مجلس قبيلة الفضول التوثيقي الرسمي الأول - وموقع واجهة القبيلة

بسم الله الرحمن الرحيم
السلام عليكم ورحمة الله وبركاته:

قصه طريفه جرت على الفارس المشهور ساجر الرفدي:
آمل أن تنال إعجابكم:

جاء رجل على ساجر الرفدي وقال له ياطويل العمر ماعندي غير امي وابي متوفي ابي انزل عندك ولاعندي شي اشيل عليه

اعطاه ساجر اثنين من الزمل وقاله جيب بيتك واسم الشاب خليف وباالفعل نزل عند ساجر
وثاني يوم قال ساجر

لخليف ناخذ الطير والسلقه غدي نصيد لنا صيد نفطر عليه القفل ابطى ولا عندنا شين وذهبوا للمقناص شاف حباري

وهد حطاب عليهن وعند مااقترب الطير من الحبارى وكان قريب من خليف وكان معه مكوار هف الحبارى ولياهي جايه
الضربه بحطاب وبنفسه مات حطاب قال ساجر الخلف والعوض باالله وشاف له ارنب واطلق

خطاف عليه وقامت تطارد الارنب واقتربت من خليف وهو يضرب الارنب وجت الضربه بخطاف ولياهو كا سر يده وكان يصيح عليه ساجر لاتضرب

ولكن فات الاوان وعادوا ادراجهم وفقد ساجر خطاب وخطاف. واعتبره من اسوء الايام ولكن الجار هو القاتل وصل ساجر

البيت قبل الفطور سأل بنته عندنا قهوه اجابته ما عندنا الا ملء فنجال وتتن مابقى الا اللي يملى العظم سوى القهوه

وجهز العظم امامه ونرجع لخليف الذي اخبر امه بما جرى قالت له امه اذهب لساجر حب راسه واعتذر منه واتى خليف مسرعاّ وفي طريقه لساجر طخ الدله برجله والرجل الثانيه على

السبيل انكسر قاله ياخليف عويذ الله من شرك يا خليف انقلع لاهلك

وطب القفل على ساجر وارسل على خليف وقاله جيب الزوامل وخذ حمل تمر وحمل طحين والديره اللي انا بها لاتطبها
وقال ساجر هذه الابيات:

مصيبتـن ماشفتهـا ولا طرالـي يتكل يوقد باالضمايـر لهـب نـار

من صرت انا ما شفتها ولا جرالي وم المصايب جن علي مـن الجـار

الاولـه حطـاب معـادل عيالي اشقر عديم ولابرق الريـش نثـار

الثانيـه خطـاف مالـه مثـالـي شـره عنـز الجميلـه ليـا غـار

والثالثه عملـت باصغـر دلالـي وم فاحـت بـهـا بــن وبـهـار

الرابعه باالعظـم تتـن الشمالـي تكصـم منـي حـزات الافطـار

وليـت قومـن خـذت حـلالـي وم اصبر على ظيم الليالي والاعسار

ومن صرت انا مهزابة للرجالـي كم واحدن هدمت بيته على الـدار

العمـر يفنـى واخـره للزوالـي والحظ يرقى ونوب ينزل باالاحدار

ولا شفت مثل خليف قليـل والـيمن خلقة البـدوان مامثلـه صـار

مع تحيات الشعطاني الظفيري....