جوّال المسافر
دق جوّال المسافر حول حزّت السحور = وكانت الساعه حوالي من ثلاثه لأربعه يوم عيّا لا يجاوب مقصده ماهو غرورو = إتصالٍ من غريب وعاد عيّا يرفعه لين عاد الإتصال وعادت الفكره تدور = منهو اللّي يتصلّبي ليه يعني ما اسمعه شاعرٍ ما يوم خانه يا بعد راسي شعور = فز قلبه رد فوراً ثم جتني مُقلعه لا سلام ولا تحيّه ولا مسى خير وسرور = المصيبه كان صوتٍ قبلة الله ما اروعه قالت مْن اليوم وينك قلت انا ضمن الحضور = حاضرًٍ دايم ولكن قدرة الله من سعه قالت إسمع لا تكثّر بالكلام ولا تخور = إكتب أحسن ما عرفت بوصف بنت مدلّعه قلت ابي اكتب لك مقاله عن إشارات المرور = كيف الأصفر زين الأحمر ويّا الأخضر جمّعه أو تبين اكتبلك أحسن عن مصانع للتمور = خلقة الله كيف صارت بالزمان مصنّعه قالت إكتب عن جمالي لا تلفْ ولا تدور = هالبنيّه يا جماعه بنت حييييييل ملكّعه ما قويت أجمع حروفي تاه فكري ومعذور = رحت أنا ويّا خيالي كنّنا في معمعه قلت ابي افهم كيف ابي اكتب عن شذى حلو العطور = وكيف ابي اكتب عن غزالٍ جاب صيّاده معه وكيف قلبي يقبل إنّه يعتبر نقطة عبور = وإنْ كتبت اشوف نفسي مثل أيّة إمّعه مثل ذاك اللّي يدّور ساحرٍ عنده بخور = كل عقله يحسب إن الشخص هذا ينفعه قالت اوصفلي مكانك قلت انا حروة جْفور = أحسب إنّي في جفور ولا وصلت المجمعه قالت انت الشاعر اللّي قاصدٍ فنْ الغرور = قلت انا اللّي شاف موته قبل ساعة مصرعه موقفٍ عدّى لك الله غير أنظمّبه سطور = وأكتب إن الصوت فعلاً قبلة الله ما اروعه |
صح لسانك اخ نواف
بسم الله الرحمن الرحيم
السلام عليكم ورحمة الله وبركاته صــــــــــــــــــح لسانك وقصيده رائعه وانت اطيب وروع يالغالي ونشكر تواصلك معنا وهذ بوسه علىىىىىىىىىىىىىىىى الخشم اخــــــــــــــــوك ابو عبدالعزيز |
<<<<<<<<<<<<<<<< طاح على خالة يبوس خشم نواف هلال
اول شئ سلمت يمناك يابن العم ولا هنت على القصيدة الرائعة وهذا طبعا مو غريب عليك يابو هلال وانشاء اللة نتنضر المزيد من مشاركاتك القيمة والمفيدة انشاء اللة أخوك سداااح دوت كوم |
السلام عليكم
الاخ / نواف العنزي
صح لسانك ، وسلمت يمينك شي مو جديد عليك ، ومتعودين على ابداعاتك تقبل تحياتي . |
وكيف قلبي يقبل انه يعتبر نقطة عبور
................................... وان كتبة أشوف نفسي مثل أية امعه !! الأخ / نواف هلال صصصصصصصصصصصصصصصح لسانك وعسى الله مايحرمنى من هالطله الحلوه ( المميزه ) وننتظر المزيد من قصائدك الجميله |
صح السانك اخوي نواف
وتسلم يمينك قصيد في قمة الروعه وماشاء الله عليك |
سؤال الاخ جاك صداح عطوه فرصه
بسم الله الرحمن الرحيم
السلام عليكم ورحمة الله وبركاته اخي العزيز // عطو صداح فرصه ما المقصود في العباره التي ذكرت اثناء ردك على الاخ نواف هي كالاتي <<<<<<<<<<<<<<<< طاح على خالة يبوس خشم نواف هلال اخــــــــــــــــوك ابو عبدالعزيز |
علي
أخي أبو عبدالعزيز
شكراً لهذا المرور الرائع دمت بود. |
سداح
صح بدنك يالغالي تسلم ولا هنت لك تحياتي |
أخو حوشه ....
شكراً لهذا المرور دمت بود |
عبدالله الفضلي
الله لا يحرمني مرورك يا عزيزي والله مشتااااااااااااااقلك لك الحب يالغالي |
أبو مطلق
تسلم ولا هنت الله لا يحرمني من تواجد أمثالك الطيبين لك تحياتي |
علي , أخي ....
نحن هنا إخوه يا عزيزي ولا أعتقد أن هناك من يقصد الإسائه للآخر ... عموماً يا سيدّي العزيز إذا كان هناك إسائه , فهي تدل على المسيئ يا أخي لك مني كل التقدير |
يسلمووووووو اخوي نواف هلال
وصح لسانك قصيده رائعه مشكووووووووور |
الساعة الآن 07:37. |
Powered by vBulletin® Copyright ©2000 - 2024,