|
سؤال لأهل الشعر ؟؟؟؟؟
مارأيكم يا اخوان بظاهرة بيع وشراء القصائد ؟؟
خاصة وأن هذا الأمر منتشر بكثرة هذه الأيام ؟؟!!! فأنا والله أعرف شعراء معروفين ؟؟ يشترون القصائد !!!! وهم الأن من شعراء ( الساحة الشعبية ) الي رازينهم بالجرائد والمجلات والمهرجانات !!! أذكر حكاية طريفة جرة قبل فترة من الزمن . جاء أحد هؤلاء الشعراء ( الي يشترون قصائد ) الىشاعر من الجماعه !! وطلب أن يشتري أحد قصائده الغير منشوره فرفض صاحب القصيده !!! فقال ( الي يشتري قصايد ) أنا الحمد الله أكتب قصيد لكن القصيده هذي أعجبتني !!! ولا يروح فكرك بعيد تراني ما أشتري قصائد ؟ واستر على ماواجهت ! ولا بعد أيام يلقي قصيده في تلفزيون الكويت ؟ مصوره على طريقة الفيديو كليب !! في أحد المناسبات الوطنيه ؟؟ فقلت للشاعر الي من الجماعة !! هل رأت الشاعر فلان ؟؟ في التلفزيون لقد كان يلقي قصيده ؟...... فقال لي : ماهي القصيدة ؟ فعندما ذكرتها له ..... ضحك وقالي : هذه قصيدة صديقي الشاعر فلان ؟ كان يجهزها لي يلقيها في أمسيه !! فقام واتصل به وأخبره عن ما سمعه مني !! فأخبره صديقه بأنه باعها له قبل فتره ....... لأن الشاعر ( الي يشتري قصايد ) جاءه قبل فترة من الوقت وأخبره بأنه ( متوازي ) على قصيده لأن لديه امسيه وتصوير في التلفزيون !!! والوقت لا يدركه لكتابي قصيده جيده ( لأنه يطول في كتابة القصيده ) !!!!!! وقال له لايروح فكرك بعيد ( تراني أكتب ) لكن أطول بالكتابه !!!!! فمثل هذه القصه جري منها الكثير ولا يزال يجري في ( الساحه الشعريه ) ، منتحت لي تحت !!!!!!! سؤال : لو كنت شاعرا هل ستبيع مشاعرك ؟؟ |
السلام عليكم ودي اكون شاعر ، علشان اشارك بالموضوع بس للاسف الله جابني مو شاعر :) |
وعليكم السلام
أسعدني مرورك يا أخو حوشه حساااااااااااااااااااااااااااااااااااااااااااااااا ااااااااااااااااااااااااااااااااااااااااااااافه منت شاعر |
السلام عليكم ورحمة الله وبركاتة
الصراحة موضوع حلو ادخل في الموضوع على طول انا اقول شراء الشعر مو عيب تعرف ليه لان لو رجعنا الى التاريخ الاسلامي القديم سوف ترى خلفاء المسلمين يشترون الشعر مثلا... عمر بن خطاب رضي الله عنة ( اذا ماخانتني الذاكرة) اشترا من شاعر كان يهجوا المسلمين وشاكرلك على هالموضوع |
أخي راعي العليا :وعليكم السلام ورحمة الله وبركاته :
اذا ما عليك أمر ممكن تذكرلي المصدر الي جبت عنه هالمعلومه ( ان عمر ابن الخطاب رضي الله عنه اشترى قصيده ) حتى نرى مدى صحة نسبة هذه الرواية الى الفاروق رضي الله عنه . واذا ثبتت هذه الروايه ( جدلا ) فماذا نستفيد منها في الموضوع ؟!! ان كلامنا عن من يشتري القصيده وينسبها لنفسه !! ويترزز فيها بالجرائد والمجلات والامسيات ؟؟؟ ـ أنت تقول شراء الشعر مو عيب !!! ـ كذلك عدم كتابت الشعر موعيب !!! فالرسول عليه الصلاة والسلام لم يكن شاعرا ، ولم يعيبه ذلك . ـ لكن الي يشترون شعر ( الظاهر فيهم نقص ) ويحاولون اكمال هذا النقص بالشعر !! |
