النظره الشرعيه بين مؤيد ومعارض ! [الأرشيف] - مجلس قبيلة الفضول التوثيقي الرسمي الأول

حاتميه

03-09-2007, 09:56

اخوتي حبيت نناقش قضيه مهمه بحياتنا الاجتماعيه

وتمس الشباب بشكل كبير ومؤثره على مستقبلهم وحياتهم الزوجيه

الا وهي

النظره الشرعيه

هل انت مؤيد لها ..؟ ام رافض

الحمد لله

كلنا نعرف موقف اسلامنا منها وهي محلله شرعا بل ومستحبه ايضا

وحثنا رسول الله عليه الصلاة والسلام عليها في احاديث كثيره اترك المجال لكم فيها

فإذا كان الرجل راغباً في زواج المرأة عازماً عليه .. موقناً بقبوله والركون إليه

فلما يرفض بعض اولياء الامور خاطب كريمته من رؤيتها ؟

حبذا اخوتي نناقش القضيه بكل جديه .. وإن كان بيننا من يرفضها لعله يقتنع بنقاشنا الهادف

ماذا تعرف عن الرؤيه الشرعيه .. وماهي ظوابطها

وهل انت مؤيد او رافض لها

وماهي ايجابياتها وسلبياته بنظرك

وما موقفنا تجاه ولي الامر الذي يمانع

بانتظار ارائكم

لكم مني وااافر الشكر والتقدير

السنافيّه

04-09-2007, 12:52

مافيه شوفه الا ليلة العرس

هذا النظام عندنا :smile:

وهو نظام خاطئ بس وش تسوين محد يرضى انه رجال يشوف بنته و عقبها ماتجوز له ويدور غيرها

وطبعا لانه مافيه شوفه .. الوصف الحريمي يلعب دور

تخبرين العجز ووصفهن للبنت يوصفونها بشي مو فيها

ومحد ياكلها الا المعرس :biggrin:

محاسنها كثير اولها قتداء بكلام الرسول صلى الله عليم وسلم ( انظر اليها فإنه احرى ان يؤدم بينكما )

يشوفها وتشوفه ويبدون حياتهم على بينه ..

وفيه بعض العوايل مايشوفها الا بعد الملكه وبكامل مكياجها

وهذا خطأ من البنت ...لو تحسبها صح بتقول اخليه يشوفني على طبيعتي

يرتاع الحين ولايرتاع بعدين :biggrin:

وياما ناس ماشافوا الا ليلة العرس وانصدموا وكملوا حياتهم

نصيحتي لكل مقبل على الزواج .. اذا اهلها ماسمحوا بالشوفه

خلاص دور لك وحده من اهلك تخاف الله وتوصف البنت وصف دقيق بدون زياده ولانقصان

وبنفس الوقت له تأثير على نفسية البنت

اذا ماصلحت له ورفضها هنا تنجرح مشاعرهاوالناس مايخلون احد في حاله

مشكوره حاتميه

واعطي المجال لبقية الاعضاء

سلامه العايد

04-09-2007, 04:27

الحاتميه

بيض الله وجهك على طرح مثل هذي

المواضيع

أولاً : هل في أحد يرضى نسيبه يرا أخته

قبل الزواج؟

نعم هناك أدله من سنة ( نبينا " محمد" صلى الله عليه وسلم )

ولاكن هناك عادات وتغاليد

السؤال هل النظره الشرعيه وأجبه ؟

أن لم تكن وأجبه لابأس الراي عند اهل البنت

أذا حبو الرجال يشوف البنت وإذا أبو أن يمنعو

يمنعوه هم أهل الكلمه

ثانياً : ليه يخطب البنت وهو مايدري عنها

ليه الاهل ماقالوا له عن المواصفات اللي في البنت

كأنها سيارة هههههههه

على العموم يسلمووو على هذا الموضوع ,

حاتميه

04-09-2007, 05:09

محد يرضى انه رجال يشوف بنته و عقبها ماتجوز له ويدور غيرها

شرايك ماتجوز له قبل يتزوجها ويتركها بسلام والا يتزوجها وما تجوز له ويطلقها ؟؟

تخبرين العجز ووصفهن للبنت يوصفونها بشي مو فيها

ومحد ياكلها الا المعرس

حتى لو انها ملكة جمال و وصفوها صح .. مو شرط انه يحبها .. فيه شي اسمه راحه نفسيه

يعني لااازم الشوفه عشان يشوف ارتاح لها والا لاء

وبنفس الوقت له تأثير على نفسية البنت

اذا ماصلحت له ورفضها هنا تنجرح مشاعرهاوالناس مايخلون احد في حاله

صحيح لكن شي اشوى من شي يعني احسن مم يضفها هي وعفشها ويحطها عند اهلها :biggrin:

شكرا السنافيه ع مداخلتك الجميله واللي حسيته انك ما تشجعين النظره اتوقع ذلك

ومبروك الاسم الجديد مشاءالله كل يوم نيو لوك الله يخلف علينا خخخخخخخ

منوره يالغاليه

حاتميه

04-09-2007, 05:38

هل في أحد يرضى نسيبه يرا أخته

قبل الزواج؟

ايه ليه لاء بالعكس كثييير والله .. تصدق واحد اعرفه خطب

وهو مشاءالله مايبي يشوف واثق قالك وغصبه اخوها الااا يشوفها غصب

يوم شافها بغى يهون خخخخخ بس زين ستر الله

السؤال هل النظره الشرعيه وأجبه ؟

مستحبه ولا اعلم في الاحكام الله اعلم .. لكن لولا فائدتها الكبيره لما حثنا عليه رسول الله

وصح عنه صلى الله عليه وسلم أن رجلاً – قيل المغيرة – خطب امرأة، فقال له النبي صلى الله عليه وسلم:

"انظر إليها فإنه أحرى أن يؤدم بينكما" ..

أذا حبو الرجال يشوف البنت وإذا أبو أن يمنعو
يمنعوه هم أهل الكلمه

هذي المصيبه لان هذا من حقه ليه يمنعونه بمزاجهم .. هذا مستقبل وشركه في الحياه

ليه الاهل ماقالوا له عن المواصفات اللي في البنت

هي مهيب سياره لها مواصفات ومقاييس عالميه محد يحتار فيها

فيه شي اسمه اختلاف الاذواق مهما كان .. مثلا الوالده ماقد غصبتك على اكله انت ما تحبها :tongue:

او رحت السوق شي عجبك وما عجب صديقك ..يووووه ياكثرها هالمواقف

شكلك ضده النظره ميه ميه الله يعيين نسيبك ياحر :confused:

ومشكووور على مرورك وتعليقك الحلو .. الله يوفقك

***

اخواني الموضوع للنقاش نبي مداخلات لبعضنا مو بس من صاحب الموضوع

عشان نطلع بفائده واثراء جميل .. يعني اقنعني واقنعك

عبدالمجيد الدعفس

04-09-2007, 07:05

اخوتي حبيت نناقش قضيه مهمه بحياتنا الاجتماعيه

وتمس الشباب بشكل كبير ومؤثره على مستقبلهم وحياتهم الزوجيه

الا وهي

النظره الشرعيه جميل ,,
هل انت مؤيد لها ..؟ ام رافض
مؤيد ..
الحمد لله
ايه والله الحمد لله ,,
كلنا نعرف موقف اسلامنا منها وهي محلله شرعا بل ومستحبه ايضا
كلام جميل ,,
وحثنا رسول الله عليه الصلاة والسلام عليها في احاديث كثيره اترك المجال لكم فيها
اللهم صل على محمد ..
فإذا كان الرجل راغباً في زواج المرأة عازماً عليه .. موقناً بقبوله والركون إليه

فلما يرفض بعض اولياء الامور خاطب كريمته من رؤيتها ؟
هذا اللي باط كبدي ,,
حبذا اخوتي نناقش القضيه بكل جديه .. وإن كان بيننا من يرفضها لعله يقتنع بنقاشنا الهادف

ماذا تعرف عن الرؤيه الشرعيه .. وماهي ظوابطها
النظره اللتي قبل الخطوبه ..أو اثناء الخطوبه ..
وهل انت مؤيد او رافض لها
مؤيد .. كما ذكرت ,,
وماهي ايجابياتها وسلبياته بنظرك
كله أجابيات ..
وما موقفنا تجاه ولي الامر الذي يمانع

أولاً : مألومه .. الغيره الشديده ..

ثانياً : لازم يفهم انها من مصلحت وليته .. علشان يكونون واضحين من البدايه ,,

السنافيّه

04-09-2007, 10:52

شكرا السنافيه ع مداخلتك الجميله واللي حسيته انك ما تشجعين النظره اتوقع ذلك

وشلون استنتجتي هالكلام :biggrin:

انا قاعده اقولك عن نظرة ولي الامر مايرضى يشوفها وماياخذها

واتكلم من كل جوانبها السلبيه والايجابيه

عن نفسي انا ايه بخليه يشوفني

لاني مابي استاثم باحد .. بكره يشوفني ويصير فيه شي لاسمح الله واتوهق :biggrin:

هو اولا واخيرا اقتداء بسنة الرسول صلى الله عليه وسلم

حاتميه

04-09-2007, 11:02

النظره اللتي قبل الخطوبه ..أو اثناء الخطوبه ..

اللي بعد الخطوبه وانا اختك

يعني بعد ما يكلم ابوها و يوافق عليه يخليه عاد يشوف بنته قبل يدفع المهر

زي ما قلنا من شروط النظره ان يكون عازم على الزواج

هذا اللي باط كبدي ,,

مو انت لحالك

مألومه .. الغيره الشديده ..

الحين تقول ما الومه

لازم يفهم انها من مصلحت وليته .. علشان يكونون واضحين من البدايه ,,

صح عليك للمصلحة الطرفين لان البنت بعد لازم تشوف ( :

شكرا عبدالمجيد لاطلالتك وتعليقك الجميل

حاتميه

04-09-2007, 11:13

وشلون استنتجتي هالكلام

ههههههه

قلت بستفزك عشان اكسبك مره ثانيه تجين .. بس هالابوان وشو له يحجرون على بناتهم اجل الزين تعنس عنده !

عن نفسي انا ايه بخليه يشوفني

تعجبيني

لاني مابي استاثم باحد .. بكره يشوفني ويصير فيه شي لاسمح الله واتوهق

شدعوه مو لهالدرجه عاد !! يمكن تجيه سكته بس خخخخخخخ

هو اولا واخيرا اقتداء بسنة الرسول صلى الله عليه وسلم

اللهم صل وسلم على محمد

سنافيه صدق عاد بعيد عن خفة دمك ..بم انك بنت بسالك سؤال واتمنى كل بنت تجاوب ع السؤال

على طاري مشاعر البنت تتعب اذا ما جازت للخاطب .. وشرايكم لو حطيتي نفسك مكانها هل هي تتعب فعلا والا ايش ؟

السنافيّه

05-09-2007, 12:08

انتي سألتيني انا بقولك بصراحه

ماراح اخليه يشوفني الا اذا تيقنت انه بيجازف بحياته وجد معزم انه ياخذني

مو جاي يتفرج ويشوف يشتري ولا ولا !!

وقتها بوافق على النظره

ماتفرق عندي احد قال حلوه ولا شينه

عادي

يعني لو الخاطب قال بوجهي انتي شينه بقوله الله يسلمك :biggrin:

بالعربي قلبي فضيييييييييخ .. خصوصا في هالامور

اما في امور الحياه الثانيه يمكن اكون حساسه وبزياده بعد بس في هالامور لا

بالعكس وش الفايده مايشوفني وعقب العرس يرتاع وتحوشه صدمه هههههههههه

وان كان فيها احراج

بس تدرين حاتميه حتى لو البنت ماتأثرت .. كلام الناس مايرحم

السنافيّه

05-09-2007, 12:17

اقول حاتميه اقترح انكم تودونه هالموضوع قسم المره ولاتحذفين ردي

احسه يفشششششل

ماخذه راحتي بقوه

راعي العليا

05-09-2007, 12:31

انا مع الشوفه الشرعيه بلا عادات بلا خرابيط دام هذه سنه

مع العلم انا من الناس اللي تحكمهم هذه العاده

حاتميه

تقبلي مروري وردي البسيط

جل التحايا والتقدير

حاتميه

05-09-2007, 12:31

يعني لو الخاطب قال بوجهي انتي شينه بقوله الله يسلمك

قوووه ومتااانه !! بالله سنافيه قولي لي انتي وش تاكلين هههههه

بس تدرين حاتميه حتى لو البنت ماتأثرت .. كلام الناس مايرحم

ياربييه على هالجمله ! والناس وش بيدريهم محد معلم لا اهل الخاطب ولا المخطوبه

واذا الخاطب ملقوف ونشر السالفه ! فهي خيره انها ماجازت له وسلمت من شره

سنافيه ماني ناقله الموضوع لانه يخص الطرفين وردك من احلى الردود لانه ماخذ راحته وهذا اللي انا ابيه

وبخلف عليك بقسم المراه بثاني يحبه قلبك

شكل بعض الناس الحين تحقرصهم قلوبهم ودهم يعرفون وشهو بس اوووص لحد يدري ههههههه

زلفوي

05-09-2007, 12:32

مع النظرة الشرعية

بنت الطائي

05-09-2007, 12:36

وهل انت مؤيد او رافض
انا من المؤيدين عشان اهي تشوفه بعد يمكن مايعجبها

راعي العليا

05-09-2007, 12:41

انا من المؤيدين عشان اهي تشوفه بعد يمكن مايعجبها

صح عليك

احسنتي بارك الله فيك

حاتميه

05-09-2007, 01:31

انا مع الشوفه الشرعيه بلا عادات بلا خرابيط دام هذه سنه

كل الشباب الظاهر مثلك .. وصح سنه بس الشكوى لله فيه عقول يابسه

مع العلم انا من الناس اللي تحكمهم هذه العاده

الله يكون بعونكم .. بس انتم ارحم من غيركم فيه ناسن ما تفتش له الحرمه حتى بعد الزواج

طبايع سبحان خالقهم !

