|
مادمت في رايك ...
ما دمت في رايك مجرد شخص يغريه الجمال وإن الغني في هالزمن كل العذارى تعشقه واني بعد مغرور متربي على عز ودلال واني على قولك ولدت بوسط فمي ملعقه يا بنت قبل تكملى بالله عندي لك سؤال من حفظك هالجملتين الله يقطع منطقه صحيح ما هو طبعي ادخل في متاهات الجدال فقط لمعلوميتك شمسي عليكم مشرقه فقط لتوضح الحقيقة ودي اضرب لك مثال عرفت من تفكيرك المتواضع انك مطرقه اول شي اقلوب العذارى ما تثمن بالريال والحب ما هو بـ(استكر) في قلب خلك تلصقه والحب ما يخضع لجاه ولا جمال ولا لمال والحب ما يخضع لقانون (اعذب الحب اصدقه) ثاني شي انه ما شغلني جمع مالى بالخيال يكفيني احيا في كرامه راس مالى بندقه الله رزقني عقل يسمو عن رديين الخصال لكن ابفهم شي ( بالله رزكم وش محرقه؟؟؟ ) المال ما غيّر طبايعنا ولا نكنز غلال على وجوه الخير ودروب المراجل ننفقه بيوتنا مدهال للضيفان ما تخلى الدلال قبل الفقير إلنا يمد ايده يدينا تسبقه إذا لفانا الضيف قدمنا من اخيار الحلال وإذا لفى المهموم باذن الله همه يعتقه وإذا طلبنا رزقنا نطلبه بالشي الحلال كل واحد منا لهيب الشمس ضجت مفرقه ولا نكابر بالغنى والرزق من رب الجلال يكتب لكل انسان رزقه من قبل ما يخلقه وابوي شيخ اشيوخ ينصونه صناديد الرجال وابوي من صغره كسب ماله بكده واعرقه ولا كسب ماله بغش ولا بساليب احتيال ما هو مثل جدك من اجيوب الغلابه يسرقه وابوك لو ضيّع رياله ما ينام اربع ليال وإن جوا له الضيفان يكرمهم ببيضاً يسلقه صحيح 000 انا وشهو له ادخل في متاهات الجدال !!! مع واحده فيها الحسد عدا الحدود المطلقه ما كان له داعي تجي بسلوب يحدث لى انفعال قولى لى ارحل واوعدك هالباب ما عاد اطرقه من يوم انا في المهد ما قد قلت .... للمقفي تعال حتى ولو .... بعده يوديني لحبل المشنقه على الحرام ,,,, إن جيت بعد اليوم واعطيتك مجال هذا الشنب ما هو على رجال وان جيت احلقه!!!! لا اعرف الشاعر دمتم لمحبكم |
يسلموووووووووووو اخوي / عابر سبيل على القصيدة
قصيدة رائعة جدا ، ولا يستحق قائلها أن يكون مجهولا وابوي شيخ اشيوخ ينصونه صناديد الرجال وابوي من صغره كسب ماله بكده واعرقه ياليت تعرف لنا الشاعر مشكووووووووووووووور |
حلـــــــــــــــــــــــــــــــوة وايـــــــــــــــــــــــــــــــــــــــــــــــ د :)
|
تسلم يا عابر سبيل ، اختيار جميييييييل ، ليت من يخبّر لعيباوي ليه يكون مجهول أخوي الأصيل ؟ هذي القصيدة للشاعر مستور المالكي |
حلوه اخوي عابر سبيل
ومشكوووووووووور منتب بسيط يابوعساف موسوعه مشاالله عليك |
اهب اهب اهب ياللي ببالي
|
مجهول لانه كان بالنسبة لي غير معرّف
ولأن اخوي / عابر سبيل قال لا أعرف الشاعر وتسلم على المعلومة مشكوووووووووووور |
تسلم يا الذيب أخوي أبو خالد : كان قصدي : ليه يكون مجهول والمعلومة عندي أي على تقدير محذوف (تذكر موضوع أخطاؤنا الإملائية والتقدير الذي لم يعجبك) ولم يكن المراد الاستنكار ومع ذلك أنا آسف أخوي ====== لعيباوي : وش فيك قاعد تهبهب ؟ بس صراحة : استاسع صدري يوم شفت تعليقك لأني عرفت إنك مريت على المشاركة وقريت الأبيات الحلوة |
انت اللي محليها يابو العسفي
|
يامراحب بعيال العم واكيد معاهم ظل القمر تسلم ياابو عساف على هالمعلومه عن اسم الشاعر |
بعدي يا لعيباوي ، ولا تدلعني لاصيح
أخوي عابر : أنت آمر ويجيك أبو عساف يطامر |
^ ^ ^ لاخلا ولا عدم يابو عساف |
رد : مادمت في رايك ...
بيوتنا مدهال للضيفان ما تخلى الدلال قبل الفقير إلنا يمد ايده يدينا تسبقه إذا لفانا الضيف قدمنا من اخيار الحلال وإذا لفى المهموم باذن الله همه يعتقه وإذا طلبنا رزقنا نطلبه بالشي الحلال كل واحد منا لهيب الشمس ضجت مفرقه ولا نكابر بالغنى والرزق من رب الجلال يكتب لكل انسان رزقه من قبل ما يخلقه صح لسان الشاعر وسلمت يمينك اخي الكريم على تلك الرائعه |
رد : مادمت في رايك ...
الله يعطيك العافيه
|
رد : مادمت في رايك ...
وابوي شيخ اشيوخ ينصونه صناديد الرجال وابوي من صغره كسب ماله بكده واعرقه صح السانك جميلة القصيدة تسلم يالغلا |
| الساعة الآن 04:04. |
Powered by vBulletin® Copyright ©2000 - 2024,