جزل القصايد
بديت القول بسم الله وارحـب وابدع الأمثـال=جميلات القصايد تعـجب السامـع مـثايـلـهـا كتبت الشعر رايـق هـأيـمٍ بـه واسـحبه موّال=وانا كيفي لحونٍ بالـطرب لاصـرت شايلها أنا طربان ياربـعـي عـلـى وزنـيـة الـيـامـال=أجر الصوت واتخـيّر قصيدي من جزايلها جزايل في معانيها تـعـلـّت عـالـي الـمـنـزال=صعيباتٍ على الهـافي ولا حتى يـخـأيـلـهـا جزايل تمدح اللي لـلـثـقــايــل دايــمٍ شــيّــال=قويّ العزم ما تصعـب على عزمه ثقايلـهـا تربى في بيوت العز من صغره وهو رجّال=شرب سلم العرب فنجال ما يرضى بدايلها ليا صلى الفجر سكّب وهيّل بالمضيف دلال=على هاك الوجار اللي تسعّر به شـعـأيـلـها كريمٍ بالعسر واليا دعته الـــمـعـركـة خـيّـال=ليـا منّه صـهـل خـيلـه يـثـوّر مـع فـتـأيـلها ألا ياسامعي فكّر وخذ من طــيّــب الأقــوال=ترى الذكرى لها داعي على شتى وسايلها عليك ابطيّب الجدين زاكي العم ويا الــخـال=تجمّل وازرع المعروف تجني من فسايلها تحصل من تعزوابه الى منّ الدهر بك مــال=ترى بعض العرب دايم تهوّل من فـعـايلها ختمت القول اصلي والقوافي بالصدر تجتال=على سيد البشر تعداد ما هـلـت هـمـايلـهـا شاعر من شعراء قبيلة الفضول الشاعر/ عبد اللطيف الفضلي |
رد: جزل القصايد
ياسلام على القصيد الجزل
صح لسانك أخوي عبد الإله ولسان الشاعر الشاعر عبد اللطيف من الشعار المعروفين بالجزالة تسلم يمناك على النقل |
رد: جزل القصايد
صح لسان الشاعر وتسلم يمينك ع النقل
الله يعطيك العافيه تحيااتي |
رد: جزل القصايد
رعاك الله يالشيخ علوش مشكور وصح بدنك وياهلابكـ |
رد: جزل القصايد
الله يعافيك اختي ومشكور على التواصل الطيب تحيتي ومودتي |
رد: جزل القصايد
بارك الله فيك يالعزوهـ على القصيدة وعلى النقل واختيار موفق.
|
رد: جزل القصايد
سلامه العايد
تشكرات وياهلااااا سلمت الغالي |
رد: جزل القصايد
صح لسان الشـاعر عبد اللطيف الفضلي وسلمت اناملك استاذي الغالي عبدإلاله الدعفس على النقل والاختيار الرااااقي دمت بووووووووووووود |
رد: جزل القصايد
صح بدنك أستاذ ابو سند وياهلا بك |
رد: جزل القصايد
ياسلام عليك وعلى إختيارك يا عبدالاله
صح لسااااان شاعرها وصح إحساسك الراقي عساك ع القوة يارب |
رد: جزل القصايد
هلا بالآنسه هنوف
سررت بوجودك وياهلاااا |
الساعة الآن 08:28. |
Powered by vBulletin® Copyright ©2000 - 2024,