خالد عبدالرحمن وابن باز والهيئة ؟
 

السلام عليكم ورحمة الله وبركاتة ،،،

حبيت انقل لكم بعض من قصائد خالد عبدالرحمن التي امتدح بها فضيلة الشيخ العلامة أبن باز رحمة الله علية ورجال الحسبة البواسل نصرهم الله على المفسدين .

أبن باز

الموادع به من الحنظل ولون الشامه
وارتحالات الزفير وذاريات الكنه
والليالي كسب وآخرة المكاسب خامه
والبنادم بين ضحك وبين دمع وونه
كيف نبكي لا فقدنا شيخنا العلامه
كيف نزعل والصواب اللي فجعنا سنه
الكيفيف المبصر الشامخ قصير القامه
بشروا به سندس الفردوس وأهل الجنه
عالم ياكثر ما ابحر لامته وأيامه
وأمته به كانت لباب السما ممتنه
حالم ماكانت لنفسه جميع أحلامه
وش خذا منا وحنا وش خذينا منه
كم عنى للتايه ما اهتدى لإسلامه
كم ترك بالخلف قنطار الذهب له رنه

************************************************** ***********
رجال الحسبه

أهل الأذكار تدعي والظلام انتحى
والدعاوي تهز مشيدات القصور
والخطاوي تعثر بين خوف وسحا
والفتن تشتعل .. وانتم سواة البدور
ياقصار الثياب ويا طوال اللحى
لا تفيض العيون ولا تضيق الصدور
دارت الأرض بالعالم ودار الرحا
وانتم الشامخين وما تبقى يدور
كل ما المح شموس وجيهكم في الضحى
احمد اللي بعيني زود النور نور
في الجباه السمار اللي ظهر ما انمحى
ابشروا به وهو يشفع بيوم النشور
السنتكم عطاها الله حديث فصحا
وافئدتكم من الإيمان نتضح سرور
قصر المسك يا حمالتة واستحى
يوم جاء يعطي اعطيتموه طيب وطهور
يا تلاميذ عقد الصفوه اللي نحى
يا حبايب صلاة الفجر وأهل السحور
يارجال على يديكم صحى من صحى
سعد روح تغذت من بصيرة غيور
انتم لمعشر السالين خير نصحا
وانتم لنصرة الدين اصدق اللي يثور
ان دخل صفكم وجه كذب والتحى
رده اللي يرد الكيد وسط النحور
وان هرج زيد لعبيد بسوالف جحا
لا لحقكم شكوك ولا لحقنا نفور
واللي انزل تبارك والقلم والضحى
انكم هدينا عن محدثات الأمور
واصلوا يا بركتنا دون خوف وسحا
ردوا نفوسنا اللوامه من القصور

وسلامتكم ،،،

منقول من بريدي

وعليكم السلام ورحمة الله وبركاته

يسلمووووووووووووو اخوي / تركي آل طالب على النقل

حبيت اعرف اي خالد عبدالرحمن

هل المقصود المطرب ؟؟؟؟؟ ولا غيره

مشكوووووووووووور

تسلم اخوي الأصيل على مرورك
الصراحة جاني على الأميل بس أكيد المطرب

تسلم اخوي تركي على المشاركه