|
روح القـصيـد.1.
السلام عليكم ورحمة الله وبركاته:-
اخواني واخواتي اعضاء المنتدى من إداره وأعضاء تحيه طيبه وبعد اذنكم جميعن انا حبيت اجمع كل بيت او قصيده تخصني شخصياً هنا ؟وذلك لسهولة الرجوع لها علماً ان جميع قصائدي هنا بفضل من الله ثم منكم ؟ ومنها ماهو جيد وماهو اقل من ذلك ولكن الجود من الموجود هذا ما قدراني ربي عليه؟ علماً اني هاوي ولم اصل الى درجة شاعر.(الاداره-ابوصالح-شموخ-ابن عباد-كبير-سلامه -علوش- جميع الاعضاء) الفضل الاول بعد الله لكم في اجباري على كتابة الشعر بمداعباتكم وتشجيعكم لي ؟ فائق تحياتي (مغيري الفضول) |
رد: روح القـصيـد.1.
يـالابتـي فـي مـدحكـم دوم مـاضـين تستاهلـون المـدح صـبـح وعـشيـه يـاجـاهل(ن) فـينا تــرانـا قحـاطـين الـلــه واحـــد والـمــوارد عــذيـــه حنا الفضول الساس وحنا سلاطين كـم واحـد سقـناه الحـوض المـنيـه وحنا عامود المجد من ماضي سنين اهــل الكــرم والـطـيب والنار حـيــه ارجــع التاريـخ الـقبـايـل بـتقـنـين انشـد عـن الجـربان وابن فضليـه مشايخ(ن)من روس هـزو ميادين خـوالـهم مـن الـفضـول ولامـيــه هـذا دليل(ن) يـاسم الخــد ويبـين وش يظهر الهامل يوسم المطيـه افـعـال لام مـوثــقـه بـالــبراهــين مـاهــو كــلام الـزور ومـهيطيــه هذي خلاصـة واحد(ن) له قوانين الـكــذب عنوان الـردي والـرديــه والكـل فـوق الراس والكـل غالين وفـي حـبكــم الله يشـهــد عـليــه |
رد: روح القـصيـد.1.
بـ:بـدء قصيـدة مـدح وقصه بتوثيق
فـالنادر اللـي مـرتـفـع فـي مـقـامـه هذي بيوت(ن) صغتها اليوم بتغريق باحسن جـميل القـول واحلى كلامـه "يامنتدى اهل الطيب والطيب توفيق" "المحـترم يـفــرض عليـك احـترامـه" هـذي صفات الحاتمـي وفيـه تعليـق متشـيخ(ن) فـالـعـزّ ماسـك سـنامـه "ياهل المـراح اللي حفرتوا بتعميـق محـبـة(ن) جتكـم ومعـها السلامــه" الباب مفـتوح(ن) ومـن دون تـغليـق عـاداتكم يـافضـول صـارت عـلامــه الـمـنتدى للكـل مـن غــير تسـويـق الـضـيف لاجـاهـم تـجـيـه الكـرامـه والمنتدى معـروف مـاجـاء بتلفيـق اهلـه زحول رجـال وفيهم شهامـه ارسلتـها فـالـنت وراحـت بتحليـق صوب الحسا والظهر انتم احزامه يـاالله يـاخـالـق بـحكـمـه وتـدقـيـق اجعل جزيل الهرج مسك ال ختامه وختـامـها يـارب لاينشـف الــريــق لاصـار هـاك اليـوم يـوم الـقـيـامــه |
رد: روح القـصيـد.1.
قالت احساسك تجيبه قلت اجيبه
لبى قـلـبـك ثــم راسـك لبى كـلك لبى عـينك لبى خــدك يـا حـبيـبه لبى روحك لبى رمشك ثم شكلك لبى عطرك لاعشقتك مـو غـريبه لبى اهـلك لبى عـمــك ثــم خالك لبى ذوقـك لبى كاسك يـا رهيـبه لبى يـومـك لبى وقتــك ثــم فـالك لبى رسمك لبى الافكار الصعيبه لبى حظـك ثـم حظـي يــوم جالك لبى حبك وانت حبك وش يعيـبه لبى خصرك ثم كعبك اللي شالك لبى علمـك ثـم فهمـك يـا اديـبه لبى قلبـي ثـم عقلـي وانت مالك لبى اسوار المديـنه لبى طـيـبه لبى عنقك ثم شعرك تحت شالك لبى شوقي في غيابك لو تغيبه لبى شعري لاحظر لامس خيالك لبى جرح اطعونك اللي فيّ عطيبه لبى لـعـبـك لبى غـيبتـك وصــالك لبى افـكارك مــن افـكاري قـريـبه لبى ذهني يعرف اللي وسط بالك لبى لبى لبى فـيك انت ياعجـيـبه لبى لبى لبى كـــلـــــــهــــا لـــك اعـرف انتي من جنوني فيك ريبه واعرف اني من جنونك فيك هالك |
رد: روح القـصيـد.1.
