مجلس قبيلة الفضول التوثيقي الرسمي الأول - وموقع واجهة القبيلة

مجلس قبيلة الفضول التوثيقي الرسمي الأول - وموقع واجهة القبيلة (http://www.alfothool.com/vb/index.php)
-   مجلس وديد بن عروج الفضلي ـ لـ القصائد المسموعه والمرئيه (http://www.alfothool.com/vb/forumdisplay.php?f=39)
-   -   ردّيه بين عجميه ومطيريه (http://www.alfothool.com/vb/showthread.php?t=855)

14-12-2004 03:03

ردّيه بين عجميه ومطيريه
 
السلام عليكم ورحمة الله وبركاته

هذه ردّية بين الشاعره الملقبه بمهاة الروضة والشاعرة الملقبة بالخليجية

وهذه قصيدة مهاة الروضة


وا عذاب القلب مما جرا ليه = زاد همي في ضميري والاوجاعي
قلبي اللي زايداتن بلاويه = وخاطري من متلف الروح ملتاعي
والسبايب واحدن فيه مبليه = بالضماير له مصيفن ومرباعي
تل قلبي في يده من محانيه = صابني وافي الخصايل وانا واعي
عقب زوله صرت كني خلاويه = فرقته ماله سبايب ولا داعي
الحبيب اللي له اسرار مخفيه = ليت لك ياقاتلي عندنا ساعي
تنثر العبرات لا حل طاريه = وخايفه سدي مع الناس ينشاعي
بشتكي ما صابني للخليجيه = كود تلقالي مع الشط مطلاعي
ساعديني وافزعي يالمطيريه = يوم ربي قربك شوفي اوضاعي
والله ان صويحبي صافي النيه = بس اللي ينقل الهرج سماعي
طاع شور اهل الحسد والنقيليه = لين عقبه صرت اصفق بالاصباعي
تم ماقلته والافكار وهميه = والمعاني واضحه دون مذياعي


وهذا رد الشاعره الخليجيه



مرحبا في خطكم يالسنافيه = عد ماتنثر سماها على القاعي
مرحبابه عد حيّن ذكر حيه = وعد مابالكون من كل الانواعي
بخطك اللي يحمل انسام عطريه = وصلني واللي شكا فيه ماطاعي
كان تشكين الهوا والهواويه = كم حين به شكا الحب وارتاعي
من يغره دشت الشط عصريه = تاه بالمركب ولو كان بتاعي
بس هذا الشط وشلون يابينه = قلبكم موج البحر غرق اشراعي
المحبه ماتجي نوع فرضيه = كود من يتعب عليها بالاسناعي
كان شوقك يسمع الهرج والسيه = يسمع النمات للقول مطواعي
بدليه بواحدن من هل الهيه = مايستمع للنميمه ولا ذاعي
قالوا انك نسل الاجواد عجميه = ومثلكم مايحتمل ظيم الاتباعي
ذا جواب اللي تلقب خليجيه = بنت من يثني الى صاح فزاعي
الكلام اللي على غير وضعيه = لا حشى ماقول قولن بلا داعي
وكان قصدك امتحانات دوريه = بس قصدك بالشعر تعرفي باعي
جاك ردي والمعاليق ممليه = يا مهات الروض ياحسن الاطباعي


وسلامتكم

واتمنى تكون تعجبكم

14-12-2004 04:58

الأخ / الأصيل
الله يعطيك العافيه على نقل هذه الرديه الجميله
ولو أني أشك أنهم رجال

14-12-2004 06:04

يسلمووووووووووو أخوي عبدالله الفضلي على المرور

وبالنسبة للشاعره مهاة الروضه فهي معروفه ولها ديوان شعري

ولها رديات مع شعراء معروفين مثل متعب عثمان السعيد وغازي الظفيري

مشكوووووووووووووووووور

14-12-2004 06:24

أخي الأصيل
أشكرك على هذه المعلومات عن الشاعرتين
أما بالنسبه لي فأنا أشك بجميع الشاعرات الموجودات حاليا ؟؟
فــ 90% منهن أما رجال واما يكتب لهن !!
فالكثير من الشاعرات الموجودات حاليا على الساحه ويشاركن في الامسيات !! لا يكتبن الشعر وأنا أعلم هذا علم اليقين !! بل وبعضهن أعرف معرفه شخصيه من يكتب لهن !!

14-12-2004 06:31

لا يمكن ان اشك في كلامك اخوي عبدالله

ولكن هذه الردية من خمسه وعشرون سنه

يسلموووووووووو على اثراء الموضوع

29-12-2004 04:52

شكرا دايم مبدع يالاصيل
الله يعطيك العافيه على نقل هذه الرديه الجميله





اخـــــــــــــــــــــــــــوكم
ali

29-12-2004 05:07

الله يعافيك اخوي ali

ومشكووووووور على المرور

29-12-2004 08:08

تسلم يمينك اخوي الاصيل

وصح السان من قالها

29-12-2004 08:43

الله يسلمك اخوي ابو مطلق

ومشكووووووور على المرور

راعي العليا 29-12-2004 09:30

الاصيل

يعطيك العافية على النقل

29-12-2004 10:16

الله يعافيك اخوي / راعي العليا

ومشكوووووووور على المرور


الساعة الآن 11:49.

Powered by vBulletin® Copyright ©2000 - 2024,

ارشفه ودعم شركه جامعه الويب


HêĽм √ 3.2 OPS BY: ! ωαнαм ! © 2011-2012
new notificatio by 9adq_ala7sas
مجلس قبيلة الفضول التوثيقي الرسمي الأول - وموقع واجهة القبيلة