نعنبو رجـل ٍ يشـوف المرجلـهْ فضـرب الحريـم !!
من متـى كانـت رجولتكـم علـى ظهـر النسـا ؟!




(ضلع ٍ أعوج ) بس مـو دايـم بكسْـره يستقيـم !!
قوّمُـوه فْعُمْـر لينـه .. يستقـيـم الـيـا قـسـى




يا رجـال اليـوم ( رفقـاً بالقواريـر ) .. و قديـم ..
قالوا: (أخيَرْكم .. رحيم الصبـح // مِكـرام المسـا )




ما يبات الليـل كاسرهـن .. و الـى جَـنْ البهيـم ..
مركـب يدينـه علـى مرسـى مدامعـهـن رســى




بيـض الله وجــه جابـرهـن بعيـشـات النعـيـم
و سـود الله وجـه جابرهـن علـى عيشـة أسـى




ذاكر حقوقـه ليـا قيـل ( اربـع ) بشـرع الحكيـم
و إن وصل لين ( اعدلوا ) طنش ابو الشرع و نسى !!




كِن ( سي السيد ) خلقْـه الله علـى أهلـه زعيـم ..
طاغي معربدْ .. قسـم باللـي بْيحاسِبْـه .. ايخسـا !!




لا الرجولـه بالعنـاد و لا هــي بقـهـر الحـريـم
ليمتـى و العنـف صايـر ظاهـره ضـد النـسـا؟!