عرض مشاركة واحدة
قديم 20-01-2009, 09:51   #13
عدنان النصيري
ضيف


الصورة الرمزية عدنان النصيري

بيانات اضافيه [ + ]
 رقم العضوية :
 أخر زيارة : 01-01-1970 (04:00)
 المشاركات : n/a [ + ]
لوني المفضل : Cadetblue
رد : ...’, أمثال عراقية ,’...



اقتباس:
المشاركة الأصلية كتبت بواسطة حاتميه مشاهدة المشاركة
امثال عراقيه جميله


1- يتعلم الحجامة بروس اليتامى
2- اطعم الحلك تستحي العين
3- يحفر البير بابرة
4- النادرة تغزل بعود والجايفة تكول الشج معووج
5- عند البطون تعمي العيون
6- سبع صنايع والبخت ضايع
7- لسان الطيب يطلع الحية من الزاغور
8- مو كل من صخم وجهة كال اني حداد
9- كلمن يحود النار لكرصتة
10- صفي النية ونام بالبرية
11- احاجيج يابنتي واسمعج ياجنتي
12- هم نزل وهم يدبج عالسطح
13- ايدة بالماعون واصابعة بالعيون
14- بيضة اليوم احسن من دجاجة باجر
15- شين التعرفة احسن من زين المتعرفة
16- تدهدر الجدر لكة قبغة
17- بير التشرب منها مي لتذب بيها حجارة
18- الما يسوكة مرضعة ضرب العصي ما ينفعة
19- الدنيا كون كلمن همة لون
20- كل لشة تتعلك من كراعها
21- كلمن ذنبة على جنبة
22- الشبعان ميدري بدرد الجوعان
23- ياحافر البير لاتغمج مسا حيها خاف الفلك يندار وانت تكع بيها
24- المبلل ميخاف من المطر
25- اللي يريد شىء يفوت شىء
26- المينوش العنب يكول حامض
27- ورة مخلص العرس اجتي الرعنة تهلهل
28- الديج الفصيح من البيضة يصيح
29- صانع الاستاذ استاذ ونص
30- لو ردت صديقك دوم حاسبة كل يوم
31- صاحب صنعة ولاصاحب قلعة
32- سد بابك امن جارك
33- طلعها من حلك السبع خشت ابطن الواوية
34- انهزم من جوة المطر وكع جوة المرزيب
35- بالوجه مراية وبالكفة سلاية
36- من السكوتي طكي وموتي ومن الورواري خلي وفوتي
37- جدرة على نارة وعينة على جارة
38- نست مرة العم جانت جنة
39- ياعجوز ما جنتي جنة
40- الشادي بعين امة غزال
41- حتى القمر بي لولة
42- ودع البزون شحمة
43- من تكثر الملاليح تغرك السفينة
44- مكدي ميحب مكدي
45- ظل البيت لمطيرة طارت بي فد طيرة
46- الميعرف تدابيرة حنطتة تاكل شعيرة
47- المفلس بالقافلة امين
48- موت يا زمال لمن يجيك الربيع
49- عيش يا كديش لمن يطلع الحشيش
50- خلي المر جوة والحلو فوك
51- غاب القط العب يا فار
52- جا يكحلها عماها
53- يشتري سمج بالشط
54- حجارة الما تعجبك تفجخك
55- ها لباب على ها الخرابة
56- ما تضيك الا تفرج
57- العاضتة الحية يخاف من مسحالها
58- كلمن دك طبلة هو كبلة
59- مو كل مدعبل جوز
60- مد رجلك على كد غطاك
61- اذا لم تستطيع ان تعض فلا تظهر اسنانك
62- لو تفك بابك وتفتخر لو تسد بابك وتنستر
63- رومانتين بفد ايد متنلزم
64- خاشوكة خاشوكة تنترس البستوكة
65- يوم كيمر وعسل يوم خبز وبصل
66- دخانك عماني وطبيخك ما جاني
67- الرحية دايرة والبركة طايرة
68- كلمن بعقلة راضي لكن برزقة لا
69- اتعب يا شجي للنايم المنتجي
70- يوم لك ويوم عليك
71-هم مدت الخنفسانه رجلها و كالت نعلوني
72- لاابو علي و لا مسحاته

.................




صحح لنا عاد يا عدنان والصعب اشرحه

مع الشكر الجزيل ...
أهلا حتومه .. اعذريني على التاخير لا ني كنت مسافر وقبل قليل وصلت..
ابشري والله .. انت ِغاليه والطلب رخيص
موضوع رائع بالنسبه لي شخصيا لانك ذكرتيني باهلي واصحابي هناك في بغداد وكل العراق ..
وبناءا على سؤالك الاول من المثل رقم 64خاشوكَه خاشوكَه لما تنترس البستوكَه
ويعني به ملعقه ملعقه حتى يملأ الزير..
والخاشوكَه بالكاف المعجم بمعنى الخاشوقه او الملعقه
والبستوكَه بالكاف المعجم هو الزير او الوعاء من الفخار التي كانت جداتنا يخزنّ فيه الخل (بعد عمله في وعاء اكبر من نفس الجنس ويسمى الخُنبْ ) ، او لخزن دبس التمر .. او خزن الطرشي ( الخضروات المخلله).. ولكن في هذه الايام بدأت البستوكَه بالانقراض ليحل محلها الاوعيه البلاستيكيه..
ويضرب هذا المثل على عدم الاستهانه بالرزق القليل الدائم الذي في النهايه يسد الحاجه (وبمعنى مثل اخر قريب قليل دائم خير من كثير منقطع )
ونحن حاضرين ليلا ونهارا لاسعاف الطلب لاختنا الغاليه حتومه واخونا الغالي راعي العليا


 

رد مع اقتباس