شاكر المخبت
11-09-2007, 02:52
يابن رخيص كب عنا الزواريب
----------------------------------------------------------
السلام عليكم ورحمة الله وبركاته
<
<
<
القصه والله يالاخوان معروفه وهي صارت على اكبر العوائل في اكثر الديار شهره وهي مهيب غريبه على اهل الديره الي هي الرس
السالفه صارت على الريس وهي احد اكبر العوائل في الرس التي يرجع الاصل فيها لبني تميم وهي على النحو التالي.
محمد الريس ذا هو بطل القصه وهو كان رايح لاداء فريضه الحج وبعد العوده وكان في قافله تضم عدد كبير من اهل الرس وبعد ماتمو الحج وهم راجعين في منطقه قبل القصيم وتدعى هضبة بلغه وهي من طريق الي جاي من المدينه يبي القصيم ويوم هم وصلو وكان رئيس الحمله يقاله ابن رخيص وكان معهم شخص مريض كان فيه الجدري الله يحفظنا وياكم منه والرجل الي مريض ماقدر يستحمل لانهم اضطرو يصلبونه على الذلول وكان الصلب مزعج ومتعب خاصة اذا صار الشخص نفسه مريض ؟
المهم اعتذر المريض وقال انا خلوني هنا وتوكلو على الله مااقدر اواصل المهم ابن رخيص الي هو رئيس الحمله كان مضطر انه يتركه ويمشي لان مافيه حولهم موارد ماء والابل ضميانه وقال ابن رخيص يروح واحد ولا يروحون اهل الرس كلهم .
المهم جاء محمد الريس وقال ربي ربكم واحد مااروح الا وخويي معي مره
قالو له تبي تموت انت وياه قال انا ابي اقعد معه وانتم امكنو اعماركم وحريمكم .
راح وقعد عند المريض ذيك الليله الي اذا اصبح الصبح يبون يشدون وجاء وقال اسمع يابن رخيص اول ماتبي تقبل على الرس تبي تلقا امي تدور علي ابي تعطيها البيتين ذي ؟
يقول محمد المنصور الريس
قل هيه ياهل شايبات المحاقيـباقفن من عندي جداد الاثـاري
اقفن بالرخصه كما يقفي الذيـبليا طالع الشاوي بليل الغـداري
ماكن لسب اذيالهـن للعراقيـبرقاصة تبغـى بزينـه تمـاري
ويابن رخيص كب عنا الزواريبعمارنا يابن رخيـص عـواري
خوينـا مانصلبـه بالمصاليـبولا يشتكي منا دروب العـزاري
لزما تجيك امي بكبده لواهيـبتبكي ومن كثر البكـا ماتـداري
اسالك بالي يعلم السر والغيـبوين ابني الي لك خوي مباري؟
قله ولدك في عاليات المراقيـبفي قنـه ماعنـده الا الحبـاري
يتنا خويه لين يبدا بـه الطيـبوالا يجيه من العواثيـر جـاري
وان مامشينا بحـق المواجيـبتحرم علينا لابسـات الخـزاري
وسلامتكم
المهم ابن رخيص راح وفعلا بعد ماوصل لقا ام محمد الريس في مدخل الرس تنتظر ولدها وقالها البيتين وقالها السالفه .
المهم الشاعر بعد ماقعد عند خويه صار يصيد له من الحباري والطيور الي حولهم الين ماقام بالسلامه ورجعو للديره (الرس) وجت ام محمد ومن زود الشوق للولد نست لاتغطى وصارت تخم الولد وتقوله (كيف تقعد بالضلعان علشان ولد الناس يابا الظلعان) ومن ذي الكلمه صار اسم احفاد محمد وعياله الى الان الضلعان بدال الريس.
----------------------------------------------------------
السلام عليكم ورحمة الله وبركاته
<
<
<
القصه والله يالاخوان معروفه وهي صارت على اكبر العوائل في اكثر الديار شهره وهي مهيب غريبه على اهل الديره الي هي الرس
السالفه صارت على الريس وهي احد اكبر العوائل في الرس التي يرجع الاصل فيها لبني تميم وهي على النحو التالي.
محمد الريس ذا هو بطل القصه وهو كان رايح لاداء فريضه الحج وبعد العوده وكان في قافله تضم عدد كبير من اهل الرس وبعد ماتمو الحج وهم راجعين في منطقه قبل القصيم وتدعى هضبة بلغه وهي من طريق الي جاي من المدينه يبي القصيم ويوم هم وصلو وكان رئيس الحمله يقاله ابن رخيص وكان معهم شخص مريض كان فيه الجدري الله يحفظنا وياكم منه والرجل الي مريض ماقدر يستحمل لانهم اضطرو يصلبونه على الذلول وكان الصلب مزعج ومتعب خاصة اذا صار الشخص نفسه مريض ؟
المهم اعتذر المريض وقال انا خلوني هنا وتوكلو على الله مااقدر اواصل المهم ابن رخيص الي هو رئيس الحمله كان مضطر انه يتركه ويمشي لان مافيه حولهم موارد ماء والابل ضميانه وقال ابن رخيص يروح واحد ولا يروحون اهل الرس كلهم .
المهم جاء محمد الريس وقال ربي ربكم واحد مااروح الا وخويي معي مره
قالو له تبي تموت انت وياه قال انا ابي اقعد معه وانتم امكنو اعماركم وحريمكم .
راح وقعد عند المريض ذيك الليله الي اذا اصبح الصبح يبون يشدون وجاء وقال اسمع يابن رخيص اول ماتبي تقبل على الرس تبي تلقا امي تدور علي ابي تعطيها البيتين ذي ؟
يقول محمد المنصور الريس
قل هيه ياهل شايبات المحاقيـباقفن من عندي جداد الاثـاري
اقفن بالرخصه كما يقفي الذيـبليا طالع الشاوي بليل الغـداري
ماكن لسب اذيالهـن للعراقيـبرقاصة تبغـى بزينـه تمـاري
ويابن رخيص كب عنا الزواريبعمارنا يابن رخيـص عـواري
خوينـا مانصلبـه بالمصاليـبولا يشتكي منا دروب العـزاري
لزما تجيك امي بكبده لواهيـبتبكي ومن كثر البكـا ماتـداري
اسالك بالي يعلم السر والغيـبوين ابني الي لك خوي مباري؟
قله ولدك في عاليات المراقيـبفي قنـه ماعنـده الا الحبـاري
يتنا خويه لين يبدا بـه الطيـبوالا يجيه من العواثيـر جـاري
وان مامشينا بحـق المواجيـبتحرم علينا لابسـات الخـزاري
وسلامتكم
المهم ابن رخيص راح وفعلا بعد ماوصل لقا ام محمد الريس في مدخل الرس تنتظر ولدها وقالها البيتين وقالها السالفه .
المهم الشاعر بعد ماقعد عند خويه صار يصيد له من الحباري والطيور الي حولهم الين ماقام بالسلامه ورجعو للديره (الرس) وجت ام محمد ومن زود الشوق للولد نست لاتغطى وصارت تخم الولد وتقوله (كيف تقعد بالضلعان علشان ولد الناس يابا الظلعان) ومن ذي الكلمه صار اسم احفاد محمد وعياله الى الان الضلعان بدال الريس.