تقبلي مروري وردي البسيط

اسعدتني بساطتك .. شكرا لك عزيزي

حاتميه

05-09-2007, 01:35

اذا مع النظره يا زلفوي .. الله يوفقك

شكرا لك

سالم بن عبيدالله

05-09-2007, 01:53

بنسبه لي أنا لو عندي بنت معصي
يشوفه فيها قبايل هذاىاشلخ راسه

السنافيّه

05-09-2007, 02:10

^
^

كلكم كذا :biggrin:

ودكم تشوفون لكن احد يشوف بناتكم لا

عادي نفس الحاله

طيب اللي قالوا انهم مع لو صار واحد خطب اختك وطلب يشوفها وفيه احتمال لاشافها يغير رايه

بتخليه ؟؟؟

اتحححححححداكم :biggrin:

حاتميه

05-09-2007, 02:23

انا من المؤيدين عشان اهي تشوفه بعد يمكن مايعجبها

نعم شيخه كلنا ناييد لانها نظره للطرفين ومفيده لهم كلهم الله يوفق الجميع

مشكوره ع المرور والراي الجميل .. بس ماقلتي جوابك لسؤالي للبنات ؟

حاتميه

05-09-2007, 02:29

ليييه معصي ياسالم افااا حنا نبي الخير للبنت والشاب

اي ازين يشوفها خمس دقايق وانت معها ويروح ويا دار ما دخلك شر

والا يتزوجها اسبوع ويردها لك مع التحيه ويقول والله بنتك ماجازت لي ياعمي ..!

وتقعد سيرتها على كل لسان وهات يا اشاعات وانت خابر

يهديك الله ان شاءالله وتطبق السنه .. وشكرا جزيلا سالم لاطلاتك الحلوه

حاتميه

05-09-2007, 02:33

طيب اللي قالوا انهم مع لو صار واحد خطب اختك وطلب يشوفها وفيه احتمال لاشافها يغير رايه

بتخليه ؟؟؟

ايه يللا جاوبو يا شباب على سنافيه خلنا نشوف رايكم السديد :tongue:

سالم بن عبيدالله

05-09-2007, 02:33

السنافيّه
حاتميه
بصراحه لو يجي واحد يخطب منكم
تخلونه يشوفكم ؟

حاتميه

05-09-2007, 02:40

ايه اجل ايش هههههه

اصلا الساعه المباركه يطلب يشوفني عشان اشوفه ولو اني عارفه انه من صالحه هو

لان هو اللي بيطير عيونه بس! اما انا بستحي

حتى لو ما استحيت بسوي نفسي مستحيه ولا اطالع

واصلا بعد بخاف من ابوي والا اخوي هاللي جمبي لا يقولون ما صدقتي خخخخخخخخ

سالم بن عبيدالله

05-09-2007, 02:51

تخيلي يشوفك ويهون وقته وش تسوي ؟

حاتميه

05-09-2007, 03:37

هههههههه

والله ازين من ياخذني ويبرطم علي خخخخخخ

يخليني ببيت ابوي الين يجي اللي اجوز له ويهنيني واهنيه ونعيش في ثبات ونبات

مو طقاق وطفش كل واحد من خلقة الثاني

سلامه العايد

05-09-2007, 05:59

طيب اللي قالوا انهم مع لو صار واحد خطب اختك وطلب يشوفها وفيه احتمال لاشافها يغير رايه

بتخليه ؟؟؟

والله محد قاله يخليه يشوف أخته ماصدق على الله يفتك منها
هههههههههههههههههه

في ناس عادي عندهم إذا حد خطب منهم يخلونه يشوف البنت

بس يحلفونه إذا شافها مايتكلم عنها برا ( أنها تخرع _ حوله ..... الخ ..

يشوفها وحي تحط القهوه وتمشي

إذا عاجبته يقول مو افق وإذا ماعجبته يقول ماعجبته .

,,,,,,,,,,,,,,,,,,,,,,,,,,,,,,,,,,,,,,,

طيب وش ذنب المسكينه إذا خطبه وأحد ماعجبها ؟

بتقولون الحب؟

الحب ولاستقرار مايجي الابعد الزواج

والصبر جميل والصبر مفتاح الفرج
,,,,,,,,,,,,,,,,,,,,,,,,,,,,,,,,,,,,,,,

أما من ناحيتي أنا مراح أخط أي وحدة على قولتهم طقة حصاة

بخطب بنت أنا عارف عنها

يسلمووو على الموضوع

أنا نيحتاج أشوفها لاني عارف ذوقي

ومتفأل بالخير

وعقبالي أنشاء الله .

احمد الفضيلي

05-09-2007, 06:07

الاخت حاتميه الله يعطيك العافيه ع هالموضوع,,,,
وانا من البدايه اكول اني مع النظره الشرعيه لما لها وعليها ما بعد الشوفه لكن وفق ما تعارف عليه التاس بمسألة الشوفه.
والمساله ما هي بدك حنك وسهر وشاي رايح وقهوه جايه والختام بالعصير,,,ههههههه
والمهم انه نعرف سبب اتاحة الفرصه للنظره وهي تشمل الاثنين المراءه والرجل
لا مثل ما يعتقده كثير من الناس ان الشوفه من حق الرجل فقط!!!!!!
المهم في الامر كله هو ( الارتياح النفسي لكلا الطرفين وان لم يتوفر بعض الشروط التي يحلم بها كل منهما ) فالمسأله بسيطه وما محتاجه اننا نحكمها بعاداتنا وتقاليدنا دام فيها نص شرعي واضح كوضوح القمر ليلة البدر

حاتميه

05-09-2007, 06:25

شكرا الحر لمرورك وتعليقك الجميل

طيب وش ذنب المسكينه إذا خطبه وأحد ماعجبها ؟

ترى البنت اذا ما عجبها تقوله عادي .. لا تحسب الدعوى انها مالها راي

بالعكس هو على الاقل اهله بيوصفون البنت له لكن هي من يقولها اوصافه وانت عارف خجل البنت مسكينه

الحب ولاستقرار مايجي الابعد الزواج

فيه مقوله تقول الزواج يقتل الحب .. زي شخص تعجب به من بعيد لم تتعرف عليه اكثر يطيح من عينك

الحب والموده اولها بالنظره .. ويكملها المعاشره بالمعروف

بخطب بنت أنا عارف عنها

الله يوفقك ياحر مع زوجه صالحه تسعدك وتسعدها

حاتميه

05-09-2007, 06:36

حياك الله احمد

وانا من البدايه اكول اني مع النظره الشرعيه

حلو

والمساله ما هي بدك حنك وسهر وشاي رايح وقهوه جايه والختام بالعصير

صدقت .. ويكملونها بالتليفون بعدين :biggrin:

لا مثل ما يعتقده كثير من الناس ان الشوفه من حق الرجل فقط!!!!!!

نعم والمشكله كثير من الناس يخلونه يشوف بنتهم دون علمها .. لهم يمكن مقصدين

اولا يخافون على شعورها ان ماعجبته .. وثانيا ما يبونها تتكلف بالزينه ويبون يكونون صريحين مع الرجال

شي حلو لكن وين حق البنت ..؟ و وين قول الرسول عليه الصلاة والسلام احرى ان يؤدم بينكما ولم يقل ان يؤدم لك !

المهم في الامر كله هو ( الارتياح النفسي لكلا الطرفين

عليك نور

وما محتاجه اننا نحكمها بعاداتنا وتقاليدنا دام فيها نص شرعي

عين العقل

واضح كوضوح القمر ليلة البدر

وطلتك كالقمر ايضا شكرا لمرورك وتعليقك احمد

سالم بن عبيدالله

06-09-2007, 12:14

حاتميه

خلاص أنا بسويها بروح كل بيت أخطب منهم

اقول بنتك ما اعجباتني

وش ريك حلو الحركه ؟

حاتميه

06-09-2007, 01:37

لا ما راح تنجح .. لان الناس مهوب اغبياء ويعرفون الصادق من اللي يلعب

وهم مو مورينه من الباب للطاقه بيسالون عنه ان كانه كفو والا لاء

واذا كانت نية الواحد مهيب زينه تاكد مهوب موفقه ربي .. وبيوقع في شر اعماله

ادري انك منت مسويها بس تضرب مثل للمستهترين بس مافيه احد كذا وان وجد فهم قله

وحتى لو صار فالاهل ما ارتكبو جريمه .. هذا شي محلل

فارس الفضول

06-09-2007, 02:10

وضعت اليد على جرح مؤلم بطرح هذه التساءلات بين مؤيد ومعارض .

فكم من أهات ومن ألام كان السبب الرئيسي فيها حرمان أحد الزوجين من حرية الاختيار

والسبب هو .. التعصب .. والعادات القبليه

أملنا بجيلنا أفضل .. في اتباع ما امر به الله ورسوله

عليه افضل الصلاة والسلام

تسلم يا ابو الحواتم على طرح مثل هيك مواضيع تفتح العقول المغلقه

سلامه العايد

06-09-2007, 04:10

فارس الفضول

أنت تقول موافق من ناحيتك

بس ترضا يصير كذا لهلك

أبصراحه ؟

وهذي عيب عندنا ( والناس حره )

تخليه يشوف ولا ماتخليه ( أنتو مالكم دخل )

هذي بنت بنت ناس مو لعبه

أجل ليه البنات يتغطون ليه مايحطون الحجاب وخلاص

عشان تشوفون البنات في الشارع والسوق والمجمعات .. الخ ...

وفكو عمركم مره وحده

وأن من ناحيتي أشكيف أرضا أشوف ولا أرضا لهلي

حد يشوفهم ,,,,

وان كان على الدين على الفكره هذي

الادله مو وأجبه حطوها في البال

حمدو ربكم في بعض القبايل حتى ليلة العرس

مايشوف زوجته وهي لابسه فستان العرس

بالاحرا ليلة الدخله مايشووفها

حاتميه

06-09-2007, 04:11

وضعت اليد على جرح مؤلم بطرح هذه التساءلات بين مؤيد ومعارض .

فعلا جرح وان شاءالله يلتئم ويتنورون المعارضين

ويريحون هالشباب اللي اصبحو ضحية تقاليد مالها اي اساس من الصحه

شاكره حضورك فارس واستحسانك وتعقيبك الممتاز ..جزاك الله خير

الله يستجيب دعاك ويحسن الاجيال القادمه بافكارها ومعتقداتها السليمه

الله يوفقك و يعطيك على قد نيتك

سلامه العايد

06-09-2007, 07:04

هههههههههههههههه

ياخي الناس حره

ولاتزعلون ليه العادات والتغاليد كذا

مو تحسون فيه قهر

تهي تهي تهي

على العموم

الحاتميه

أشكرك على الموضوع اللي

فيه المحاوره ولارا الطيبه

دمتي بود ,,,,

حاتميه

06-09-2007, 11:47

احترم رايك حر بن حر .. وما اقول الا الله يعين نسيبك الا اذا كان مثلك باقتناعه يستاهل

بس انت صراااحه اذا خطبت ما ودك تشوفها ؟؟ صراحه قلنا بغض النظر عن قناعتك ورايك

واشكر لاشادتك يالغالي

فارس الفضول

07-09-2007, 02:40

فارس الفضول
أنت تقول موافق من ناحيتك
بس ترضا يصير كذا لهلك
أبصراحه ؟
وهذي عيب عندنا ( والناس حره )

كم يزيدني شرفاً اذا اتبعت الله ورسوله عليه افضل الصلاة والسلام وعلى اله وصحبه اجمعين الى قيام يوم الدين .. ولكن لي سؤال لك هل العادات أولى ام اتباع الله وسنة نبيه .

قال تعالى { يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَلا تُبْطِلُوا أَعْمَالَكُمْ } [محمد:33].

فرسولُ الله رغّب وأمَر أمْرَ استحبابٍ بذلك. روى المغيرةُ بن شعبةَ أنّ النبيَّ قال له: ((إذا خَطَبتَ امرأةً فانظُر إليها فلعلَّه أن يُؤدَم بَينَكما)) <1> يعني أنّ نظرَك إليهَا سَبَبٌ لأن يجعلَ الله بينك وبينها مودّةً ومحبّة، وقال لرجلٍ من أصحابِه وقد خطَبَ امرَأةً: ((انظر إليها فإنّ في أعيُنِ الأنصَارِ شيئًا)) <2> .

والنظره الشرعيه لها شروط ومن ضمنها :
ان تَكون بحضُورِ وَليِّ المرأةِ، سواء كان الأب أو أيّ محرمٍ لها؛ لأنَّ حضورَها مَعَ خاطبها الذِي لم يتمَّ عقد النّكاح له عليها يعتَبَر خلوةً بأجنبيّة بعيدةٍ عنه، فلا بدَّ في هذه النظرةِ أن تَكونَ نظرةً بحضورِ محرَمِ المرأة حتى نَأمَنَ مِنَ الخلوةِ بالأجنبيّة

--------------------------------------------------------------------

[1] أخرجه أحمد (4/244)، والترمذي في النكاح (1087)، والنسائي في النكاح (3235)، وابن ماجه في النكاح (1688) نحوه، وقال الترمذي: "هذا حديث حسن"، وصححه ابن الجارود (675)، وابن حبان (4043)، وهو مخرج في السلسلة الصحيحة (96).

[2] أخرجه مسلم في النكاح (1424) عن أبي هريرة رضي الله عنه نحوه.

.