المـغـــيري صـــايب(ن) جــــوه غـمـــام
عــادة الطـــير الـوحــش طبـعــه عـنــيد لــو يـبــين الــنــــور ويــــزول الظــــلام النــــهــار يبــــدل احـــــزانـــي سـعــــيد يـا نــديب القـــلب وصــــل لــه ســــلام خـابـــره مــن مـرتــعه مـاهـــو بعـــــيد لا وصـــلـتــــه الله الله فـــــي الـكـــــلام واستـــمـع للــــي يقـــــوله بـالاكــــــيد كانـهـم نـاويــن فـــي طــــول الخـصــام التـــوجــــــد والـتـمـنـــي وش يـفــــــيد نـار حـبـــــه لا هـــي بـــــرد ولا ســــلام ميسـمه فــي القـلب نـار(ن) مــن حــديد الأطباء مشخصين القلب في وضع الصيام ولا كشف للمشكله غـير دكتور(ن) وحــيد وصفة الدكتور صارت طق في الميت حرام قبـلنــا كـان الــدجـيما لانعـــيد ولا نـــزيــد وكـان عـــنتر مــن بعـــد ســام(ن) وحــام الهــواء غـــدار وكــل مصـيـود(ن) يصـيد النساء مـع الهـواء عـدّ بـرد(ن) في عظام لـو تشـفـى صـاحـبه المــرض لازم يعـــيد |
رد: روح القـصيـد.1.
هههههههههه احلى مفاجأه
ارحبو. ارحبو. في كل زاويه من المنتدا لوحه من شاف م مغيري يا ربع ما حد عينه وسأل بعد شموخ هي اللي طاقه الإعلانات ومرحبا من جديد هنا كم العقلان ربعي . |
رد: روح القـصيـد.1.
هذي قصيده اعجبتني للشاعر فهد عافت يقول فيها:-
انــا انــا لــولاي.انــا مــن تـكــونــين اقـولـها وانــا نـعــم فـيــك مـغـــرور انـا جـعلتـك نــور وانتـي من الطـين جـرة قلـم وامحيـك مـن عالـم النور انتــي بدونــي وردة فــي البـساتـين والــورد فـي دنيـا البساتـين مغمــور لكن معي صرتي كما الشوف للعين والعين لولا الشوف مـاظـن لـها دور هـذا وقصدي تعـرفي موقعـك زيـن وحــذرا تـرى من انذرك صار معـذور اما اشتري ودي على العسر واللين والا تـرانــي بـايـعــك بيـعــة الـبــور بسطـــور خـليتـك شعــار المـحبـين وامسحك من دنيا المحبين بسطـور حاولت اجاريها بالقصيده التاليه:- لا صـرت انـا مديـون وبوْفي لك الديـن وبـاقـي ثـلاث ايـام مـن سـته اشهـور وكنت الشجاع الشاعـر اللي تشوفـين واقـف على بيتك وحامـي لك الســور واليـوم بان الوضـع وانتـي تعــرفــين مقــدر اخـونـك بـس بقــول مشـكــور ولاقدر اسوي اسوات راعي البساتين واقـول انـا بامحيـك مـن عالـم النــور روحــي وانـا بـاروح ولاظـن تسـلــين وحتى انــا والـلـه مــانبـيب مســـرور حكـم الـولـي ارضــاه وانـت بترضـين هــذي نهايـة كـل مـن يعشق الحــور قـبــل المفـــارق ودي اقــــول ثنتــين انـك حبـيب القـلب لـو كـان مكســور |
رد: روح القـصيـد.1.
مغيري
ماشاءالله تبارك الله صح لسانك وتسلم يمينك الفضل لله وحده سبحانه وتعالى مشاركة متواضعة من أخوك أرجو قبولها تقبل خالص تحياتي ..... |
رد: روح القـصيـد.1.
وعليكم السلام ورحمة الله وبركاته
متابع بصمت شديد لروائع مغيري ابوصالح بالانجليزي سيب الراجل بحاله ازا بتريد |
رد: روح القـصيـد.1.
هلا والله
من طول الغيبات جاب الغنايم وماشاء الله جايب لنا روح القصيد ياحظنا ويابختنا السعيد بالتمتع بسطورك والتشرف لنا ان نجي ونخط لك حروفنا المميزه هههههههه>> واثقه عمووووو بالفرنسي ازا بدك ماتسيبش الرجال بحاله:1blue1: |
رد: روح القـصيـد.1.
م مغيري وش عليك كثرو اللي يوصون عليك لكن تستاهل .
ههه ابو سالم اكيد مستمخ لروح القصيد . شموخ صح مثل القرش لو سبناه برا المويه مات . |
رد: روح القـصيـد.1.
ارحبو منورين الصفحة كلكم وربي يسعدكم ويخليكم لي كلكم ! على فكره ترى فيه قرش بر مائي هههه
|
رد: روح القـصيـد.1.
مبدع أخوي مغيري
ماشاء الله عليك قصيدك دائما يعجبني الله يوفقك |
رد: روح القـصيـد.1.
مرااحب اخوي علوش شاكر لك مرورك ربي يحفظك ويسلمك ذوقك الاجمل اخوي.
|
رد: روح القـصيـد.1.
ياروح له الاحساس والحروف تنوخ
....يسعد مسا الحضور ومسا هالعيون مريت هنا ورسمت من حروف شموخ ....لكم غلا بالقلب تحكم واصبح بكم مفتون |
| الساعة الآن 06:01. |
Powered by vBulletin® Copyright ©2000 - 2024,