ياجماعه مساكم الله بالخير ادخل صلب الموضوع على طول والله ياخوي عبد الله ولاهان اخو حوشه وراعي العليا ان الموضوع حساس شوي وكثير مانسمع ان بعض الشعراء ينسبون لأنفسهم قصائد مو لهم انا اذكر في احد المجلات المعروفه ان فيه بنت تشتكي في المجلة عشان اخوها يسرق قصائدها وشاعر مشهور ومعروف لكن على اكتاف اخته وخل نكون صريحين ان فيه شخصيات ((( هامه))). نفس الحكايه يقولون قصائد مو لهم واعتقد ان هذا الشي مسكوت عنه لهذى السبب.... بعدين خليني اقولكم شي ان اصلا الشعر الحين مهزلة وكلنا نعرف الشي هذى ونادر ماتحصل شاعر شاعر والساحه الحين يدخلها كل من هب و دب .. واغلب القصائد الي نسمعها نحس انها مكرره علينا والكلام نفسه والمعاني نفسها .... حبيتك وانتي حياتي وانتي خنتيني وانا مظلوم وانا ظعيف وانا عذبتني الدنيا .... ومن هذا الكلام الوقت هذه تسمع القصيده وكنك تسمع واحد يسولف بس سواليف مقفاة وموزونه ... يعني بأختصار الشعر مات والشعراء ماتو ... الأن مافيه شعر مافيه الاخرابيط قليل مانحصل شعراء صدق.... الشعراء هم اول الشعراء القديمين امثال ...نمر بن عدوان ... راكان بن حثلين ...بندر بن سرور.... ابن عمار .... بن لعبون .... محمد بن احمد السديري ... كل هذولا اشعراء راحو وراح الشعر معهم ... ولكن ماقول الحين مافيه شعراء بالعكس فيه شعراء لكن قليلين جدا جدا ينعدون على الأصابع . انا اذكر مقابلة للشاعر الأمير .. عبد العزيز ال سعود ...( السامر ). كان يقول الشعر الحين اسمه ( الشعر ال لا شعر ).. بعطيكم مثال وانتو قارنو بين الأبيات وتفهمون قصدي ......................................... قارن بين الابيات التالية ...
كل مادقيت في ارظي وتد من رداة الحظ وافتني حصاة .. و انا مظلوم انا مسكين وانتي الظالم انا تعبان واناحيران وحبك حيل متعبني .. وقارن بين .... انا رفيقك في اليالي المعاسير ولا الرخاء كلا" يسد بمكاني و انا من اجل الحب مأخسر رفيقي ولا اغير عن طريقه طريقي ....... قارن وتعرف وش اقصد ..... واسف على الاطاله ..... |
اي والله صدقت ياخو حوشه
انا بعد ربع شاعر اكتب الشعر وقت الاحداث ولا اذا صار موق لقع قلبي بس قلوبنا معكم ياعيال العم |
مساك الله بالنور والسرور ابن العم الشاعر الفضلي ، ولا هانوا الربع ،
أولا : لم تجب على السؤال وهو : لو أن أحدا طلب منك بيع قصائدك ! هل ستبيعها ؟ ثانيا : بالنسبه للشعر ( القديم ) والشعر الحديث ( المعاصر ) ، فأقول لك لكل زمان ومكان رجال !! فنحن الأن سنة 2004 وداشين بـ 2005 ، فمو معقول يجي شاعر ويقول ( ياذيب يلي ..... ) أو ( البارحه في منامي .....) أو ( ياهل الهجن ......) أو ( ياركب من عندنا .....) أو ( الجمس ...) أو غير ذلك من هذه المعاني التي لا تصلح الا لزمنها ووقتها !!! ثالثا : في هذا الوت أصبح الشعراء أكثر من الجمهور ..!!!!! ، وكثر المستشعرين في الساحة الشعريه ( على قولتهم ) !! وهذا هو السبب الرئسي الذي جعل الساحه الشعريه ( طايح حظها ) ولا يتشرف الشاعر بالانضمام لها ؟؟ فكثرة الشعراء ( الماصخين ) طقت على الشعراء المتميزين القله !! فأصبح لا يرى في الساحه الا هولاء ( الماصخين ) !! رابعا : وهو طامت الطوام بالنسبة للشعراء وهو التقليد فأغلب الشعراء ( تجده يقلد شاعرا !!) من المشهورين !! ولا يخرج عن فلكه ؟ خامسا : أنا اوافقك بالجمله بأن حالة الشعر سابقا أفضل من هذا الزمن !! لأن أبياتهم كانت تتميز بجزالت المعنى ( يعني البيت الواحد يسوى قصيدة ) ! وهذا هو الغالب على الشعر القديم ، اما الشعر المعاصر فيوجد فيه ابيات رائعه ولكنها ( نادره ) !!! ................................................ هناك أبيات لكبار الشعراء المعاصرين ( صايدها عليهم ) لو ذكرتها لك مع نقدها لضحكت من ركبتك على ( سخافتها ) ولقلت كيف يقول مثل هذا الكلام الشاعر فلان !!! ولعلي أفردها في موضوع اذا وجت لدي متسع من الوقت ! حتى تقف على حقيقتهم ( سخافتهم ) في القريب انشاء الله . ولك مني كل حب وتقدير . |
ابن العم ابو مطلق أشكرك على المرور
ولا تقول عن نفسك انك ربع شاعر ترى كذا تزعلنا عليك وخل عندك ثقه فيما تكتب ، وترى محد طلع من بطن امه متعلم والي يكتبون مو أحسن منك يابعد حيي ، |
السلام عليكم
اخوي الفضلي ودي اجامل بس مااعرف انا اكتب كل سنه قصيد تين ولا ثلاث ولا اكتبهن الا وقت حدث وبالنسبه لموضوع بيع القصيد انا ما اايده واكبر عيب في رايي اشتر ي كلام وانسبه لي ياكبرها عند الله وين المراجل اي انسان يشتري قصيده في رايي انسان مريض ولا عنده شخصيه ووووووووو وشاكرين اخوي عبد الله انا عندي الثقه لو اني اتعمق بالشعر راح ابدع ولكن مشغول والله يشغلنا بطاعة ان شاء الله |
ولد عمي عبد الله ولا اهن ابو مطلق ولا هانو الربع... بالنسبة للسؤال .... هل ابيع شعري ولا لا ..... هذي تعتمد على عدة عوامل ..... اعطيك مثال ممكن انا عندي كم هائل من القصائد لكن وحده من هالقصائد ماصورتني مامثلتني يعني قصيده سخيفه بمعنى اصح واكبر الشعراء تحصل عندهم في دروجهم قصائد مو منشوره ليش لأنها ماراح تلقى نجاح مطلوب ... وفي هذي الحاله اذا جى احد طلب مني هالقصيده راح اعطيه وبصراحه وبدون مجاملة انا اقولك ليش ... لأن هذي القصيده في نظري سخافه وانا قادر اطلع افضل منها ... وخليني اقولك شي وخل نكون صريحين شوي..... العيب مو انك تبيع قصيدتك العيب في انك تشتري قصيده وتنسبها لنفسك وهذا اعتقد انه شخص ناقص ومثل ماتفضلت انت يعوض النقص بالشعر انا لما اشتري احساس احد وانسبه لنفسي فهذا شي يختلف عن اني ابيع قصيدي وهذا ان دل دل على ان قصيدتي مهما كانت سخيفه فهي مرغوبه .....على سبيل المثال الفنان الفنان ترى بسمى عند اهل النقد والمفكرين يسمى تاجر احساس يعني يتاجر بأحساسه وهو لما يغني يبيع صوته يبيع اسلوبه يعني يسمع الناس بفلوس ... والشاعر نفس الحكايه يعطي القصيده الفنان يغنيها ..... ويتاجر بها يعني الفنان يغني بأحساسه واحساس الشاعر في نفس الوقت ...... لكن اذا فنان سرق اغنية مو ملكه مو تبعه .... شوف وش يسوون فيه في الجرايد والمجلات. (( لاحظت الفكره الحين ))
فيه اختلاف بين انك تشتري وبين انك تبيع ..... وطبعا كل وجهة نظر ترجع لصاحبها وهذي وجهة نظري انا خاصه فيني انا ..... وانت اذا كان لك وجهة نظر غير هذي فأنا احترمها كل الأحترام واحطها فوق راسي .... اولا لأنها وجهة نظر شخص فاهم متعلم وثانيا لنها وجهة نظر ولد عمي ... ذخري ومسندي ... وانا شاكر لك يابن اخي ..... ولك مني فائق الأحترام والتقدير ... |
مشكور اخوي على هالموضوع وانا لو اني شاعر ما ضنيت احد يذوق بيت واحد مني لانه حرام اولا بعدين انا اتعب واجتهد ويجي حبيبنا وياخذ القصيده بارده مبرده الله لا يقوله وتسلم على هالموضوع يالغالي .