سلامه العايد

07-09-2007, 08:29

الحاتميه

بارك الله فيك

ورحم الله والديك

أبصراحه ودي إذا وافقوا أهلها

إذا موافقوا مايحتاجب أشوفها

الله يوفقك

,,,,,,,,,,,,,,

فارس الفضول

على قولتك أغتداء بارسول

أبسألك

هل أنت تقوم غيام الليل ؟

هل تنام بعد صلاة العشاء مبكراً ؟

أبصراحه هذي كان نبينا يفعلها

هذا لاجيت تطبق كل شي تطبقه

كله الواجب والسنه وو........ الخ

إذا كنت تطبق الواجب والسنه

إذا كنت تطبق كل شي فأنت رجل خير

وإذا كان كلام فاضي بالعقل مو من قلب

مثل مقالو " كلام الليل يمحوه النهار "

تقبل ردي وتعليقي يالغالي

مع صافي أحترامي وودي .

فارس الفضول

07-09-2007, 09:21

فارس الفضول

على قولتك أغتداء بارسول

أبسألك

هل أنت تقوم غيام الليل ؟

هل تنام بعد صلاة العشاء مبكراً ؟

أبصراحه هذي كان نبينا يفعلها .. هذا لاجيت تطبق كل شي تطبقه كله الواجب والسنه وو........ الخ

إذا كنت تطبق الواجب والسنه إذا كنت تطبق كل شي فأنت رجل خير وإذا كان كلام فاضي بالعقل مو من قلب مثل مقالو " كلام الليل يمحوه النهار "

تقبل ردي وتعليقي يالغالي

مع صافي أحترامي وودي .

ابن عمي .. اقسم بالله العلي العظيم اني لا اترك صلاة الليل .. منذ ما يقارب سنه الا عندما ادخلت المستشفى لمدة اربعة ايام .. اما النوم بعد صلاة العشاء لا اعتقد ان في احد ينام في هذه الوقت وما صلاة الفجر فاللحمد الله ان لا اتركها في وقتها .. والوالد الله يجزاء خير لا يتركنا نتركها .. ودائماً يذكرنا بقول الله تعالى .. { ياأيها الذين آمنوا قو أنفسكم وأهليكم نارا وقودها الناس والحجارة } .. ولكن انا هم اوجه لك ما قلت ...

هل أنت تقوم غيام الليل ؟

هل تنام بعد صلاة العشاء مبكراً ؟

أبصراحه هذي كان نبينا يفعلها .. هذا لاجيت تطبق كل شي تطبقه كله الواجب والسنه وو........ الخ

إذا كنت تطبق الواجب والسنه إذا كنت تطبق كل شي فأنت رجل خير .. وإذا كان كلام فاضي بالعقل مو من قلب مثل مقالو " كلام الليل يمحوه النهار " { لا تنسى القسم }

تقبل ردي وتعليقي يالغالي

سلامه العايد

07-09-2007, 09:51

فارس الفضول

السؤال لك مولي

قلبتها علي هاه

أنا ماقلت أغتداء بارسول

وطقيت صدري

بارك الله فيك وأسأل الله أن يثبتنا

في ديننا ويدخلنا في فسيح جناته

أما قيام الليل لا أكذب عليك أصلي

ركعتان فقط

وأما النوم أحياناً أتام مبكر

قبل كنت انام مبكر بس حالين

على حسب الوقت مرا مبكر ومره متأخر

لازم نطول السالفه عشان نغير جو

دمت بكل خير ,,

فتى المراح

07-09-2007, 10:26

سلامه العايد

07-09-2007, 10:33

فتى المراح

رحم الله والديك

وبيض الله وجهك

أسمعو ياشباب .

فتى المراح

07-09-2007, 10:41

لابالله ياخوي حر بن حر
هاذي غيره عندي وعندك وعند غيرنا
وما أقول الا جزالك الله الف خير
ورحم الله والديك
ونسينا ما قنا لكم ولاعضاء ومراقبين المنتدى ومشرفينه
مبروك عليكم الشهر مقدماً وجعلكم ربي من صوامه
ومشكور
فتى المراح مشـــــ.......

سلامه العايد

07-09-2007, 10:59

فتى المراح

الله يبارك فيك

وشكراً على واجب

فارس الفضول

08-09-2007, 10:42

السلام عليكم ورحمة الله وبركاته
أنا صحيح أني رجال بس ما ارضى على خواتي انهم يجي لهم عريس
ويشوفهم قبل ليلة عرسهم
صحيح انها جايزة بس عندنا لا ونا ما ارضى على خواتي ولا على بنات الناس
أن احد يشوفهم بعدين يقولا
ويروح يفضحهم ويقول هاذي وجهه متنفخ وخشمها مسطره وغيره
والا تقول هاذا الرجال حلو أخاف اتزوجه يطير مني مثلي بس ما ابي افتخر
والا يوه عبد مملح متين والا ضعيف بس انا انصح البنات ياخذون واحد رشيق
والرجال ياخذون وحد رشيقه عشان ما تاذيه يالله المطعم
أحسلك افتح حساب وريح باللك وخل المطعم يجيب الطلبات يومياً
بس ما نبي يزعلون علينا البنات لحين
وادري طولت عليكم بس سامحونا اذا طلع منا هرج مو زين
فتى المراح مشــــ.......

فتى المراح
رحم الله والديك
وبيض الله وجهك
أسمعو ياشباب .

كلام سليم بس لدي سؤال هل يوجد احد في هذا العصر .. عند ولادة المرأه لا يذهب الى المستشفى وان ولدت المراءه بالمنزل لبد ان تأخذ هي وطفلها لاكمال الاجراءات اللازمه ؟ وهذي اشد من رأيت المرءه اثناء الزواج للخاطب .. رغم انها اوصى الرسول عليه افضل الصلاة والسلام .. وتبقى العادات والتقاليد .. نتكلم عنها ولا نطبقها ؟

سلامه العايد

08-09-2007, 10:52

أنت سألت والجواب أنت راح تجاوبه

لسمح الله إذا حدث لهلك مكروه

وديتهم المستشفى لازم عمليه ..........الخ

ولازم تنويم

أنت بصراحه تمشي البيت ولاتنام في المستشفى ؟

سؤالك نفس هذا الجواب اللي راح تجاوبه

والمستشفى في نساء للولادة للمعلوميه

تقبل ردي ,,,

فتى المراح

08-09-2007, 11:09

السلام عليكم ورحمة الله وبركاته
أخواني خواتي
أنا أحيي كل من رد علي أو أقتبسني
وأنا أحيي أخوي العزيز حر بن حر
وأقول لأخوي فارس الفضول
عندي سؤال وودي تجاوبه لأنك دخلت موضوع في موضوع
الله لايقوله ( لا تقول روحت المستشفى في الولادة ما يجوز والا تولد في البيت وتدخلها في النظره الشرعية وتقول عالدات وتقاليد لا ياخوي ما يصلح ذه الكلام - سؤالي = في المستشفى إذا بيضربونك ببرة ووين محلها الله أعلم هل يجوز الدكتور أو الدكتوره يضربونك ببره ليه ما تضربها أنت بنفسك )

بقولك الجواب عشان ماتقتبسني مره ثانيه

شبلاك مستعجل

خلك ريلاكس

كل الكلام الي تقولة عشان تولد ونوديه المستشفى والكلام الي قلته أنا

عشان يطمنونكم ويحافضون على صحة الولد والحرمه
ويحافضون على صحتك بالابرة وحاجات ثانية العملياتـــ.......ألـــخ

كما ان الاسلام صالح لكل زمان ومكان ...

ولا موضوع المستشفى يدخل في موضوع الرؤيه الشرعية أبداً بحتاً...

وارجو أني ماطولت

فتى المراح مشـــــ.......

فارس الفضول

08-09-2007, 11:47

طيب الرسول اللهم اصلي وسلم عليه حث على الرءيه قبل الزواج لماذا انت تنكرها ؟ هل نتبع رأييك ام نتبع حث الرسول ؟

فارس الفضول

08-09-2007, 11:52

والمستشفى في نساء للولادة للمعلوميه

تقبل ردي ,,,

اعرف ان في المستشفى نساء بس هم الرجال يباشرون نفس المهمه وهذا لا يخفي على احد .. وللمعلوميه الرجال اكثر من النساء يباشرون هذا العمل بنسبة ما يقارب 90% .

سلامه العايد

09-09-2007, 12:15

فارس الفضول

أنت تقدر تشرط الطبيبه

هي اللي تولد الحرمه

لأنك راح تدفع فلووس فيحقلك تشرط

وعلى الدليل ترى الدليل مو واجب

إذا كان واجب هذا شي ثاني بس

مو واجب

أحترماتي لك ,,,

فتى المراح

09-09-2007, 10:52

اعرف ان في المستشفى نساء بس هم الرجال يباشرون نفس المهمه وهذا لا يخفي على احد .. وللمعلوميه الرجال اكثر من النساء يباشرون هذا العمل بنسبة ما يقارب 90% .

أول شي السلام عليكم ورحمة الله وبركاته
ثاني شي أود أوضح أن النساء الممرضات والدكتورات الحين هم الي يباشرون الولادة فعلاً لا يتدخل الدكتور ولا الاستشاري الرجال أبداً
والدوله حفظها الله قامت ببناء مستشفيات خاصة بويلادات النساء وأسمه مستشفى لنساء والولاده
حبيت أوضح المعلومية بس
وعلى نضرة الحرمه قبل الزواج أذا أنت ترضاه اني اشوف اختك بعدين اقول لا فهاذا اني اقول انك مانت قبيلي والعفو اذا اخطيت
لانه الرجال اذا ما عنده غيره من الناس ما عنده غيره من الناس تشوف أهله
والسلام ختام الموضوع
سلام .......
فتى المراح مشـــــــ........

شاكر المخبت

09-09-2007, 11:45

اخواني واخواتي النظر الشرعية للمخطوبة ليست مباحة فقط بل من وجهة نظري بل واجبة وضرورة من ضروريات الزواج الناجح . ان النبي عليه الصلاة والسلام امرنا بذلك . وامر الرسول لايمكن يكون فيه شر على احد بل خير لاشك فيه . اخواني واخواتي كلام الاخ انه كيف يخلي اي شخص يرى اختع او بنته ومن ثم لاتعجبه ويروح يتكلم بها في المجالس ؟ من قال هذا سوف يصير او يحدث اصلا انت يوم تبيه يشوف اختك او بنتك وانت سبق ان سالت عنه سؤال شديد من ناحية اخلاقه ودينه ثم اذا رضيت به من ناحيته اخلاقه ودينه . بقي الرؤية الشرعية الضرورية فهذا الشخص الذي سوف يرى اختك او بنتك سبق ان سالت عنه وكان صاحب خلق ودين فاذا اعجبته فالحمدلله واذا لم تعجبه فسوف يكون ستر لها واخ حافظ لها ولي شرفها قبلك لانه ابن مسلم على خلق ودين . نعم وليست الرؤية قبل ماتسأل عنه وتعرف عنه كل صغيرة وكبيرة . لان الرؤية بعد السؤال وليست قبل السؤال عنه . فاذا سألت عنه ورأيت انه غير صالح بدينه وخلقه فتقول له مالك نصيب والله يوفقك وبكذا تكون سلمت من شره ولم تجعله يرى اختك او بنتك. وعامة الناس فيهم الخير والستر لانهم يخافون من الله وعندهم بنات واخوات . المهم ان الرؤية ضرورة ملحة لكي يكون ببينهم توافق . وايهما افضل ان يرها ثم يتراجع عنها ولم يعلم بذلك احد ام يتزوجها ثم ينفصلوا او يعيش معها على كدر . ان الشرع لم يأمر بهذا الا فيه الخير للامة .

فتى المراح

09-09-2007, 11:49

لابالله يا اخ فايز
هاذي صارت وسمع بها الناس
وانا ما اقول شي كلام وبس
حبيت أقولك لآن بعض الناس فيهم خير وبعضهم فيهم شر ما يستحون بس

فتى المراح مشـــــ...........

شاكر المخبت

09-09-2007, 12:31

ايوه اخوي بس انا اقولك انك لن تريها الا شخص قد سألت عنه ورأيت انه صاحب خللق ودين . واذا كان كذلك فهو اما يقبل بها او يستر عليها .

فتى المراح

09-09-2007, 12:45

هذا الكلام ياخوي يافايز
ومشكور كفيت ووفيت
وجزاك الله الف خير

فتى المراح مشــــــــ............

سلامه العايد

09-09-2007, 03:35

فايز الفايز

أشكرك على الرد الصريح

والروح الرياضيه

حبيت أقولك

حنا نمشي بحكم الله وحكم الشريعه

صح؟

لو كان واجب كان أجدادي أعملوها

وإذا كان وأجب أنا أمشي مع الحق

بس مو وأجب

وهو مستحب يعني يحق

للولي الامر يخليه يشوف البنت

ويحقله أن يمنعه

لأنه هو راعي الكلمه

هناك فرق بين الخطبه وبين الملكه

وهناك سؤال : من راعي الكلمه ولي الامر ولا الخاطب؟

تقبلو ردي

وأنتم بكل بخير ,,,,

حاتميه

09-09-2007, 03:36

حياك الله اخوي فتى المراح .. الشهر مبارك علينا وعليك

والغيره مطلوبه بارك الله فيك .. اتمنى انك قدرت تغير قناعتك لو شي بسيط عن النظره الشرعيه واهم ايجابياتها

ومثل ما قال اخوي فايز حنا ماراح توري احد محارمنا الا رجال يستاهل بكل المقاييس

شكرا لحضورك ومشاركتك الجميله ..

حاتميه

09-09-2007, 03:49

حياك الله اخوي فايز .. والشهر مبارك علينا وعليك

اخواني واخواتي النظر الشرعية للمخطوبة ليست مباحة فقط بل من وجهة نظري بل واجبة وضرورة من ضروريات الزواج الناجح

احييك لمشاركتك الرائعه .. ورايك عين الصواب ومثل ما قال اخوي فتى المراح كفيت و وفيت يالطيب

اتمنى ما تحرمنا رايك السديد بمشاركات قادمه .. بارك الله فيك والله يوفقك يحفظك ويرعاك

***

احييكم اخواني جميعا على مناقشتكم الجميله والهادفه وهذا المطلوب

بس احب اقول لاخوي حر بن حر ان مافيه احد كامل ويعني الواحد اذا بيطبق السنه يطبقها كلها والا يتركها كلها

طبعا مهوب معقول .. وخير قليل دائم افضل من خير كثير غير دائم

والرسول عليه الصلاة والسلام ما خير بين امرين الا اختار ايسرهما .. والمؤمن هين لين ...

