ناصر السيف
07-09-2007, 08:47
مبارك بن شحيمان الهاجري
===================
يا الله يا اللي كل شيٍّ درى به
يا عالم الخافي من الشر والخير
ترحم مريضٍ ماكنٍ به صوابه
وسِنـّه كبير ودهوَرَتـْه المقادير
على نسيبٍ خيرتي في النسابه
يا ابو مبارك يا زبون الخطاطير
ياسين يا اللي لا ظوى يندرى به
نسْل الرجال اللي تهز الطوابير
مسفر على العاني لطيفٍ جَنابه
في طرْق جدّانه خذا له مشاوير
متعلمٍ الطِيب بأوّل شبابه
متعلمٍ المرجله عاده صغير
سُوق المراجل باع به واشترى به
ماهوب يَزمَل من كثير المخاسير
ابكلّ طيبٍ مسفرٍ ينهقا به
ولـْد الطلـَق نسْل الوجيه المسافير
مسفر عريب الجدّ سبْع الذيابه
ومسفر حزامي لا حصَل لي عواثير
لولاي اعَرْفه صحّ ما قلت جابه
لا شك عند النايبه مسفرٍ غير
يا ليت موته يوم جاه وغدى به
لو كان مالاني عطيته الاشاوير
بعطيه انا خلـْقٍ كثيرٍ حسابه
من شان يبقى لي طويل المشابير
لا شك ربي حكمته في كتابه
ما قدّر المولى على العبد بيصير
===================
يا الله يا اللي كل شيٍّ درى به
يا عالم الخافي من الشر والخير
ترحم مريضٍ ماكنٍ به صوابه
وسِنـّه كبير ودهوَرَتـْه المقادير
على نسيبٍ خيرتي في النسابه
يا ابو مبارك يا زبون الخطاطير
ياسين يا اللي لا ظوى يندرى به
نسْل الرجال اللي تهز الطوابير
مسفر على العاني لطيفٍ جَنابه
في طرْق جدّانه خذا له مشاوير
متعلمٍ الطِيب بأوّل شبابه
متعلمٍ المرجله عاده صغير
سُوق المراجل باع به واشترى به
ماهوب يَزمَل من كثير المخاسير
ابكلّ طيبٍ مسفرٍ ينهقا به
ولـْد الطلـَق نسْل الوجيه المسافير
مسفر عريب الجدّ سبْع الذيابه
ومسفر حزامي لا حصَل لي عواثير
لولاي اعَرْفه صحّ ما قلت جابه
لا شك عند النايبه مسفرٍ غير
يا ليت موته يوم جاه وغدى به
لو كان مالاني عطيته الاشاوير
بعطيه انا خلـْقٍ كثيرٍ حسابه
من شان يبقى لي طويل المشابير
لا شك ربي حكمته في كتابه
ما قدّر المولى على العبد بيصير