|
وش كنت تحب ونت صغير
السلام عليكم ورحمة الله http://www.mexat.com/vb/attachment.p...1&d=1230056097كل واحد يحب له شي يومه صغير موشرط يكون زرط اي شي لعبه قرقشه اي شي انا مثلاً كنت أحب الحلاوووو التوفي ابو بقره وأموت فيه وبسكوت ريكوووو http://www.cars-club.com/up/8-2-1/carsclub_20372594.jpg |
رد : وش كنت تحب ونت صغير
الله الله ياطارق ذكرتني ايام البسطه كنت اسوي بسطه ابي ابيع مسوي فيها تاجر وخلصها كلها اكلها لحالي ههههههههههههه بنسبه لي احب حلاوة البقر رهيبه وتذوب في الدماغ كانت جدتي الله يرحمها تشرطلنا حنا وباقي البزارين بس الموجود الان ماهو نفس الطعم يعطيك الف عافيه ياطارق |
رد : وش كنت تحب ونت صغير
هلا خلودي تبيع بليبه وفال اكيد تبيعه بالبسطة:smile: خخخخخخخخخخخخ والله الشرط يازينه لاصار علك ابو حديجان بعد وحقاق وحلاو حلقوم ام ساره خخخخخخخخخخخخخ صدقت الحلاوه مو زي اول وهذا اللي قطع قلبي مشكور ياخالد ولك درزن طرطعااان خخخخخخخخخخخخخخ |
رد : وش كنت تحب ونت صغير
انــــــــــــــــــــــــــــــــــــــااحب الحلاو اللي يطرطع في الفم
يؤ يؤ يؤ ياااني استانس عليه واحب الغوار واحب اشتري (عسكريم اللي يجي فيه خمس حبات بريال )يابلاش واوزيه في الفريز ورى الحم عشاان الاخوان المحترمين ما يزرفونه |
رد : وش كنت تحب ونت صغير
خخخخخخخخخخخخخخخخخخ وين تغيبينة بالفريزر اللي تحت الدرج ولا اللي بالمستودع خخخخخخخخخخخخخ مشكوووووووووووووووووووره ياشمووخ القراده |
رد : وش كنت تحب ونت صغير
اقتباس:
وعليكم السلام هلا طارق حلوه زرط ههههههه كنك داري والله اشياء كثيره كنت احبها كل ماذكرت شي بجي اقوله اولهم اللي تحبها انت حلاو بقر وحلقوم وشوكولاتات كانت اول الذ من الحين احب آرو وفشفااش بالشطه :appetizing77: وشيبسات ووو احب اللعب بانواعه كثييير احب سواليف الكبار وقصصهم .. احب اكلات معينه من يدين الوالده كنت مدمنه افلام كرتون لو بقول كلش ماخلصت .. :biggrin: اشكرك ع الموضوع الحلووو الله يسعدك ,,’,, |
رد : وش كنت تحب ونت صغير
رجعتنا لأيام الطفولة ياطارق بالنسبة لي ماأقدر أحصرها بس اللي أتذكره إني كنت أحب أشياء كثيرة من ألعاب وشكولاته وشيبس وغيرها الكثير مشكور على الموضوع الشيق |
رد : وش كنت تحب ونت صغير
سلام وثني سلام يالحاتميه مايزين الشي الا بزرط وماوقعتي شي الا وذقتيه ماشاء الله تبارك الرحمن ياعله عافيتن لذيذه على قلبتس ومشكوره على المشاركة |
رد : وش كنت تحب ونت صغير
علوش الفضلي مسلمين علك ومسين عليك بالخير وش جاك من الزين كله //// وخلك على حافة الرفه وزله ماقصرت يالغالي مضبط اموره يومك صغير الله يعافيك ويطول عمرك |
رد : وش كنت تحب ونت صغير
ههههههههه رهيب ياطارق اما أنا فكنت احب حلاو برميت ههههه اتحداكم تعرفونه أما حلاو البقر ماعمره فضي مخباتي منه ههههههههه الا فش فاش الأحمر مع الشطه العصر وأحب عسكريم التوت بكيست لحم النايلون ههههههههه نسويه بالبيت واجد بس لو بكتب ماخلصت تحياتي طارق |
رد : وش كنت تحب ونت صغير
ماشاء الله ياعمر
ولو ان العسكريم ابو نص يعيون الاهل مانشتريه بس كنا ندمنه مشكور وحيا الله من لفانا |
رد: وش كنت تحب ونت صغير
|
رد: وش كنت تحب ونت صغير
مرحبا ابن عمي صالح عن اذنك الموضوع سيتم نقله الى مجلس الدويسي العام
|
رد: وش كنت تحب ونت صغير
انت تفحط واجد ومستدير راسك
استدار راسي وانا ادور كيتبي الله يدير راسك مثل ما ادرت راسي انهج خايل فوق جبل سنجار واعطنا علوم قفار تسانهي صحى انكس بثرك وتسانهي غيم بشرنا |
رد: وش كنت تحب ونت صغير
اقتباس:
المشاركة الأصلية كتبت بواسطة طارق الدعفس http://www.alfothool.com/vb/fodol/buttons/viewpost.gif انت تفحط واجد ومستدير راسك استدار راسي وانا ادور كيتبي الله يدير راسك مثل ما ادرت راسي انهج خايل فوق جبل سنجار واعطنا علوم قفار تسانهي صحى انكس بثرك وتسانهي غيم بشرنا الى انت الي كنت تفحط بددسن 85 بالحاره ودار راسك ماعاد تفرق بين الرياضه وموضوع عام وجيت انا ونقلته مانبي نتعبك ياخلفهم <<جنتل الولد بصارحه ياطارق كل شي فهمته الى اسطر الاخير انت شكلك تكتب اوردو ولا روسي << ساعه يفكك السطر مافهم |
| الساعة الآن 11:50. |
Powered by vBulletin® Copyright ©2000 - 2024,