وما اختلفنا الحق مع ولي الامر او لاء .. طبعا كل الحق معه .. بس حنا نعرف ايجابياتها العائده على الزوجين

ونبي محد يعارضها لمصلحة الجميع .. وما اعتقد فيه احد يرفض المصلحه لاخوه او اخته

بارك الله فيكم اكملو حواركم الشيق والممتع ..ان شاءالله نطلع براي يرضي الجميع على الرحب والسعه

سلامه العايد

09-09-2007, 04:12

الحاتميه

بارك الله فيك على الرد والحوار الهادف

بس احب اقول لاخوي حر بن حر ان مافيه احد كامل ويعني الواحد اذا بيطبق السنه يطبقها كلها والا يتركها كلها

نعم كلامك صحيح هل يوجد كثير من الناس تطيق السنه كامله الا القليل

جاوبي على سؤلي

من راعي الكلمه ولي الامر ولا الخاطب؟

وأن ماعجه ترى بنات الناس كثار والف بنت تتمناه

أحترامي لشخصك ,,,

حاتميه

09-09-2007, 04:22

هلا حر جا دوري معك الحين الله يعيني ههههه

قلت اخوي في ردي السابق لك

وما اختلفنا الحق مع ولي الامر او لاء .. طبعا كل الحق معه

طبعا راعي الكلمه ولي الامر غصب ورا خشم الخاطب .. الشكوى لله وش يسوي الشاب الضعيف

تقول بنات الناس واجد طيب اذا كانو كلهم مثل ما ذكر اخواني زي اهل المراح كلهم يعارضون

وين يروح وهو مقتنع لازم يشوف خطيبته قبل لشيء في نفسه .. تبونه يروح يتزوج اجنبيه !!

كذا يرضيكم يعني ..؟

سلامه العايد

09-09-2007, 04:42

الحاتميه

أولاً

هذي حياتنا ثم هذا قدرها

مثل ماقالو الصبر مفتاح الحفرج

والحين السعودي ممنوع يتزوج من برا السعوديه

طيب أنا بكون صريح

وش رايك أهلي هم اللي يخطبون لي وحده أنا ماريدها

شفتي الحظ بس ماريد الزواج كذا

في قبايل ثانيه

أنا أعرفهم يوم الزواج ممنوع يشوفها وش رايك بهذي العاده؟

طبعاً مايشوفها لا في الخطبه ولا في الملكه

أسمحيلي على القصور ودايم اللي تعارضنا

هالعدات والتغاليد

أشكرك جزيل الشكر على الموضوع .

حاتميه

09-09-2007, 04:55

من قال السعودي ممنوع يتزوج اجنبيه ..!

بالعكس الا مأيدين الربع ومعطين الاجنبيه حقوق ما حصلتها المواطنه !! الله يكون بالعون بس

كني طلعت عن الموضوع ؟؟ كله منك يا حـر الظاهر انك بتجيب رجلي هههههه

بالنسبه للعادات انا قلت بعد لراعي العليا انتم اشوى من غيركم

فيه ناس عاداتهم ان الحرمه تتغطى عن الرجل طول عمرها ما يشوف وجها .. زي ما قال اخوي طربان باحد مواضيعه وايده اخوي بومشعل

بس تدري تتغطى عنه طول العمر احسن مما تفتش ويتحسف انه تزوجها خخخخخخ

مشكووور يالغالي

سلامه العايد

09-09-2007, 05:05

الحاتميه

أشكرك على الموضوع

بس حالين ممنوع الزواج برا السعوديه

يبغون يحلون ضاهرة العنوسه

أحسن تتغطاااا .

حاتميه

09-09-2007, 05:07

الله يبشرك بالخير يا حـر وش تبي بشاره عاد هاا قل ..؟

لا تقول زوجيني ترى مو مخليتك تشوفها هههههه

شكرا يالغالي على حضورك وردودك الطيبه لا عدمتك والله يوفقك يارب

فضول..على طول

09-09-2007, 05:16

انا من المؤيدون للنظرة الشرعية لاكن جدي يرفض النظرة.

وكذا عماني اذا تقدم احد لوحده من عماتي كانوا يخلونه يشوفها وجدي ما يدري في بيت احد عماني والحمد لله تزوجوا كل عماتي والحمد لله متهنين.

لاكن بعض الشيبان الله يهديهم يرفضون النظرة وبشدة وهي اصلا حلال لاكن وش تسوي ما يعجب الشايب الا رايه.

مشكورة اخت حاتمية على الموضوع اللي جدا حساس واحسنت في اختيار الموضوع وسلمت يمينك ولا عدمناك.

سلامه العايد

09-09-2007, 05:21

الحاتميه

الخير بوجهك

مابغيت الا سلامتك

زواج لا لا لا لا

خليني كذا بلا عوار الراس

يسلمووو ,,

حاتميه

09-09-2007, 05:33

حياك الله فضول وحي الله رايك السليم

فعلا اخوي اذا كان فيه احد كبير معارض بعض افراد العائله المقتنعين بضرورة الرؤيه يسوونها من وراه

او احيان يورونه صوره لها .. للاسف اخوي فيه بعض الناس الى الان متشدد في هالامور وهي مثل ما تفضلت حلال وسنه

و واضح للجميع فضلها واثرها الطيب والمؤثر على الطرفين

الله يوفقك يا فضول ويطيحك في نسيب حبيب ويناولك اللي في بالك يارب ..

حاتميه

09-09-2007, 05:35

مشكووور يا حـر الله يسلمك

اجل عوار راس هاا ؟ نذكرك ان شاءالله ( :

الله يوفقك ياخوي ويبارك في عمرك

سلامه العايد

09-09-2007, 05:39

الحاتميه

تصدقين أني أثرثر على أهلي

عشان الزواج

بس مدري له بس صحيح

عور راس .

حاتميه

09-09-2007, 06:08

ايه هين ههههه

الله يوفقك ويزوجونك اهلك ويرتاحون من قرقرتك عليهم

سلامه العايد

10-09-2007, 12:02

بالعكس إذا زوجوني

مراح يشوفوني مر وحده

راح يفقدوني من يلبي طلباتهم

.......... الخ

كذا مايبغون يزوجوني

هههههههه

وبعدين ماتلاقون محاور مثلي في المنتدى:32_f:
.

فارس الفضول

11-09-2007, 01:46

وعلى نضرة الحرمه قبل الزواج أذا أنت ترضاه اني اشوف اختك بعدين اقول لا فهاذا اني اقول انك مانت قبيلي والعفو اذا اخطيت
لانه الرجال اذا ما عنده غيره من الناس ما عنده غيره من الناس تشوف أهله
والسلام ختام الموضوع
سلام .......
فتى المراح مشـــــــ........

جزاك الله خير .. فعلاً الفاظكم مهذب يفتخر بها كل مسلم .. ولكن احب ان اذكرك ان الرسول حث وامر بها .. وهو اشرف القبائل نسباً وشرفاً .. فكلامك لا يقاس بالعقل في تحديد النسل القبلي .. وارجوك ان تنظر الى عنوان الموضوع وهو .. النظره الشرعيه .. مو النظره الغير شرعيه .. وانصحك ان تتخذ عقلك في الحوار لا عاطفتك كاسلوب الحوار النقي من الالفاظ التي تجعل الشحن في النفوس والتي لا تخدم النقاش في الموضوع للخروج بفائده .. والسلام .. ودمتم بخير .

العويد الفضلي

11-09-2007, 02:08

أنا شخصيا اؤييدالنظره الشرعيه وعندنا في العائله سواء بنات او اولاد لا بد من النظره الشرعيه
بس انا ملاحظ على عيال عمنا باالشرقيه متعصبين ورافضين هاالموضوع ودي يغيرون رايهم

زيد السالم

11-09-2007, 02:24

ان جينا للحق فالنظره الشرعيه زينه عشان تتفادى مشاكل كثيره بالمستقبل والرسول عليه الصلاة والسلام مااجازها عبث بل لحكمه

بس بالنسبه لاهل المراح متعصبين في هالامور وان شافتها امك احمد ربك

و المشكله من شب على شى شاب عليه وحنا تربينا كذا يعني مافي نظره شرعيه

فالمسأله مسألة عادات واسلوم

الله يهدي الجميع

سلامه العايد

11-09-2007, 03:15

شباب حنا جينا نناقش موضوع

محنا جايين بعصبيه حنا نتفاهم

ونناقش وكل واحد يبدي رايه

على هذا الموضوع

ولكي نستمع أراكم جزاكم الله كل خير

وحنا عيال عم وكلنا واحد

نعم هناك دليل بس الدليل وأجب تطبيقه أم مستحب ؟

من راعي الشور الخاطب والا ولي الامر ؟

وقبل أن ننسى أن هناك عادت وتغاليد

فيهم من يسمح ومن لايسمح

تقبلو رايي ومع صافي ودي

ودمتم بخير ,,,,

ناصر السيف

13-09-2007, 04:34

السلام عليكم مشكورة حاتميه على طرح الموضوع

فعلا النظرة الشرعية لابد منها نشوف البنت يمكن تعجبني يمكن ماتعجبني كلنا له رأيه

بس عندنا مافي شوفه الا في الزواج هههههههههههههه الله يكون في العون

تقبلي مروري يالغلا

سلامه العايد

13-09-2007, 11:43

ناااصر السيف

مشكوور على المشاركه

شفت هذا الحظ

وش نسوي

ههههههههه

نمر

16-09-2007, 08:08

انا مع النظره الشرعيه دام الله محللها الحمدلله وشو له نعقد على انفسنا ونجيب اسباب مالها داعي

اذا وافقنا على الرجال وهو كفو نوريه ليش لا .. اما اللي شاك في نسيبه يخاف يروح يحكي في بنته

وشو له يوافق عليه اصلا لانه مهوب رجال يستاهل المنسب

اشكر صاحبة الموضوع المشرفه الحاتميه على طرحها الجميل والمفيد

بارك الله فيكم وجزاكم الله خير

عبدالرحمن الدعفس

23-10-2007, 08:29

شكر اختي على الموضوع الرائع وانا اقول لابد من الشوفه للكل حتى البنت لها حق يمكن ماترتاح للخاطب , بعدين ترى ذبحتونا بالعادات والتقاليد صارت للاسف اهم من الدين عند البعض 00

عبير الورد | ~

23-10-2007, 09:09

أنا أؤيــدها بشروط وظــوابط الدين

ودائما احنا اهل الشرقية متشــددين اكثر من غيرنا

ما يشوفها الا ليلة العرس الا من رحم ربي << نادر جدا وبعد الملكة بعد مو قبلها

خليها على الله

ابوي اذا ناقشته بالموضوع يقول ما اقدر عاداتنا

صعبــة عليه

يخاف على بناته لان هالزمن الشباب يخوفون وما لهم آمان

نسمع بقصص بنات ينخطبون وبعد الشوفة ما يرجع ليه؟؟

لان بعض الشباب بس يبغى يشوف جمال البنت من كثر ما يسمع عنها

وبعدها ينحاش لا حس ولا خــبر

يعني ما فيه ثقــة بشباب اليوم

ومن حق الاب يخـــــــاف على بنــاته

هـــــــذا والله المـــــــوفـق

سلامه العايد

23-10-2007, 01:47

دلــوعــه

بارك الله فيك

أنت اللي فهمتي صح لأن هذا

الزمن يختلف ونااادر يصير الشاب

موثوق فيه ...

المــها

25-10-2007, 01:28

حاتميه موضوعك رائع
من جد انا استغربت الراء بعض شباب
اساسن مستحيل الرجال يشوف البنت الا اذا سئلو عنه وعن اخلاقه
بنسبه لسرتي ولاسر الي نعرفهم كلهم شي اساسي ولازم النظره الشرعيه للولد ولبنت
من الاتصال الام تبين انه شي اساسيه
سبحان الله في نظره يطرح ربي الموده حتى لو ما كنت جميله وكذا قصه سمعنها يقول معنها مهيب مثل ما كنت ابي بس سبحان الله الرتحتلها
يعطيك العافيه اختي على الموضوع

حاتميه

25-10-2007, 01:50

أنا شخصيا اؤييدالنظره الشرعيه وعندنا في العائله سواء بنات او اولاد لا بد من النظره الشرعيه
بس انا ملاحظ على عيال عمنا باالشرقيه متعصبين ورافضين هاالموضوع ودي يغيرون رايهم

حياك الله اخوي العويد .. تأييد سليم وفي المصلحه العامه

الله يهدي اللي رافضين .. كثير من الامور كنا رافضينها اول وهانت مع الايام

وان شاءالله هذي مثلها

الله يعطيك العافيه ع المرور الكريم

حاتميه

25-10-2007, 01:52

جزاك الله خير .. فعلاً الفاظكم مهذب يفتخر بها كل مسلم .. ولكن احب ان اذكرك ان الرسول حث وامر بها .. وهو اشرف القبائل نسباً وشرفاً .. فكلامك لا يقاس بالعقل في تحديد النسل القبلي .. وارجوك ان تنظر الى عنوان الموضوع وهو .. النظره الشرعيه .. مو النظره الغير شرعيه .. وانصحك ان تتخذ عقلك في الحوار لا عاطفتك كاسلوب الحوار النقي من الالفاظ التي تجعل الشحن في النفوس والتي لا تخدم النقاش في الموضوع للخروج بفائده .. والسلام .. ودمتم بخير .

