يا خوي
يا خوي ياخوي كل ما قلت يالله ندى البر معزتك مثل الفيافي طويله بصدورنا لو ابعدة دار عن دار راعي الوفا يبقى غلاه جميله فتحت صدرك يا الوفي وافي الاشبار منحتنا عذب الحنان بنهيله وقفت ما خليت يا نسل الاحرار موقفك ماهو يوم لاهوب ليله اتعبت حالك في مساريح الاسفار هيجنت تتبع للربيع ومسيلة غيم نشاء بعد الذي صار ما صار واستمطرت كل اليالي القليله قلت اقبلت يوم اقبلت شحت(ن) دار تغيرت دنياي تاه الدليله حسيت بجروحي غدة كنها نار تصلى فوادي لين بين نحيله تغربت روحي انا الفكر بي حار واستيسرت جمح الخيال وصهيله مثل البحر في عالمه كل الاسرار تبحر عيوني والمجادف خليله منقوله لشاعر غير معروف ولكم خالص تحياتي اخوكم / بن غزي2005 |
رد : يا خوي
صح اللسانك
ويعطيك العافيه على النقل الرائع دمت بخير |
رد : يا خوي
صح لسان الشلعر
وتسلم على النقل بس عندي تعقيب على (هيجنت تتبع للربيع) وش تقصد ممكن (هي جنت) وبس |
رد : يا خوي
لينا يعطيك العافيه على المرور وصح ابدنك ابو سيف يعطيك العافيه على المرور وصح بدنك اقتباس:
المقصود فيها هيجنت يعني ركبت الهجن ولكم خالص شكري وتقديري اخوكم / بن غزي2005 |
رد : يا خوي
شكرا على سعة صدرك يا خوي
|
رد : يا خوي
صح السانك
الله يعطيك العافية |
رد : يا خوي
مبارك السالم يعطيك العافيه على المرور وصح ابدنك لك خالص تحياتي اخوك / بن غزي2005 |
رد : يا خوي
الاخ الغالي / بن غزي2005 السلام عليكم ورحمة الله وبركاته بيض الله وجهك ان نقلت لنا هذه الابيات وانا عارف القصد انك ترثي اخوك وهو اخ عزيز نسال الله القدير ان يسكنه فسيح جناته ويغفر له ولاخواننا المسلمين والله نساله ان يرزقك الصبر والسلوان ولكن في قصيده للشاعر للشاعر -فهد بن سعود بعد وفاة (اخيه) مسعود الغليسي نسال الله القدير ان يسكنه فسيح جناته ويغفر له ولاخواننا المسلمين يقول فيها انا اللي من اللوعات صرت صويب***جريح من ضروف الزمان عطيـب حزين على من فرق الوقت شملهم****وذا الوقت منه المترفيـن تشيـب محا الله دنيا ماتقدر هـل الوفـاء***لها السود مـادام الهـلال يغيـب تجرعت انا منها من السم ماصفـا***وتخصنـي بفـراق كـل حبييـب راحت بإبي وعوال عمـي خمسـه***وعمامـي اللـي يتعبـون النيـب ومن بعدهم راحـت بقـرم وافـي***راعي الجناب الزيـن والترحيـب انا بشهد انها ماتعوض خسارتي***ولاعـاد ينفعنـي دوا الطبـيـب وسود الليالي مقبـلات فجوعهـا***نعى الله وقت صـار لـي طليـب احزنا بعد مسعود والحزن مانفـع***ولافـاد دمـع قـام لـه صبييـب اخفي جروحي والعبايـر تخونـي***وصدري من الضيقات لـه نحيـب ومن لايحزن لافقـد لـه صميـدع***واش عاد يبغى المقبـلات تجيـب واناعلى مسعود ببكـي وباحـزن***وجرح بقلبـي ماانتظـره يطيـب بيبطي وهو بيـن الضمايرمكانـه***يـروع الفـواد وللمنـام حريـب مسعود صنديد ومن راس مشكـل***ورايه لصعبـات الامـور يصيـب عزوم وعزمـه مايشابـه لغيـره***ولاهو يسمي الصعـب بالصعيـب اشـوف المرجـل كلهاملـك كفـه***وقلبه على قطع الفجـوج نجيـب فلو الدفـن ماسنـه لنـاالله سنـه***والله مايـدفـن وانــا قـريـب فرجواي للي نزل الغيـث للثـرى***ان في جنان الخلـد لـه نصيـب وانه معى اللي في الارائك مصيرهم***يـارب يلـي للـدعـاة مجـيـب وأسئل الله جلت قدرته أن يرحم الفقيد ويدخله فسيح جناته ويجعله من الناجين . |
رد : يا خوي
صح الله اللسان من قالها
وتسلم يمينك يابو نايف الله يرحم اخونا تركي ويدخله فسيح جناته اللهم امين |
رد : يا خوي
ابو عبدالعزيز جزاك الله الف خير ووافي يا ولد الاجواد اقتباس:
لك خالص تحياتي اخوك / بن غزي2005 |
رد : يا خوي
ابو مطلق صح ابدنك وجزاك الله الف خير لك خالص تحياتي على المرور الطيب اخوك / بن غزي2005 |
رد : يا خوي
صح لسانك
وتسلم على النقل |
رد : يا خوي
صوت الامل صح ابدنك وتسلمين على المرور والتعليق لك خالص تحياتي اخوك / بن غزي2005 |
رد : يا خوي
بن غزي 2005 صح لسانك ولسان من قالها والله يرحم جميع اموات المسلمين ويغفر لهم لا خلا ولا عدم يا ابن العم فلاح القويماني صح لسانك ولسان الشاعر دائما تكون باختيارك موفق دمت بعز يالغلا |
رد : يا خوي
AHMADOV صح ابدنك وجزاك الله خير واسعدني مرورك الكريم لك خالص تحياتي وشكري اخوك / بن غزي2005 |
الساعة الآن 09:13. |
Powered by vBulletin® Copyright ©2000 - 2024,