مجلس قبيلة الفضول التوثيقي الرسمي الأول - وموقع واجهة القبيلة

للشاعر الاستاذ / محمد بن سالم السالم العبيدالله المقرن الفضلي

\
/

احـمد الله دارنا مجـــــدها عالي السنود
مـــــيزة من والي الــعـرش علا شــانها

الله اللي عـــــزها بالملك ابن الـــــسعود
يــــوم أبو تركي حكمـها وشـد اعنــانها

دارنا بنت تغــــطرف بزيـــــنات العقود
من خطــبها راح مانال حبـل ارســـانــها

يوم جاها الشيخ قالت: هلا يابن الــجدود
مهرها من غالي الروس من شجــعانـــها

أسس البنـــيان بالــــعزم وارجال أسود
ما يهابـــــون المـــنايا غـــدوا فرســـانها

أخلصوا النيات للشيخ وأعطـــوه العهود
والــــرجال يعــــزمها تـسترد أوطانـــها

شـــنوا الغارات بالفـجر ماذاقـــــوا رقود
يشهد المصــمك ومن عاش من أعيانـــها

معركة والمعركة مايــــــخفيها جـــــحود
طاح عــــــجلان صريع علــى ميدانــــها

صاح صياح الـجمــــاعه وخلق الله شهود
الـــــحكم لله ثم للـــملك بإعـــــلانـــها

الملك عبدالعزيز الشهم فــهد الفــــهود
راعــــي العـــوجا البطل قاهر عدوانـــها

حامي البيتين بالسيف وارجـــال احيود
كاســــب الطولات شال الأمانه وصــــانها

واحـسن البنيان للـــدار واخلص بالوعود
نافـــست كــــبرى الدول دارنا بنيانـــها

قبل مية عـــام كان الـــــفقر فيها يسود
والــــمرض والخوف يجثم على سكانـــها

شاهدوا بالعين هذا عمــــل عشرة عقود
واذكــــر الله بالـــعزم سابقت أزمانهــــا

نعمة كــبرى عســــاها تــــدوم بلا نكود
والنــــــعم يــــديمها الله في شـــكرانها

امن الأوطان وارســــى القواعد والـحدود
وابـــــتدا في نهــــضة يزدهر عـــمرانها

واستمر الخير للشعب واشـــــتد العمود
بالتـــــكاتف والتــــعاون علا سلطانــــها

دولـــة في طـــاعة الله ماتــــدخر جهـود
بـــخدمة الإســلام والضيف ربي عانـــها

يشهد التاريخ للشيخ بالـــــفعل محمود
والشعــب في نعمة يشكرون احــســـانها

أرث قروم على نـهج ابو تــــركي سنود
جــــعلــــهم في جنة الخلد بين أفـــنانها

يالله إني طالبك يا كـــــريم يــــــاودود
جعــــل قبره في رياض ونعـيم اجنـــانها

والفــــهد نعم الفهد واعسى عمره يزود
واصل البنيان بالــعلم قــــاد اعـــــنانها

يوم ذكــــرى قرن يمضي قريحتنا تـجود
ودارنا تلبس حلل زاهـــية بألـــــوانـــها

قــــال ابن ســـــالم بقاف بلا نقص وزود
والحقـــيقه عنــدنا واجــــب تبــيانـــها

واجب منا الــــولا للـــــوطن حنا جنـود
والفــــدا بالـــــروح والــفعل لابلسانـــها