جزاك الله خير بوساري كفيت و وفيت

اتمنى ما تحرمنا حضورك الرائع بنقاشاتنا القادمه

حاتميه

25-10-2007, 01:54

حاتميه

25-10-2007, 02:02

شباب حنا جينا نناقش موضوع

محنا جايين بعصبيه حنا نتفاهم

ونناقش وكل واحد يبدي رايه

على هذا الموضوع

ولكي نستمع أراكم جزاكم الله كل خير

وحنا عيال عم وكلنا واحد

حكيم يا سلامه .. اهم شي دائما المناقشه لا تفسد للودي قضيه

نعم هناك دليل بس الدليل وأجب تطبيقه أم مستحب ؟

من راعي الشور الخاطب والا ولي الامر ؟

الخاطب يطلب رغبته .. و ولي الامر عيله التنفيذ مدامه سال عن الرجال و موافق عليه

ليه يرفض والرؤيه مشروعه ؟؟؟

وقبل أن ننسى أن هناك عادت وتغاليد

فيهم من يسمح ومن لايسمح

قلتها بنفسك عادات وتقاليد مهيب فروض و واجبات

والله يكثر من يسمح

تقبلو رايي ومع صافي ودي

حلو مرورك لا تحرمنا منه ( :

فتى المراح

25-10-2007, 02:03

امين الله يهدي الجميع ويغير نظرتهم للافضل

الف شكر زيد ع الاطلاله والراي السديد

الله يوفقك .. ولا يعدمنا حضورك

السلام عليكم ورحمة الله وبركاته
أخت حاتمية
لا تخافي حنا أهل المراح يابن عوده
فينا من سوى النظرة الشرعية وفيها من ما سواها
بس حنا ياهل المراح كلنا ما يحتاج لنا النظرة الشرعية
لأن كلنا أهل وعشيرة وهاذي ياتصير لك بنت عمك والا بنت خالك
يعني ريح نفسك وتزوج أي وحده من اهلك
وما يحتاج النظرة الشرعية لنا
وريحي بالك أنتي واخ زيد السالم وأعضاء المنتدى كله بأقناعي
وهاذي حجتي لأنهم اهلي والي يبي يتزوج بيتزوج بقناعته

والله ولي التوفيق بما يحبه وبرضاه
وصلى الله على نبينا محمد وعلى أله وصحبه وسلم.

فتى المراح مشــــــ،،،،،،

حاتميه

25-10-2007, 02:04

وعليكم السلام ورحمة الله وبركاته يا ناصر

الف شكر ع الحضور الجميل .. وجيد انك موافق ع الاقل للاجيال القادمه تتغير النظره

الله يعطيك العافيه

حاتميه

25-10-2007, 02:13

السلام عليكم ورحمة الله وبركاته
أخت حاتمية
لا تخافي حنا أهل المراح يابن عوده
فينا من سوى النظرة الشرعية وفيها من ما سواها
بس حنا ياهل المراح كلنا ما يحتاج لنا النظرة الشرعية
لأن كلنا أهل وعشيرة وهاذي ياتصير لك بنت عمك والا بنت خالك
يعني ريح نفسك وتزوج أي وحده من اهلك
وما يحتاج النظرة الشرعية لنا
وريحي بالك أنتي واخ زيد السالم وأعضاء المنتدى كله بأقناعي
وهاذي حجتي لأنهم اهلي والي يبي يتزوج بيتزوج بفناعته

والله ولي التوفيق بما يحبه وبرضاه
وصلى الله على نبينا محمد وعلى أله وصحبه وسلم.

فتى المراح مشــــــ،،،،،،

الله يجزاك خير ع الحضور الجميل

فعلا احرجتني بكلامك الذوق وانتم يابن عوده والنعم فيكم وفي طبايعكم

ودي اقولك شي بس اخاف تعصب علي !!

مدام انكم اقارب فانت ضامن اللي خاطب منك انه مهوب من اللي يلعبون

ومتاكد من نيته الطيبه والجاده

يعني يعني لو توريه كريمتك عشان الالفه والموده المرجوه مهوب احسن

وانت طبعا حر بقناعتك .. الله يكتب للجميع مافيه الخير و يوفقهم الى ما يحب ويرضى

الف شكر فتى مراحنا العزيز .. تمنياتي بتواجدك الدائم

واستمرارية التفاعل الطيب

سلمتـ

حاتميه

25-10-2007, 02:17

حاتميه

25-10-2007, 02:22

شكر اختي على الموضوع الرائع وانا اقول لابد من الشوفه للكل حتى البنت لها حق يمكن ماترتاح للخاطب , بعدين ترى ذبحتونا بالعادات والتقاليد صارت للاسف اهم من الدين عند البعض 00

حضورك الاروع عبدالرحمن .. ومعك حق الشوفه للكل

صح البنت بتخجل لكن راح ترتاح اكيد

بالنسبه للعادات والتقاليد الغير صائبه اصبحت قناعات صعب تغييرها

الايام كفيله بها ... الله يكتب اللي فيه الخير

الله يعطيك العافيه

فتى المراح

25-10-2007, 02:24

حاتمية
بالله أعجبتني
بس أحسن شي ما أشوفها الا ليلة الدخلة
عشان أتفاجاء وتصير مفاجئة حلوة
أما اذا شفته قبل العرس ما يصير خجل ولا احترام للمشاعر
وأنا أعزوبي
وهذا دعاء للعازبين والعازبات
يالله لا تخلي عفيفن وعفيفه عازباًالا زوجته وزوجتها ولا متزوجن الا حفظته
قولو أميـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــن

مشكورةةةةةةةةةةةةةةةةةةةةةةةة

فتى المراح مشــــ،،،،،

حاتميه

25-10-2007, 02:26

ياهلا دلوعه منوره الموضوع باالطله الحلوه

ولا تخافين شباب هالايام فيهم الخير والبركه وفيهم كل الثقه

واللي مافيهم خير الحمدلله ما نعرفهم ولا حنا اصلن قابلين فيهم ان جو

يعني مافيه خوف ابدا ابدا

الله يوفقك اختي ويكتب لك اللي فيه الخير

حاتميه

25-10-2007, 02:37

مراحب المـها .. اسعدني حضورك وتعليقك الجميل

سبحان الله في نظره يطرح ربي الموده حتى لو ما كنت جميله

صدقتي الراحه النفسيه اهم من الجمال

يمكن الشاب يشوف وحده جميله ماتعجبه قد وحده ثانيه ارتاح لها

وهذي الغايه الراحه والطمأنينه للطرفين

الله يوفقك ويبارك في عمرك

الف شكر عزيزتي

حاتميه

25-10-2007, 02:47

حاتمية
بالله أعجبتني

شرف شرف شرف

مثلك وشرواك يعجب في رايي ( :

بس أحسن شي ما أشوفها الا ليلة الدخلة
عشان أتفاجاء وتصير مفاجئة حلوة

اها :cool:

ايه قل كذا ولد عمي ههههههه

أما اذا شفته قبل العرس ما يصير خجل ولا احترام للمشاعر
وأنا أعزوبي

انت اصيل .. واللي يعرفك لازم يحترمك والمشاعر الطيبه كلها لك

وهذا دعاء للعازبين والعازبات
يالله لا تخلي عفيفن وعفيفه عازباًالا زوجته وزوجتها ولا متزوجن الا حفظته
قولو أميـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــن

أميـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــن

الله يوفقك ويزوجك اللي تسعدك وتسعدها وتخلفو صبيان وبنات وتعيشو في ثبات ونبات :ylflower:

مشكورةةةةةةةةةةةةةةةةةةةةةةةة

العفو انا اللي شاكره صبرك وحلمك وروقانك

فتى المراح مشــــ،،،،،

ونعم

وجدان

25-10-2007, 07:48

السلام عليكم ورحمة الله وبركاته
شكرا لك يا اختي حاتمية على طرح هذا الموضوع
المهم
انا من المؤيدين للنظرة الشرعية
ويجب اننا لا نتهرب من شىء اقره الشرع.

حاتميه

25-10-2007, 08:20

وعليكم السلام ورحمة الله وبركاته

يشرفني شذى عطرك وجدان .. و اسعدني حضورك و وجهة نظرك الطيبه

سلمتِ ودمتِ بتواصلك الجميل

رياض الفضيلي

25-10-2007, 11:30

عبير الورد | ~

25-10-2007, 11:55

سـلامة تسلم اخوي وانت فاهمني وعارف شباب هاليـومين

المها

أكيــد النظــرة تسبب المــودة لحديث الرســول صلى الله عليه وســلم:"فإنه أحرى أن يؤدم بينكما "

سبحــان الله احيانا تكون البنت جميله بس ما يحصل قبــول من جهة الشاب لها أوالعكــس

لان الأراواح جنود مجندة ما تعارف منها أئتلف وما تتنافر منها أختلــف وهذا ايضا حديث مشهور

فلابد من النظــرة الشـرعيــة والله يوفق الجميـع لما فيه الخير والصلاح

لــكن اهلنا يستصعبــونها

آمين الله يسمع منك حاتمية

حاتميه

25-10-2007, 12:34

حاتميه

25-10-2007, 12:37

دلوعه كلك نظر بحضورك وإضافتك الجميله

لان الراواح جنود مجندة ما تعارف منها أئتلف وما تتنافر منها أختلــف وهذا ايضا حديث مشهور

سبحان الله .. الله يالف بين قلوبنا بالالفه والموده والحب في الله

الله يوفقك عزيزتي

فتى المراح

25-10-2007, 05:13

.

ما ينطق عن الهوى , ان هو الا وحي يوحى

اللهم صلي وسلم عليه

طالما الرحمة المهداة عليه الصلاة والسلام اجاز النظرة فلماذا ينكرها من انكرها ؟

لا ينبغي مخالفة المصطفى . فبعد حكم الرسول على هذا الموضوع لا يسعنا الا ان

نقول السمع والطاعة لله ولرسوله .. ومن يطع الله ورسوله فقد فاز فوزا عظيما

من ابو مشعل جزيل الشكر والعرفان للفاضلة حاتميه

يا أخ رياض

لماذا ينكرها من انكرها ؟

بالله انا شاك أنك تقصدني وشكي بيقينه
ومشكورررر الف مشكور على كل الكلام الي قلته
وانا ما انكرها ابداً بحتاً بس الواحد بكيفة
بس أنت تقول الكلام هذا كلة
كأنك تقول النظرة الشرعية واجبه وهي ما هي واجبة
وهي ليست كصلاة واجبة ولا يمكن احد ان ينكرها

فانت كأنك تقول ان كلامك صح وانا كلامي خطأ 100%

وحنا طولنا بهذا الموضوع والاخوان كلهم فاهمين الا أنت احس انك
واستغفر الله العظيم كانك عظم في بلعومي ما تحب ان اتكلم في هذا المنتدى
اذا كان وجودي يزعجك أنا أخرج من المنتدى ومن الوجه إلى الوجه أبيض

والسلام عليكم ورحمة الله وبركاته

فتى المراح مشـــــــــ،،،،،،،،،،،،،،

رياض الفضيلي

25-10-2007, 07:13

يا أخ رياض

لماذا ينكرها من انكرها ؟

بالله انا شاك أنك تقصدني وشكي بيقينه
ومشكورررر الف مشكور على كل الكلام الي قلته
وانا ما انكرها ابداً بحتاً بس الواحد بكيفة
بس أنت تقول الكلام هذا كلة
كأنك تقول النظرة الشرعية واجبه وهي ما هي واجبة
وهي ليست كصلاة واجبة ولا يمكن احد ان ينكرها

فانت كأنك تقول ان كلامك صح وانا كلامي خطأ 100%

وحنا طولنا بهذا الموضوع والاخوان كلهم فاهمين الا أنت احس انك
واستغفر الله العظيم كانك عظم في بلعومي ما تحب ان اتكلم في هذا المنتدى
اذا كان وجودي يزعجك أنا أخرج من المنتدى ومن الوجه إلى الوجه أبيض

والسلام عليكم ورحمة الله وبركاته

فتى المراح مشـــــــــ،،،،،،،،،،،،،،

مختصر مما قيل في هذا الموضوع ما يلي :

وان كان بيننا من يرفضها لعله يقتنع بنقاشنا الهادف
حاتميه
....................
هذا الي باط كبدي
عبد المجيد
.........................
انا مع الشوفة الشرعية , بلا عادات بلا خرابيط , دام هذه ســنّـه
راعي العليا
..............................
كل الشباب الظاهر مثلك . وصح سنّه . بس الشكوى لله في ناس عقول يابسه
حاتميه
...........................
النظرة الشرعية واجبة وضروره
فايز الفايز
.........................
تسلم يابو الحواتم على طرح مثل هيك مواضيع تفتح العقول المغلقه
فارس الفضول
...............................
هل العادات اولى ام اتباع الله وسنّة نبيه
فارس الفضول
..............................
انا مع النظرة الشرعية مادام الله محللها وشوله نعقدها على انفسنا
نمر
................................
لابد من الشوفه
عبدالرحمن
...............................
شيء اساسي ولازم النظرة الشرعيه
المها
.....................................
يجب اننا لانتهرب من شيء اقره الشرع
وجدان
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

ابني مشاري يافتى المراح

كل هؤلاء ضد رأيك . لماذا لم تتهمهم بانهم عظم في بلعومك ؟

لعلمك . حينما طرحت مشاركتي لم اعرف ان لك مشاركه ولا تهمني مشاركتك ولا مشاركت غيرك
تعرف لماذا لان هذا الامر امر مشرع من قبل الحبيب المحبوب عليه الصلاة . فانا اكتفيت بقرأة مشاركة
حاتميه

وبعدين يوم شفت ردك لي جعلتني ارجع واقرأ كل المشاركات ووجدت ان الذين لا يؤيدون النظره
هم قله من ضمنهم الاخ سلامه ولم يشك او يعتقد مثلك باني عظم في بلعومك

الله العالم من هو العظم انا والا انت هل نسيت موضوع قصيدة القهوه للاخت وجدان عندما رديت عليّ بان كلامي % صفر بالمائه .

