مجلس قبيلة الفضول التوثيقي الرسمي الأول - وموقع واجهة القبيلة - يالشاعر اللي بارع بعسف الأبيات .. .. عسف الأصيل من أصول عربية

يالشاعر اللي بارع بعسف الأبيات .. .. عسف الأصيل من أصول عربية

بسم الله الرحمن الرحيم

السلام عليكم ورحمة الله وبركاته

هذه القصيدة مجاراة لقصيدة المعاناة .. من كلمات الشاعر .. عبدالله محمد العودة الفضلي

[poem font="Simplified Arabic,7,black,bold,italic" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
يالشاعر اللي بارع بعسف الأبيات = عسف الأصيل من أصول عربية
ينبيك ليلٍ ذعذعن فيه نسمات = وينبيك نجمٍ ساطعات ضوية
رد الجواب اللي به الناس حيرات = جواب مجهول الوطن والهوية
جواب ليل ظلمته جات بسكات = متختلة للشمس بالمغربية
ليل الشقى ليل الهنا والمسرات = يحوي جميع أسرار كل البرية
ناسٍ تعاني منه وناس بونسات = وناس تسامر فيه لين ضحوية
وناسٍ تذوق المر منه وويلات = وناس ليا جاها شعلت سامرية
لا شك من يشكي عليه المعانات = هو أعلم بسر المعاني الخفية
تضافرت أسباب بينه وخفيات = ثم هجمت قواتها البربرية
لها عناوين وأثار وعلامات = يشوفها من سوت ابه الجنية
حطت بذات المبتلي نجف طعنات = ثم سرت به لين حوض المنية
ثم جلبت هاجس وخفقة وعبرات = مع ونةٍ تدوي ولو هي خفية
تجلب دموع تفرج الهم لاجات = تزيل هم المبتلي والأسية
المشكل أنها بمحجر العين حيرات = أبية من كبرياها أبية
ويا واصل من عندنا بظرف لحظات = طاير على الكنكورد تحمل نحية
وصل جوابي لدايم السيف ثم هات = علوم الأمير اللي به أبها بهية
خلا الجنوب بفعل يمناه جنات = وهبه الله جابه الله هدية
تمتعوا سكان ذيك المكانات = بخالد اللي خالد به رعية
كل الوفى والطيب طبعه وعادات = ورعيته صارت تحبه وفية
تمتعك كل الجنوب بمسرات = مستانسة من جود خالد هنية
الله يسلم فهدنا ما خطا بالقيادات = حط الجدير اللي يجيد الوصية
خالد ولد فيصل أساس الشجاعات = الظافر المقدام في كل هية
أبوه فيصل مثله رجال ماجات = فيصل يفوق رجال ميتة وحية
رجل ربي بالمرجلة والمعزات = أبوه ســـيّـس له أساس البنية
فيصل فقط فيصل هيهات هيهات = بينوجد مثله بهذي البرية
وابنه شبيهه بالشكل والنفيلات = ياجعل تبطي ساعته والمنية
أرض الجنوب مقدمة له تحيات = متظللة من تحت ظلة بفية
تهب منها طيبات زكيات = من طيب خالد رايحتها زيكة
ريح النسايم والهبوب العذيات = ياعذبها من طيب خالد عذبة
أقول قول الحق مبغي مكافات = أنا من رجال تعاف الجزيلة
وأنا أحمد الله واهبٍ لي وجاهات = وابغي معاكم زود يا أهل الحمية
وختامها صلوا على هادي مات = الهادي المعصوم من كل سية
معتمد اللي خاتمٍ بالرسالات = يالله بشربة من يمينة هنية[/poem]

# ملاحظة : احتمال تكون هناك اخطأ بسب النقل

رد : يالشاعر اللي بارع بعسف الأبيات .. .. عسف الأصيل من أصول عربية

وعليكم السلام ورحمة الله وبركاته
ابدع الشاعر
صح لسانه
وتسلم يدينك سلامه
والف شكر

رد : يالشاعر اللي بارع بعسف الأبيات .. .. عسف الأصيل من أصول عربية

حاتميه

اقتباس:

وعليكم السلام ورحمة الله وبركاته
ابدع الشاعر
صح لسانه
وتسلم يدينك سلامه
والف شكر

صح بدنك وسلمتي من الشر .. ولا شكراً على واجب اشكرك على طيب التواصل ياشيخه وفقك الله بم يحبه ويرضاهـ تحياتي لك.

رد : يالشاعر اللي بارع بعسف الأبيات .. .. عسف الأصيل من أصول عربية

شاعر كبير ومبدع

قصيدة رائعة

تسلم يمناك على النقل أخوي سلامه

رد : يالشاعر اللي بارع بعسف الأبيات .. .. عسف الأصيل من أصول عربية

الف الف شكر ويعطيك العافيه

رد: رد : يالشاعر اللي بارع بعسف الأبيات .. .. عسف الأصيل من أصول عربية

علوش الفضلي

اقتباس:
http://www.alfothool.com/vb/fodol/buttons/viewpost.gif
شاعر كبير ومبدع

قصيدة رائعة

تسلم يمناك على النقل أخوي سلامه

سلمت من الشر يابعدي والاروع تواجد الطيب لك اطيب الود.

رد: رد : يالشاعر اللي بارع بعسف الأبيات .. .. عسف الأصيل من أصول عربية

خلف بن خمسان

اقتباس:
المشاركة الأصلية كتبت بواسطة خلف بن خمسان http://www.alfothool.com/vb/fodol/buttons/viewpost.gif
الف الف شكر ويعطيك العافيه

الله يعافيك ويبقيك لعين ترجيك ولهلك يخليك, تسلم على هذه الطله.