مجلس قبيلة الفضول التوثيقي الرسمي الأول - وموقع واجهة القبيلة

الاخ / صرخة الم

الله يعطيك العافيه على الاسطر ، وهذا نابع من خوفك وحرصك على ان المنتدى يطلع باحسن صوره .

اما بخصوص كلامك عن المنكر والشجار ، فلله الحمد والمنه ، لايوجد اي منكر في المنتدى ولا اي شجار ، وان كانت هناك بعض الردود القويه من بعض الاطراف ، فهذا نقاش وليس شجار ، ودائما ينتهي بافضل صوره ، وبتسامح ورضا من الطرفين ، وتعلو البسمه في النهايه على وجه الطرفين .

اما بخصوص الردود ، وان الواحد يحس انه قاعد يكتب لنفسه ، انا شايف ان الاعضاء مو مقصرين ، سواء من ناحية الكتابات والا من ناحية الردود ، والكل قاعد يبذل مجهوده في المنتدى ، وانت من الناس اللي الشهاده لله مو مقصرين ، ولهم بصمه في المنتدى .

ولكن هناك نقطه احب اوضحها ، مرات يكون في اعضاء يكتبون اربع مواضيع في يوم واحد ، ويبون الاعضاء يردون على المواضيع كلها ، طبيعي العضو اللي يدش ويلقى اربع مواضيع لنفس الشخص ، راح ينتابه شعور بالملل ، ويكتفي بالتعليق على موضوع والا موضوعين بالكثير ، فا اللي اطلبه من كل عضو انه يحاول يكون في ميزان لكتابة المواضيع ، علشان كل موضوع ياخذ حقه في المشاركه ولا يهمل بالردود ، بحيث كل فتره معينه يشارك بموضوع واحد والا اثنين ، علشان يلقى ردود تسره ولا يحس انه قاعد يكتب لنفسه .

في نقطه ثانيه احب اوضحها بعد ، ان اغلب الاعضاء مواضيعهم منقوله ، فا احتمال كبير يكون اغلب الاعضاء عارفين وقارين هالمواضيع من اماكن ثانيه ، فا من البديهي ماراح يكون في رد ولا مشاركه ، ولكن اذا كان الموضوع اجتهاد فردي ، وموضوع غير مستهلك ، انا متأكد ان جميع اعضاء المنتدى راح يتفاعلون معاه .

نشكر لكم اهتمامكم ، ونتمنى قبول الرد بصدر واسع ، ووفقكم الله .

لك مني سلام الله ما حييت .