لعلمك انت اخطأت على جميع المؤيدين للاسف عندما قلت لفارس الفضول [ اذا انت رضيت اني اشوف
اختك ...... اقولك منت قبيلي والعفو اذا اخطيت ] ... هذا كلامك يا ولدي

والاغرب من هذا تقول اذا وجودي بالنتدى يزعجك انا اخرج ..

لايخوي لا تخرج ولا شيء خليك بين اهلك واخوانك . واعاهدك باني اذا شفت لك موضوع او مشاركه
ماراح تشوف اثر لي

الله يوفقك ويسامحك

بومشعل

سلامه العايد

25-10-2007, 07:41

رياض الفضيلي

بارك الله فيك على الرد الصريح اللي

نابع من شخصك الطيب

واللي جاوبت بعقلك وقلبك

أنت تقول

لماااذا لا نتبع سنة سيدنااا محمد _ صلى الله عليه وسلم _

أناا بسألك هل هي واجبه بكل صراحه ؟

مثال : هل صلاة العيد واجب بكل صراحه ؟

مالفرق لمااذا لم تكون واجب ؟

لمااذا أكثر النااس لاتصلي قيام الليل ؟

لان معروف إذا كان الاب لين راح يسمح

بشوف وإذا كان متشدد فلايسمح أن يشوف

.............

فتــــى الــمراح

ليه تنسحب مااافيه شي ولا في خلاف

الله يصلحك هناااا نناااقش كل واحد

يقول رايه واللي يحكم فيه بعقله وقلبه

صحيح الله ماشفنااه لاكن بالعقل عرفناااه

تقبل ردي بكل صراحه وشفاهيه

حبيت أقول رأي اللي عاجبه لابأس بذلك

واللي موعاجبه لابأس بذالك والنااس مو خسرانه

وكلن يمشي على طبايهم وعلى تقااليدهم ...

سلامه العايد

25-10-2007, 09:06

حبيت اقول أن النظره الشرعيه

يرا الشخص البنت قبل الملكه او كتي الكتااب

وإذا شافهااا يقول رايه يبغيهااا ولااا لاا

والا ب أدرى في مصلحة بنته

وهو حر في الرأي

دمتم بود ....

رياض الفضيلي

25-10-2007, 09:40

[QUOTE=سلامه العايد;106977][center][size=5]رياض الفضيلي

بارك الله فيك على الرد الصريح اللي

نابع من شخصك الطيب

واللي جاوبت بعقلك وقلبك

أنت تقول

لماااذا لا نتبع سنة سيدنااا محمد _ صلى الله عليه وسلم _

قلت لاينبغي مخالفة المصطفى . فبعد حكم الرسول لا يسعنا الا السمع والطاعه

أناا بسألك هل هي واجبه بكل صراحه ؟

لا اعلم بكل صراحه انها واجبه , ولكن الي اعلمه ان المصطفى عليه الصلاة حثنا على النظرة الشرعيه . وهو لا ينطق عن الهوى ان هو الا وحي يوحى ... الآيه

مثال : هل صلاة العيد واجب بكل صراحه ؟

لا اعلم .. ولكن الرسول حثنا عليها ... وليس لها علاقة بموضوع النظرة الشرعيه

لمااذا أكثر النااس لاتصلي قيام الليل ؟

ليست واجبه .. ولكن هذه عباده ليس لها دخل بموضوعنا

[color=#666699]

تقبل احترامي اخوي سلامه

بومشعل

سلامه العايد

25-10-2007, 09:44

رياااض الفضيلي

بالعقل وش الفرق ؟

حتى الصمت عباااد

النوم عباااده

....الخ

رياض الفضيلي

25-10-2007, 09:54

رياااض الفضيلي

بالعقل وش الفرق ؟

العقل وما ادراك ما العقل [ العقل يقول نقتدي بكلام الرسول عليه الصلاة ]

حتى الصمت عباااد

الصمت انواع

النوم عباااده

النوم عن الصلاة اثم

....الخ

تحياتي .... بومشعل

سلامه العايد

25-10-2007, 10:12

رياااض الفضلي

نعم الموم عباااده لاكن وقت الصلاة صلاة

النوم عباده المقصد فيه الابتعااد عن المشاكل

والازعاج للناااس

الاقتداء بالرسول أغتدي محد ماسكك بس

أقول هل أنت تربي شعر الرأس ؟

الذي يغتدي يغتدي ولا عليه من كلام الناااس

لاكن هناااا الاغتداء العمل دون القول

والشور الاول ولاخير لولي الامر للبنت

تقبلي ردي

بيض الله وجهك ورحم الله والديك

لا كن ماقلت وش الفرق ؟

شماليه

25-10-2007, 10:14

قال تعالى : " وما آتاكم الرسول فخذوه , وما نهاكم عنه فانتهوا ...."

سلامه العايد

25-10-2007, 10:32

عشق الشمااال

السؤال هل هو واجب ؟

وعلى فكره ترى قليل بمن يغتدي الرسول

_ صلى الله عليه وسلم _

اللي يغتدي يغتدي بالفعل مو بالكلام

وبسألك صلاة العيد واجبه ولا لا ؟

وش الفرق بينهمااا ؟

رياض الفضيلي

25-10-2007, 10:42

قال تعالى : " وما آتاكم الرسول فخذوه , وما نهاكم عنه فانتهوا ...."

اخوي سلامه

قرأت هذه الايه اعلاه

هذا هو ردي اليك

وازيدك .. احد الصحابه تزوج في المدينة في زمن الرسول عليه الصلاة

فسأله الرسول : هلا نظرت في عينيها ؟ فأن في عيون الانصار حور

وقال تعالى [ وما كان لمؤمن ولا مؤمنة اذا قضى الله ورسوله امرا ان يكون لهم الخيرة من امرهم ]

وسؤالك عن الفرق هذا ليس من صلب الموضوع اخي الكريم

وتقبل احترامي

بومشعل

سلامه العايد

25-10-2007, 10:50

جواب الفرق نفس جواب

هل هو واجب ولا لا لواجب أنا أول واحد

أكون راضي لاكن للأسف ليس واجب

راح أسألك بكل صراحه أنت تغتدي كل شي

بالرسول ولا جزاء بسيط

والقصد بالآيه ماأحله لكم فخذوه

والي حرمه لكم فتركوه ...

رياض الفضيلي

26-10-2007, 02:02

فتى المراح

26-10-2007, 02:48

مختصر مما قيل في هذا الموضوع ما يلي :

وان كان بيننا من يرفضها لعله يقتنع بنقاشنا الهادف
حاتميه
....................
هذا الي باط كبدي
عبد المجيد
.........................
انا مع الشوفة الشرعية , بلا عادات بلا خرابيط , دام هذه ســنّـه
راعي العليا
..............................
كل الشباب الظاهر مثلك . وصح سنّه . بس الشكوى لله في ناس عقول يابسه
حاتميه
...........................
النظرة الشرعية واجبة وضروره
فايز الفايز
.........................
تسلم يابو الحواتم على طرح مثل هيك مواضيع تفتح العقول المغلقه
فارس الفضول
...............................
هل العادات اولى ام اتباع الله وسنّة نبيه
فارس الفضول
..............................
انا مع النظرة الشرعية مادام الله محللها وشوله نعقدها على انفسنا
نمر
................................
لابد من الشوفه
عبدالرحمن
...............................
شيء اساسي ولازم النظرة الشرعيه
المها
.....................................
يجب اننا لانتهرب من شيء اقره الشرع
وجدان
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

ابني مشاري يافتى المراح

كل هؤلاء ضد رأيك . لماذا لم تتهمهم بانهم عظم في بلعومك ؟

لعلمك . حينما طرحت مشاركتي لم اعرف ان لك مشاركه ولا تهمني مشاركتك ولا مشاركت غيرك
تعرف لماذا لان هذا الامر امر مشرع من قبل الحبيب المحبوب عليه الصلاة . فانا اكتفيت بقرأة مشاركة
حاتميه

وبعدين يوم شفت ردك لي جعلتني ارجع واقرأ كل المشاركات ووجدت ان الذين لا يؤيدون النظره
هم قله من ضمنهم الاخ سلامه ولم يشك او يعتقد مثلك باني عظم في بلعومك

الله العالم من هو العظم انا والا انت هل نسيت موضوع قصيدة القهوه للاخت وجدان عندما رديت عليّ بان كلامي % صفر بالمائه .

لعلمك انت اخطأت على جميع المؤيدين للاسف عندما قلت لفارس الفضول [ اذا انت رضيت اني اشوف
اختك ...... اقولك منت قبيلي والعفو اذا اخطيت ] ... هذا كلامك يا ولدي

والاغرب من هذا تقول اذا وجودي بالنتدى يزعجك انا اخرج ..

لايخوي لا تخرج ولا شيء خليك بين اهلك واخوانك . واعاهدك باني اذا شفت لك موضوع او مشاركه
ماراح تشوف اثر لي

الله يوفقك ويسامحك

بومشعل

يا أخ رياض
أنا لا أعرفك ولا أنت تعرفني وقد يمكن أنت أتيت للمراح مره أو مرتين بالكثير
وهذا لا يدعك أن تقول في شعر القهوة لللأمير عبد الرحمن العوده أني قلت 0% في كلامك
لانه صحيح
لأني أصل العوده وأصل الفضول ومن نسل أحرار
والمراح لها صك شرعي لأبناء العوده وليس لكل الساكنين بالمراح قلت صك شرعي باسم العوده
وعلى النظرة الشرعية للمراة قلت لن ولن اسمح لها تكون لاخواني وانت تقول وبعض الاخوان واجبة وهي ليست واجبة كالصلاة لا احد ينطق يقولة واجبة

ومشاء الله على اخت حاتمية فاهمتني اكثر منك بردوده التي قراتها ومشكورة اخت حاتمية على كل تعليق قالته لي
وانا لن اطلع من المنتدى اصلاً بس حبيت أقول وانا على يقين بفعلت ردك ان تقول لا تخرج من المنتدى لأنه فعل اي حد
والسلام ختام الموضوع
وصلى الله على نبينا محمد وعلى اله وصحبه وسلم

أنتهى الموضوع من النقاش من جهتي .......

FATI MURAH MSH............?

فتى المراح

26-10-2007, 02:51

وللرجوع إلى كلام فتى المراح
ارجاء من الاخوة الافاضل
للاستفسار أو النقاش عبر الايميل الموحد
murah1@hotmail.com

رياض الفضيلي

26-10-2007, 03:33

.

حبيبي فتى المراح

انا لم اقل النظرة الشرعية واجبه

ارجع الى كل كلامي لاتجد هذه الجمله

انا ردودي .. اما آيات .. او حديث

ممكن واحد غير قال ... لا شأن لي به

وجزاك الله خير احسن الظن بي فانا عندما كتبت مشاركتي لم اعلم ان لك رد

حتى تاخذ موقف

على العموم طاح احطب .. نشريك ما نبيعك يالغالي

محبك بومشعل

بوثنيان

26-10-2007, 04:25

حاتميه

بارك الله فيك ,,,ومن ناحيتي أنا مع النظريه الشرعيه ...

كذلك ..أقف مع أخواني ...

فارس الفضول , وفايز الفايز , رياض الفضيلي ( بومشعل ) , وجميع من وقف في الرأي ..

كذلك ...يوجد تفصيل الشرح الوافي والكافي من الاخوان فايز الفايز وفارس الفضول ورياض الفضيلي ( بومشعل )...

والعادات والتقاليد ..نعم توجد مشاكل ولابد من تغييرها لما يرضي الله ورسوله ..وليس لما يرض فلان أو فلان...

والايات والاحاديث ..تتحدث وتقول ...من خلال الامثلة .... في المشاركات السابقه..

كما تقول الايه في سورة التوبه .قال تعالى..( إن الله لايغير مابقوم حتى يغير مابأنفسهم )....صدق الله العظيم ..

كذلك .....قال تعالى : " وما آتاكم الرسول فخذوه , وما نهاكم عنه فانتهوا ...." صدق الله العظيم..

دمتم بخير,,,

حاتميه

26-10-2007, 04:36

قال تعالى : " وما آتاكم الرسول فخذوه , وما نهاكم عنه فانتهوا ...."

عشق الشمال حضورك مسك

الف شكر

عبير الورد | ~

26-10-2007, 06:09

سـلامـة ؛ فتى المراح ؛ بو مشعــل

صــلوا على النبي << اللهم صلي وسلم عليه

انتوا عيال عم وما يصيــر عشان موضوع مثل هذا

يســوي فيكم كــذا

انا اقول كل واحــد يصــلح سيارته ويتيســر<<< لا يا شيخــة

المهم انا اللي اعرفه بحكــم دراستي الجامعية وانا خريجة دراسات اسلامية

اقول ان النظــرة سنــه وليســت واجبــة << وأذا انخطبــوا بناتكــم كيفكم كل واحد يسوي اللي يريحة

(( كل واحـد ينــام على الجنب اللي يريحــة)) لكم حرية الاختيار

لا احــــــــد يفــرض رايــه على احـــد <<<< خلاص فضــوها سيـرة

وأســألوا الشيوخ اذا تبون تتأكــدون

وانا اشوف تقفــلون الموضوع ولا تخســرون بعــض

واحنا في النهاية أخــوان

سلامه العايد

26-10-2007, 03:29

نعام أنه ليس واجب بس هم اللي وجبوه

ويعلمون أنه مو واجب ولي الامر بكيفه

صح ولا لا ؟

سلامه العايد

26-10-2007, 04:13

سلامه العايد

26-10-2007, 04:23

.

عجبت لامرك ياسلامه !

