|
إذا المراجل لبسة شماغ وعقال ** قل للغذارى يلبسن العمايم
السلام عليكم ورحمة الله وبركاته قصيده أعجبتني وحبيت أنقلها لكم/ إذا المراجل لبسة شماغ وعقال قل للعذارى يلبسنّ العمايم ما عاد يفرق زول حرمه ورجال دام الفعايل تشبه البعض دايم المرجله ما هيب كلمه وتنقال وتروح ما راحت هبوب النسايم وإلا خشونة صوت أو رفع الأثقال أو رزة صدور وفعل الزلايم ولا هي بعد مفتاح موتر وجوال وإلا ردى لسانن حديثه شتايم المرجله شيمه عن القيل والقال رفيع نفس (ن) حر بالجو حايم المرجله عقلٍ وزن وزنه جبال ودون العقل وش فرقنا والبهايم يا مسندي لو مايل الوقت بي مال يا ولد أبويه يا عظيم العزايم يا معرب الجدين من العم والخال يا نخوة المفزوع وقت الهزايم المرجله يا خوي هي طولة البال هي العزم هي الصبر فالظلايم فيها الكرم عزه دله وفنجال فيها الكرامه عن ردى الطبع شايم والدين لامنه خذا القلب منزال مشى طريق الحق وابليس نايم ومن لا عرف ربه في طيب الحال لابد وقت الضيق بالهم هايم حتى صلاتك مع جماعات ورجال في خيرها يا خوي نعم الغنايم ولامن نصف ليلك قم صفي البال يا عظم أجرك بين ساجد وقايم ولا من رفع ربي له كل الأعمال حسن الذكر لا قالو فلان صايم وخلك شريف القصد يا طيب الفال سوء المقاصد فالبيوت الهدايم واحذر تبيع النفس في دب الأنذال وتتبع خوي إبليس راع النمايم النفس خيل لك إذا كنت خيّال ومن لا قوى نفسه قوته الهزايم ولا صرت ما تدري لو يش أنت رجال والله خسارة فيك ذبح التمايم دمتم بود |
رد : إذا المراجل لبسة شماغ معقال ** قل للغذارى يلبسن العمايم
سلمت ودمت يا اخي عمر وسلم وصح لسان شاعرها والله ان هذه القصيده معبره وانها صوره حقيقيه عن حقيقة الرجال وتقبل خالص تحياتي وشكرا |
رد : إذا المراجل لبسة شماغ معقال ** قل للغذارى يلبسن العمايم
عمر دايم صيدك جزل قصيده رائعه المعاني . صحيح ياشين الذي يستر صلعه راسه بشماغ بسام ملكي ويعريه لسانه وفعوله الرديه .وانت ليه متصلط علينا وينك عنهم ليه ماتنصحهن تر مابهم شاعره لاتخاف
|
رد : إذا المراجل لبسة شماغ معقال ** قل للغذارى يلبسن العمايم
ابيات جزله ( عمر المسعري) سلم راسك ياولد العم على النقل الرائع والله لايهينك اقتباس:
>> شكلك ياولد العم تبي القريحه تتفجر عندي و تخليني افلق الرياجيل بكم بيت >> تليني بس :biggrin: |
رد : إذا المراجل لبسة شماغ وعقال ** قل للغذارى يلبسن العمايم
اقتباس:
شكرا" على مرورك |
رد : إذا المراجل لبسة شماغ معقال ** قل للغذارى يلبسن العمايم
اقتباس:
وحتى لو فيه شاعره إرقد وأمن هههههههه |
رد : إذا المراجل لبسة شماغ معقال ** قل للغذارى يلبسن العمايم
اقتباس:
هلا بالإخت هيبة الصيت ليه زلق حرف اليائ (بالمسعري)ههههههه الله يسلمك المسعر وليس المسعري شكرا" على مرورك العطر بس لاتنفجر القريحه وبعدين تندمين ههههه |
رد : إذا المراجل لبسة شماغ معقال ** قل للغذارى يلبسن العمايم
عمر لاتخاطب من اذا قلنا فعلنا ارجوك لاتورطنا في منازله محناقدها اسفين وخلاص . نص الشعب نايم مدرى احد
|
رد : إذا المراجل لبسة شماغ معقال ** قل للغذارى يلبسن العمايم
اقتباس:
طااايب مشينا الحرب كر وفر ياعم يالله رجعنا بس لاتنسي سيفك وسلاحك ههههه |
رد : إذا المراجل لبسة شماغ معقال ** قل للغذارى يلبسن العمايم
وعليكم السلام ورحمة الله وبركاته من اروع واجمل القصايد يعطيك العافية وتسلم الايادي ياالغالي عمر المسعر |
رد : إذا المراجل لبسة شماغ معقال ** قل للغذارى يلبسن العمايم
يا سلام يا سلام يا عمر على القصيده الجزله يا سلام عليك على حسن الاختيار الجميل
وبيض الله وجهك على النقل وصح لسان شاعرهااا وتقبل خالص خالص خالص خالص خالص تحياتي اخوك ... فهد بن أل طالب |
رد : إذا المراجل لبسة شماغ معقال ** قل للغذارى يلبسن العمايم
انت جزل وماتقول الا جزل ولا تكتب الاجزل ولا تنقل الا جزل فاْلك مني جزيل الشكر ستاذي ابوعبدالله دمت بود |
رد : إذا المراجل لبسة شماغ معقال ** قل للغذارى يلبسن العمايم
اقتباس:
الأخ إبن عباد شكرا" على مرورك |
رد : إذا المراجل لبسة شماغ معقال ** قل للغذارى يلبسن العمايم
اقتباس:
ياسلام ياسلام عليك يافهد على المرور الجميل ياسلام ووجهك أبيض يافهد شكرا" على مرورك الجميل |
رد : إذا المراجل لبسة شماغ معقال ** قل للغذارى يلبسن العمايم
اقتباس:
العم العزيز محمد الذرفي أشكرك على الإشاده ولاخلا ولا عدم وأنت أستاذ الجميع ولاتعطيني اكبر من حجمي أنا بحسبت واحد من عيالك دمت بود |
| الساعة الآن 04:39. |
Powered by vBulletin® Copyright ©2000 - 2024,