني
شاكر المخبت
29-08-2007, 01:19
الصراحة تختلف من موقف لموقف . ففيه اشياء ومواقف تتطلب الصراحة . والصراحة فيها راحة ومطلب . وفي امور ومواقف لاتصلح فيها الصراحة بل يجب المجاملة فيها . مثلا اذا طلب منك احد رأيه في امر هام يتعلق بحياته او بمستقبله فالصراحة في هذا الموقف مطلوب . وموقف اخرى مثلا يسالك عن جمال بيت او استراحة او سيارة او فستان فالصراحة يمكن تجرح اذا كان رأيك غير فالمجالمة حلوه . او عند اختلاف وجهات النظر لعمل ما او لاجتماع او لاي امر من امور الحياة فالصراحة هنا مطلوبه اما اذا كانت ليست بها ضرر عليك وعلى الطرف الاخر فليس هناك مشكلة من المجاملة . والمجالمة التي تظر بالدين الشخصي للانسان او بامر دنيوي . فالمجاملة هنا ضارة وربما تكون محرمة . والله اعلم
عطـــــر الخزامـــــى
29-08-2007, 06:19
سلمت يداك بما خطت
السنافيّه
29-08-2007, 07:33
حاتميه بعذرك تبين المجامله كل اللي عندك دفشين هههههههه وش رايك نتبادل :smile:

اسمعي كلامي وامشي مع الدفشين وتعلمي منهم تراهم موسوعه متحركه :biggrin:

هذي الصوره بس خايفه يخانقوني عليها

http://www.raffe3.com/uploads/c0cc1b6172.jpg (http://www.raffe3.com/)


يازينها زيناه هالعطيات
السنافيّه
29-08-2007, 07:38
استاذ فايز

كلامك صحيح وميه ميه

بس تدري بعضهم عندهم الثقه بالنفس زايده لازم تطق بالوجه عشان يصحصحون

الله يعينا هالحين يجي ســـم ويشوف هالحوسه .. بلم اغراضي وبطلع


.
حاتميه
29-08-2007, 07:48
تعالي تعاي لا تنسين ابلى عطيات تاخذينها هههههه

يللا نتبادل باللي قلتي عجبتني الفكره ( : .. بس اول مدري هذي عطيات والا برتقاله خخخخخخع

العموم الصوره مو كبيره غريبه ما ركبت .. بس انتي استغلي الفرصه هنا واطلبي من سمسم ترى مو مقصر

ويللا طالعه بعد انا اشوفك بموضوع ثاني فرصه سعيده ( :
السهل
29-08-2007, 10:03
سم

تسلم على الموضوع

ودايم مبدع

مو غريب عليك التيمز


حتى (باللطش)

حاكرها

وضابطها
سم الموت
19-09-2007, 09:52
سنافيه

الصراحه راحه

الف شكر لك ولمرورك
سم الموت
19-09-2007, 09:53
حاتميه

انتي فهمتي الصراحه هو الانتقاد هذا مافهمت من خلال ردودك

الف شكر لك ولمرورك
سم الموت
19-09-2007, 09:55
فايز الفايز

كلامك جميل وانا احب الصراحه اذا كانت من صالح الشخص المقابل

لك اجمل التحايا والتقدير
سم الموت
19-09-2007, 09:56
ونة

الف شكر لك ولمرورك

مع اعطر التحايا
سم الموت
19-09-2007, 09:59
السهل

اسعدني ردك الرائع اخي الكريم

اعجبك صح؟

مشكور على المرور

اسعدني تواجدك في متصفحي

الف شكر
باند
21-09-2007, 02:16
موضوع جميل شكرا لك
سم الموت
02-10-2007, 09:14
باند

الاجمل هو مرورك اخوي

مشكور ويعطيك العافيه