فارس الفضول تسأله عن قيام الليل هل يقيمه ولا . لا

وانا الان تسألني عن الاقتداء

يأاخي الموضوع ليس عن قيام الليل ولا عن الاقتداء

الموضوع عن النظرة الشرعيه

ونحن نأتي بحجج من الكتاب والسنه

وانت تسألني هل اقتدي او لا

والضاهر ما في فايده .. لا اقنعك ولا تقنعني

انا غدا سأصلي مع الدكتور الشيخ عصام الحميدان سأسأله قد اكون مخطء

وانت بدورك اسأل احد المشائخ ... وحطها برأس عالم واطلع منها سالم

يا مرحبتين كباااار

بومشعل

هل أنت سمعت عن علي بن أبي طالب _ رضي الله عنه _

راء فطمه أبنت الرسول _ صلى الله عليه وسلم _

هل أنت سمعت أو قريت أن الرسول فعل ذلك لم خطب ؟

فارس الفضول تسأله عن قيام الليل هل يقيمه ولا . لا

وانا الان تسألني عن الاقتداء

يأاخي الموضوع ليس عن قيام الليل ولا عن الاقتداء

الموضوع عن النظرة الشرعيه

قال تعالى : " وما آتاكم الرسول فخذوه , وما نهاكم عنه فانتهوا ...."

هذا الجوا ب

الرأي الاول والاخير لولي الامر للبنت

شماليه

26-10-2007, 04:23

تسلمي يا

(( حاتمية ))

ان كان حضورنا مسكــ ..

فأنتي الغزال بكبره ..

تسلمي يا ذوق

بوثنيان

27-10-2007, 01:15

سلامه العايد

مرحبا ...

نعلم أن هنااااك حديث لا كن هل هو واج ؟

أجل ..بس نقراه ونسمعه ..ولانطبقه .....:biggrin:

وعلى فكره لو هذي تغضب الله والرسول

في النظره الشرعبه فأتي بدليل ...

الايات والاحاديث المذكوره بالموضوع ..وغيرها ...!

دمت بخير,,

فتى المراح

27-10-2007, 01:56

السلام عليكم ورحمة الله وبركاته

شباب استاذنكم برد على الموضوع قبل أن اسافر لي 4 ايام وراجع انشاء الله .

للنظر إلى المخطوبة آدآب وضوابط ينبغي مراعاتها، وهي – حسب التتبع – منها:
1 – تحريم الخلوة بالمخطوبة؛ لأنها لا تزال أجنبية من الخاطب، وبهذا يعرف الخطأ الكبير الذي يفعله بعض المسلمين اليوم متأثرين بالعادات الغربية، من خلوة، وخروج متكرر باسم الفسحة والتعرف على المحاسن... إلخ تلك الأعذار التي لا تسوغ هذا العمل شرعاًً، بل ربما انقلب الأمر على الزوجين، فاستهلكوا الشحن العاطفي – الذي هو وقود الحياة الزوجية – في أيام الخطوبة، حتى إذا ما دخل بها، وكأنه دخل على امرأة يعرفها منذ سنوات، فلا يبقى للأيام الأولى من الزواج رونقها وجمالها.
2 – تحريم المصافحة؛ لأنها أجنبية، والأجنبية لا يجوز مصافحتها مطلقاًً، كما في الصحيحين من حديث عروة بن الزبير، عن عائشة - رضي الله عنها- أخبرته عن بيعة النساء قالت: ما مس رسول الله - صلى الله عليه وسلم - بيده امرأة قط، إلا أن يأخذ عليها، فإذا أخذ عليها فأعطته، قال: اذهبي فقد بايعتك. هذا لفظ مسلم.
فإذا كان هذا في البيعة – التي مدُّ اليد فيها من أظهر صور تأكيدها – فغيرها من باب أولى.
3 – أن يستر الخاطب ما رآه إذا لم يُقْدم على الزواج؛ لأن الله يقول: "وَأَوْفُوا بِالْعَهْدِ إِنَّ الْعَهْدَ كَانَ مَسْؤُولاً" (الإسراء: من الآية34)، ومن المعلوم أن أهل الزوجة، وإن لم ينصوا على وجوب الستر إلا أن ذلك متقرر عرفاً ومروءةً، والمعروف عرفاً كالمشروط شرطاً.
والله أعلم.

نصيح يااخوي سلامه خلك رايق مثلي وروق المنتدى معك

فتى المراح مشــــــ،،،،،،

فتى المراح

27-10-2007, 01:57

حديث المغيرة بن شعبة أن النبي صلى الله عليه وسلم قال: "انظر إليها فإنه أحرى أن يؤدم بينكما" فإنه ينظر ما يدعو إلى نكاحها فينظر إلى الوجه والرأس والكفين والقدمين هذه الأشياء هي التي تدعو إلى النكاح.

فتى المراح مشــــــ،،،،،

حاتميه

27-10-2007, 03:28

حياك الله بوثنيان .. امتناني لحضورك واضافتك الرائعه

تمنياتي بدوام التواصل .. فلا تحرمنا مناقشاتك الجميله

الف شكر لمسك حروفك وتعليقك

حاتميه

27-10-2007, 03:37

هلا سلامه مشكوور ع المناقشه الحلوه .. والظاهر الحين الدور ع بوثنيان ( :

ومرحبتين دلوعه شكرا ع المداخله الجميله و وشفيك عجله ع تقفيل الموضوع :confused:

كان وراك شغل روحي وتعالي :biggrin:

تسلمين عشق كلك ذوق ونظر :wink:

الله يعطيكم العافيه

حاتميه

27-10-2007, 04:20

السلام عليكم ورحمة الله وبركاته

وعليكم السلام وورحمة الله وبركاته

شباب استاذنكم برد على الموضوع

تفضل الساحه كلها لك ( :

قبل أن اسافر لي 4 ايام وراجع انشاء الله .

تروح وتجي بالسلامه ان شاءالله ولا اوصيك بالهدايا الحلوه <= من قالك تعلمنا ( :

وانت ذوقك ما يحتاج تحب تشتري وانت مغمض!! <= واللبيب ......

***

فتى مراحنا العزيز امتناني لحضورك وشذى عطرك بهذه الادله والبراهين النيره

وانت اثرت نقطه جدا ضروريه وهي للي مأيدين النظره ان ما يتساهلون في كيفيتها

وان لها ضوابط ومعايير شرعيه يجب ان تطبق عليها

ليس كما يفعل البعض وتدخل البنت متزينه ومتكشخه كانها عروس

فهي تعدت ظابط الرؤيه الشرعي

وايضا يجب عدم غش الخاطب بمواصفات العروس .. كأن تدخل عليه وهي لابسه كعب 10 سم مشاءالله

والا تغير اي شيء فيها غير صحيح وانتم افهموها عاد :tongue:

نصيحه يااخوي سلامه خلك رايق مثلي وروق المنتدى معك

يارااايق ...

وااافر احترمي وتقديري لك

بوثنيان

27-10-2007, 04:49

حياك الله بوثنيان .. امتناني لحضورك واضافتك الرائعه

تمنياتي بدوام التواصل .. فلا تحرمنا مناقشاتك الجميله

الف شكر لمسك حروفك وتعليقك

حاتميه

بارك الله فيك ,, والاخوان كفوا ووفوا بما يدور حول المناقشه ...

والمسأله ..يا أخوان ( هذه موجهة لكل قاريء للموضوع )...نحن لدينا عاداتنا وتقاليدنا ..
وليست المسأله ..كما يفعلون الغرب قبل الملكه...أي أن قبل الخطبه ..يكون ولي أمر البنت
لديه من المعرفه التامه لدى الخاطب ...وكذلك ..من عاداتنا ...يسألون الاهل من أي العرب
هذا الرجل الذي يخطب ..وكذلك دور الرجل ..يقولون البنت من أي العرب ..ومن ثم يكون الدور
من الحريم ( أم الرجل وأم البنت )...بتبادل الزيارات والتجهيز للملكه ..وليست المسأله ..بأن
الرجل يذهب مباشره إلى بيت البنت ويقول ..لأهل البيت ..أريد أن أرى البنت ...<< يرمونه..:biggrin:

دمتم بخير ,,,

طــربـــان

27-10-2007, 05:02

حاتميه

27-10-2007, 05:04

سلمت سلمت سلمت

حكيم يبوثنيان .. مثل ما تفضلت حنا عرب وسلومنا اصيله

اذا جاهم الخاطب ينشدون عنه ويتحققون من اصله وفصله وطبعه

وبعد جهد جهيد يورونه ان بغى .. والا ان كانه يحب المفاجات يصبر للزواج

الله يوفق الجميع ويطيحهم متواسييين :biggrin:

سلامه العايد

27-10-2007, 03:07

[color=#990066]الايات والاحاديث المذكوره بالموضوع ..وغيرها ...!

دمت بخير,,

هههههههههههههههه

رجعناااا كمااا كناااا

ولا زلنااا كمااا كنااا

أين الآية والدليل اللي تغضب الله ورسوله

في النظره الشرعيه ...

سلامه العايد

27-10-2007, 03:17

السلام عليكم ورحمة الله وبركاته

نصيح يااخوي سلامه خلك رايق مثلي وروق المنتدى معك

فتى المراح مشــــــ،،،،،،

وعليكم السلام ورحمة الله وبركااته

لا تخااف أنااا مروق والصدر وسيع

مدامك بخير ومتواجدين بالمنتدى ...

سلامه العايد

27-10-2007, 03:33

انا مع النظــــــرهـ الشرعييييييييييهـ 100 %

هي ماهي واجبـــــــــهـ بس من احيااااااااء السنه عشان ماتندثــر

مثل الافطار برمضان اذا كنت مسافر ليس واجبا

لكن من احياء سنة نبينا عليه الصلاة والسلام

وانا اخووووي يوم جاء يتزوج ويعطي المواصفات للماما > > > ياهوه يالدلووع

بعد كم يوم وتقوله االماما لقيت بنت الحلال ومايحتاج تشوفها مثل مواصفاتك الي تبيها

الوكاد اخووي يوم راح يخطب

ابو البنت نفسها قال لاخوي يحق لك ان ترى البنت الرؤيه الشرعيه

قال اخوي بيض الله وجهك

يوم شاف البنت الله يستر عليها دنيا واخره

الا ماهي نفس المواصفات الي يبيها

المهم ماصار نصيب بينهم

يوم سالنا الماما ان فيه فرق بين المواصفات اللي قالك اخوي

ومواصفات بنت الناس قالت عارفه

انها ماهي مثل اللي تبي بس البنيه عاجبتني وذربه > > > الله يهدي الماما بس

هذي من فوائد الرؤيه الشرعيه ياسلامـــــــهـ

اخووووووي سلامه لاتسير منغلق تفتح شوي

الله يفحتها بوكهك ويكرمك > > > قلب مصــري

ومشكووورهـ اختي حاتمييييهـ ع الموضوع

طولنا بالمشاركه بس لتوضيح فايدة الرؤيهـ

ودمتم سالميييييييييين

طــربـ نجد العذيه ـان

ومن قااال ساالم

بارك الله فيك

تعم يحق له يشوف وأنااا مااقلتلك شي

بس أنتم تجبرون ولي الامر

وأنت عاارف أن الرأي لولي الامر صح ؟

تخيل أنك قاااضي او واحد من عيال العم

وارجو من الجميع يقول رايه او يحط مكانه

مكان القاااضي

مثااااال

أنااا خطبت اوملكت بونسب ماخلاني أشوفهااا

طيب رحنااا للقاااضي وقلنااله الساالفه

جااا القااضي وقال :

لوبنسب كذا وكذا وفي دليل

قال بونسب : هل هي واجي ؟

وش ردة فعلك ؟

عااد بو نسب مااسكت

قال لك إذا هو يريدي أن يراه وهو كاتب الكتااب

ومستعجل ياخذهااا بدون أفراح

وأن كان هو يريد يسوي فرح يصبر .

سؤال وشردت فعلك يالحكيم ياالقااضي

وكيف ترد على الاثنين ؟

حاتميه

28-10-2007, 04:58

يا حي الله عقيد منور طربان

واكيد انت مع النظره زي اكثر الشباب
وسالفة اخوك ترى دايم تصير .. اقولك مثلا مره ام جيرانا جتنا صبحية زواج ولدها تبكي تصدقون ليييه يا ترى
تقول بعد ما جينا من الزواج وفرحانين ومبسوطين وكلن دخل غرفته ينام
فإذا ولدي يطق باب غرفتي وقلت مين ؟؟ قال انا يمه .. تقول قمت بسرعه وفتحت له واشوف وجهه متغير وضااايقن صدره
و ارتعت عليه قلت شفيك يا وليدي سلامات عسى ما شر
قال ابد يمه بس وين عييناتك فيه يوم تشوفين الهانم !!!!!
تقول عندها صكتني الدنيا وضاااقت بوجهي وقمت ابكي يوم شفت ولدي عايف المره ومنقهر وهو توه باول ليله
وقلت ياليتني مخليته يشوفها ولا حطيت مسؤليته هو والبنيه علي
فجتنا تفضفض و تبي امي توسع صدرها وتهون عليها
لكن الصيبه مهيب بسيطه .. وش ذمبهم هالضحايا العروس والمعرس انقلبت ليلتهم حزن
المعرس نام وخلى هالضعيفه في بيت غريب ما يدانيها
يمكن هي مهيب ذيك الدرجه شينه والا كان امه ما خطبتها اصلن لكن ما عجبته ولا ملت عينه ولا ارتاح لها
والنظره الشرعيه فيها الكثير من الفوائد اللي حنا عارفينها ..
وحتى لو تزوج بعدين وماعجبته فتكون امه واخواته خالين من المسؤليه وعقدة الذمب

كأني كتبت قصه دراميه :confused:

اعذروني لكن كل همي ان تستفيدون من القصه وان النظره فيها راحه نفسيه حتى للأهل <= عسى ما تعيد من جديد :biggrin:

الف شكر طربان لحضورك وتعليقك اللي اضفى قيمه للموضوع

شرقاوي

28-10-2007, 05:42

الأخت حاتميه

موضوعك جدآ هام وبناء

أنا قبل كل شي _ من أشد الناس المؤيدين _للنظرة الشرعية

لأنها تكسر حاجز مخيف بين الطرفين ( رضى , تناقش , تقارب ,فكر ,تخطيط ,قبول,رفض)