ملاحظه عندي كلمتين ياليت تسمحولي فيها انا ملاحظ بهالموقع كل واحد مصدق نفسه شاعر لا ومنزل قصيده عاد تعال للقصيده وشوف والله اقولها بالعاميه (اتمغس) لا وزن للقصيده والا معني والا تمت للشعر بصله وكاشخ فيها ومنزلها لنا واللي مستغرب منه ان الاخوه والاخوات الاعضاء على طوووووووول بدون تفكير ويمكن ما قرأ (السالفه قصدي القصيده) كلمه معروفه (صح لسانك) اي السان اي بطيخ يااخي المفروض اللي عارف نفسه الله بالخير بالشعر يحتفض بالقصيده لنفسه والا يزعجنا فيها ويفشل نفسه وانا هنيه ما اقول الكل اقول هذا الكلام للبعض من الاخوه والاخوات الاعضاء وياليت تفكوننا من هالمهازل . واسف على الاطاله ما صارت كلمتين صارت مقاله ههههههههه. . تحياتي للجميع |
لفضلي 1970
يالله حيو مابغى ينور المنتدى بهالطله الحلوه . وينك يابعد حيي كل هالمده غايب ، الظاهر تغلى . وبعدين خف على الربع الله لايهينك ، الكلام هذا ماهو بس بهالمنتدى بأغلب المنتديات الي مو متخصصه بالشعر ، لا بل حتى المنتديات الشعريه اذا كنت عارف بالأوزان والقوافي ( وأنا متأكد انك تعرف ) تجد هذا الشيء فيها ، اما ( التمقيس ) فشعراء كبار يمقسون ، حتى حطوا اسم لهذا التمقيس علشان ما ينفضحون ويمشونوا على الجهال فسموه ( الحداثه و الابداع ) ، ولا ( قطار البرتقال !!) و (حليب الشمس !!) أي ابداع فيها . .................................................. .......................... اما بالنسبه لبيع القصائد : فلي نظرة فيها 1ـ الي يشتري قصيده هذا ( نقص ) وطايح من عيني جملتا وتفصيلا !! 2ـ و اما القصائد التي يكتبها الشاعر باحساسه لموقف معين فلا يبيعها الا حمار !! الله يكرم القاريء . 3ـ لا أرى مانعا من أن يبيع الشاعر " اذا كان محتاج " قصيده ماصخه ( وزن وقافيه بس ) حشو كلام لأن الي يشتري مو عارف بالقصيد أصلا ( ويسلك حالو ) |
الفضلي1970
وين قاعدين بالدوانيه علامك زعلان علينا . ماهوب كل من طلع من بطن امه شاعر لازم يخطي ويصحح الخطا. وبعدين الشعر تعبير عن النفس. اخوي عبد الله الفضلي اذا تبي العلم الصحيح روح عند شيخ وهو يفتيلك ولا تشيل هم دايم خل ربك راضي عليك بكل خطوه والله يعطيكم العافيه |
الأخ أبو مطلق يا هلا والله ومسهلا
أشكرك على هذا التوجيه السليم ( روح عند شيخ وهو يفتيك ) ، وهو عمل بقوله تعال : " فسألوا أهل الذكر ان كنتم لا تعلمون " . لكن هذا اذا كنا نتكلم عن النظره الشرعيه للمسأله ، فأنا ليس لدي شك في حرمت المسأله شرعا ،وهذا ليس محل بسط أدلة المسأله ومناقشتها ، ولم يكن السؤال حول شرعية بيع القصائد ؟ فلو كنت اريد هذا الشيء لما طرحت المسأله على صيغة سؤال ، ولقمت بسرد الأدلة من الكتاب والسنة المحرمة لهذا الشيء ، انما السؤال كان بصيغة الافتراض! ( لو ) كنت شاعر هل ستبيع مشاعرك ؟ على العموم جزاك الله خيرا يا بو مطلق . أما بالنسبة لابن العم الفضلي 1970 فلا تعصب عليه وأنا أخوك ، الظاهر ان قصده سليم و واضح لكن خانه التعبير ، فهو انشاء الله مثلي ومثلك يتمنى أن يظهر المنتدى بأحسن صوره أمام القراء ، فحملته الغيره على كتابة هذه الأسطر . فكلامه حوى حقا فهناك قصائد تنشر في هذا المنتدى بحاجه الى النظر أكثر في وزنها وقوافيها . اما أنا شخصيا فلا أرى مانعا من نشر هذه القصائد حتى يتم انتقادها وبيان خللها لكي يتبين لصاحبها محل خطاه فيتجاوزه في القصائد القادمه وينتفع بنقد اخوانه ( اذا كان مأدبا ) ومبنيا على حسن نيه ، فصفحة عذب الكلام يوجد بها ( نقد ) كما هو مبين في الصفحة الرئسيه . فوجود قصائد فيها أخطاء هذا أمر معتاد في المنتديات المتخصصة بالشعر !! فما بالك بغيرها ! فهذا الشيء لا يعيب المنتدى من وجهة نظري لأنه مما عمت به البلوى . |
| الساعة الآن 03:13. |
Powered by vBulletin® Copyright ©2000 - 2024,