أللي حاصل بالظبط عند شيباننا ألله يرحم الميت ويخلي الباقي منهم هو بعض العادات الخاطئه ومناظرة من حولي مع أنه مالهم دخل لأنه اللي راح يتزوج أختي أوبنتي مو أخت الناس أوبنت الناس وأنا بالظبط مايبط سبدي غير كلمة ( عيب ) وشو عيبه ياخي خلك معاهم في النظرة الشرعيه وش خايف منه أحسن مابكرى يقع الفاس بالراس وتنهدم حياة وعمر كامل والعمر لايتعوض والشباب أذا راح مايرجع وياخوفي أذا كان بعد الأنفصال هناك أطفال أيش ذنبهم

ومسأله توعية الشيبان بالموضوع هذا أنسوا لأنه محفور في مخه ألا منرحم الله

وتكون النظره بوجود أحد من الأهل هذا في النظره الأولى ثم بعد الملكه تقنن وتحدد النظره بمره أو2 أو3 حتى موعد الزواج
أدري أنه فيه شباب معانا الحين يقولو هذا مره حضري بس بكيفهم أهم شي عندي كريمتي ومبروك للزوجين _ وآآآآآآآآآآآسف على الأطاله

حاتميه

29-10-2007, 01:49

ياهلا والله واشكر جميل اشراقتك وعبير حضورك المميز

تعليق وافي ولا اجمل منه ولا يستغرب عليك شرقاوي

رائع توقيعك هنا

احترامي وكل تمنياتي لك بالتوفيق والرضا والسداد

N.o.O.n.a

03-11-2007, 02:51

السلام عليكم

والله شوفي انا ابوي شاف امي شوفة السنه .. بس مع ذلك انا من اشد المعارضين لها
بتقولين ليه ؟ بقولك مدري

اذكر واحد
قالوا له اهله تبي تشوف بنت عمك شوفة السنه .. قال لاء .. قالوا ليه ؟
قال مابي احسسها اني باخذها على شكلها او اي شي ثاني .. ابيها تعرف اني ابيها هي لذاتها

:

ويعطيك العافيه
لاهنتي على هالموضوع

حاتميه

03-11-2007, 11:42

مشكوووره نوونا ع الطله الحلوه

وجهة نظرك اقدرها واحترمها .. بس زي ماقلنا الشوفه مو عشان الجمال بس

عشان الراحه والاطمئنان وان الطرفين يكونون داخلين على نور

وطبعا كلن له رايه ورغبته ..

الف شكر لحضورك الجميل

الله يوفقك ويكتب للجميع اللي فيه الخير

فهد بن سالم

01-04-2008, 11:57

هلا وغلا ..
هذا الموضـــــــــــــــــــــــــوع اهم موضوع عندي تدرون ليه لانه اعم شي عندي قبل لاخطب يسالونه فيه نظره شرعيه ولا لا ..
انا من مؤسد لهذا الموضوع وبار الله فيك ع الطر الرائع ..
تدرو كلماقالت امي بتخطب لي قلت لها لاتفكرين اني باخذ وحده ماشفتهاااا هههه تقول لي حنا ماعندنا شوفه ..
اقول لها احسن لاني انا الي بعيش معهااا مو امي والا اختي لان نظره الرجل غير عن نظره الاهل ..
ياليت الكل يفهم وش معنا هذا الشي لان الي ياخذ على نظره غيره اغلبهم يقول لو اني شايفها ماخذتهااا ..
النظرها لها فوائد واهما الطمئنين والراحه النفسيه .. مو اخذ وحده ع نظره اهلي وبعدين اجلس بحسره واناظر في غيرهااا لاني ابي مواصفات ع كيفي ..
تقبلي مروري ..

الدمعه الحزينه

02-04-2008, 12:11

انا اويد الموضوع النظره الشرعيه النظره الشرعيه على زمن الرسول صلى الله عليه وسلم
جائز على العريس ان يشوف عروسه قبل الزواج
عشان العريس يشوف هل هي برصه _ نمصه _ عرجه _ بيضه _ سمره _ عجوز _ قرعه _ عشان كذا خلو النظره الشرعيه
ودمت بود

بنتـ الحصانـ

02-04-2008, 01:58

انا اشوف انة من حق الرجل <<< اذا طلب طبعآآآآ ...

وانا مؤيدهـ ,,,

ومشكوره ع الموضوع الجميل >> ماننحرم منكـــ ,,

تحيـــــــــــــــــــــــاااااتي,,,

جود الفضلي

03-04-2008, 05:09

يؤ.. الحمد لله عالنعمه
وأنا على بالي ابوي يبالغ يوم مايرضى البنت تنشاف
إلا وهي بالعبايه وشبه حجاب
ولا تقعد طبعا، خمس دقايق وتطلع
الحمد لله عالنعمه، وأنا أعرف ان ابوي غير عن باقي أهلنا
لأنه متفهم لضرورة الشوفه وشخص يفكر بالدين والشرع قبل العادات
والعادات مانحب الشذوذ عنها، لكن في شي يقدم على الآخر أحيانا

خاصه ان أهلنا الحمد لله حريصين، مو حي الله أحد يجي ويشوف
ما يشوف الا الشخص اللي فعلا انسأل عنه زيييييييييييين
وشخص والنعم فيه، واحتمالية الزواج أكبر من عدمه

بالتالي تتم الشوفه، والحمد لله ماقد صارت عندنا
ان انشافت بنت وماتم الموضوع
وهذا لأن مو حي الله أحد يجي ويشوف
لأن الأم والأهل يكوننون شايفين البنت، وعارفين اذا هي
تناسبه والا لأ ولا بيكذبون لأن عارفين ان ولدهم بيشوفها،،،
وحتى أهل البنت بدورهم
المفروض يحاولون يجسون نبض أهل الرجال بمتطلباته
فإذا لقوا انها ماهي بـبنتهم منعوا الشوفه وقالوا له اتكل على الله
بنتنا ماهي زي ماتبي...

وعموما أغلب الرجال القبايل، يستحون يرفضون بعد مايكون شافها
والنعم فيهم وباخلاقهم،، لكن بعد المفروض يكون صريح
لأن هذي حياه ومستقبل

شكرا على هذا الطرح حاتميه...

حاتميه

04-04-2008, 01:37

ياهلا فهــد شاكره حضورك وثنائك

ومثل ما قلت كلن له نظره والأهم نظرة الشاب نفسه والبنت ايضاً

الله يوفقك ويسخر لك الزوجه اللي تسعدك وتسعدها يارب

الف شكر لحضورك الكريم

حاتميه

04-04-2008, 01:59

انا اويد الموضوع النظره الشرعيه النظره الشرعيه على زمن الرسول صلى الله عليه وسلم
جائز على العريس ان يشوف عروسه قبل الزواج

اهليين دمعه .. فعلا النظره الشرعيه سنه

ومن اسمها واضحه انها جائزه .. وليت الكل يطبقها

عشان العريس يشوف هل هي برصه _ نمصه _ عرجه _ بيضه _ سمره _ عجوز _ قرعه _ عشان كذا خلو النظره الشرعيه
ودمت بود

هههههههههههه

اي نعم نعم وانتي صادقه

وان شاءالله محد ينغش وكلن يتزوج على بييينه

الله يوفقك غاليتي ويسعدك

مشكوووره

حاتميه

04-04-2008, 02:02

مراحب بنت الحصان .. شاكره حضورك ورأيك السليم

منوره عيوني

الله يوفقك

حاتميه

04-04-2008, 02:07

اهلا اهلا جود .. منوره الموضوع

ومشاءالله على ابيك ... كذا والا بلاش

ما قصر يعطيه العافيه .. وهذا المفروض الله يكثر امثاله

ومثل ماقلتي قليل اللي يهونون بعد الشوفه

لأن اهم شي فيها الأطمئنان والراحه النفسيه

شاكره حضورك الجميل وتعليقك الوافي

الله يسعدك ويسخر لك ...

انور

05-04-2008, 06:16

النضرة الشرعية انها من اكبر المشاكل التي نعاني منها كوننا من ابناء قبائل وتلزمنا عادات وتقاليد
فانا احترت فيها من قبل لونفترض ان النضرة كانت من مصلحت الزوجين في اكثر الاوقات ياتي الشاب ويطلب ايد البنت ومن ثم يطلب النضرة الشرعية وبعد فترة يتراجع عن طلبة مهما كانت الاسباب ففي هذا الموقف تصبح البنت كالاباجورة كلما يريد شخص ان يتقدم لها يراها ون ثم يذهب
ومن جهة اخراى كثير مانلاحظ ان الطلاق يتك بعد الزواج بفترة قصيرة ويقول الزوج قشيتوني انا ماشفت البنت فالموضوع معقد
وانا شخصيا لااايد النضرة الشرعية واحب الزواج ان يكون عن طريق الاهل وشكراااااا
اخوكم الصحفي / انور محمد الهيلم الفضلي
عضوا نقابة الصحفين الكويتية

عبدالله الصاهود

12-04-2008, 12:40

السلام عليكم ورحمة الله وبركاته

الموضوع جميل وشيق التحدث فيه ...
حيث الدلائل والبراهين من السنة النبوية الشريفة تؤكد اجازة النظر للمخطوبة من قِبَل الخاطب،ولكن نحن بمجتمعنا الخليجي المحافظ وبسبب العادات والتقاليد المتوارثة تمنع احيانا ذلك.
ولكن انا اعتقد بما انك بقرارة نفسك لديك قناعة بهذا الشخص الذي امامك وباعتقادك الخاص انه اهل للثقة واهل بان تؤمن عرضك وتسمله تلك الامانة فهذا يشفع له بتلك النظرة الشرعية التي اجازها الاسلام له .
وان لم يكن لديك الثقة وعدم الاطمئنان لذلك الشخص من الاساس فما اعتقد بانك ستقبله ان يرتبط اسمه باسمك.

موضوع شيق ويستحق الكلام فيه اكثر ،ولكن لم يسعفني الوقت لكتابة المزيد ،ولكن باذن الله لنا عودة بمواضيع اخرى لك هنا ...

نحن بانتظار المزيد المفيد

دمتم بخير
اخوكم/ عبدالله الصاهود الفضلي

محسن الحربي

25-04-2008, 11:46

اختي العزيزه حاتميه الموضوع فعلا يستاهل لانه يمس الجميع بدون استثناء
بهذه النضره الشرعيه 0 علما اننا شعوب تصرفاتنا غريبه في بعض المواقف
وخاصة ابناء ادم نحرم ماحلل الله احيانا وبحجة العادات والتقاليد = ونحلل لانفسنا زواج المسيار فهذا التناقض الغريب من اخي ادم - علما ان القاضي شريح وهوعالم وفيلسوف زمانه عندما تزوج التميميه راها وتكلم معها بجوار دارها فهذا هو الحق - فقال شعرا بها عندما عرض عليه دعوه في مجلس الحكم ان ادم ضرب زوجته فقال -
رايت رجال يضربون نساءهم ------- فشلت يميني يوم اضرب زينب
فزينب شمس والنساء كواكب==== اذا بدت لم يبقي لهم بدر
تحياتي ويعطيك الصحه

حاتميه

29-04-2008, 04:42

هلا انور شاكره مرورك الكريم

وانا شخصيا لااايد النضرة الشرعية واحب الزواج ان يكون عن طريق الاهل وشكراااااا

احترم رايك .. وقليل مثلك الصراحه !

يعطيك العافيه والله يوفقك

حاتميه

29-04-2008, 04:48

مراحب عبدالله .. شاكره تواجدك واستحسانك

موضوع شيق ويستحق الكلام فيه اكثر

كلك ذوق .. ابهجني حضورك وتعليقك المنطقي الجميل

وماقصرت كفيت ووفيت يا الطيب

وابشر بالمزيد من المواضيع بشرط ماتحرمنا ردودك الرائعه ( :

الله يسعدك

حاتميه

29-04-2008, 04:56

حياك الله محسن .. امتناني لروعة اشراقتك المميزه

نحرم ماحلل الله احيانا وبحجة العادات والتقاليد

حطيت ايدك ع الجرح فعلا .. وكما تفضلت كثير من التناقضات نواجهها

وتحتاج وقفه من الجميع لتصحيح القناعات السلبيه المتجذره مع الاسف

شاكره تعليقك وضربك المثل لشخصيه رائده في الاسلام

الله يحفظك وأدام طيبك

nostaliga

14-05-2008, 11:15

السلام عليكم حاتميه .. موضوعك يجنن

انا من المؤيدين للنظرة الشرعيه لان الرسول صلى الله عليه وسلم وصى فيها

واكيد فيها حكمه

ايجابياتها .. ان الخاطب يكون على بينه يعني مو بعد الزواج يقول انصدمت فيك توقعتك احلى
مثلك عارفه الحريم يبالغون في الوصف والرجال بيصدق وبيبني على كلامهم خيالات
وصارت حالات طلاق كثيرة عشان هالسبب

وغير كذا الراحه النفسيه يعني الغرض من الشوفه مو بس عشان الشكل
كثير ناس مايعجبونك بس ترتاحين لهم وهذا المهم الراحه النفسيه .

اما سلبياتها فهي تعتمد على الشاب والبنت .. بعض الشباب الله يهديهم اذا شاف البنت وما عجبته
وفكر غيره يخطبها يقوله لاااااا مو حلوة انا شفتها او يتكلم عنها عند اخوياه

بالنسبه للبنت اذا ماكانت واثقه من نفسها ومو مقتنعه بان الزواج قسمه ونصيب رح تتعب نفسيا وتتحطم
اذا رفضها الخاطب بعد الشوفه وهذي تحصل كثييييييير

البنت لازم تعرف ان كل شي مقدر ومكتوب يعني يمكن هذا مو من نصيبك
ومو شرط انك ماعجبتيه يمكن ماحس براحه نفسيه تجاهك ..

احس اني طولت ^_^

عذرا عالاطاله ..