قصيدة الشاعر الشيخ رثعان بن ماضي من شيوخ قبيلة العيسى بعنوان ( المهره )
ومناسبة القصيده :
هي من مجموعة قصائد بينه وبين الشاعر الشيخ خلف الاذن الشغلان ايام الغزوات
يقول :

ارقبت انا رجمـــن طويلـــن ومنقـــاد رجمـــن ما يرقبـــه كـــود المعـــادي
يا طيـــــر يللـي للـفـضـيـــــــات رواد يللـــي عيــونـــك شـايـحــه للبــلادي
عينت ركبــن من هـل الجـــوف مداد بين الجثوم وبيـن خـشـــم الحمـــادي
تعتنا يا خلف بي بعــد البــــــــــــــلاد نلحقك فوق ظهور الرمك والنجــادي
تعتنا بـيوم شيبـــــــــه لياعــــــــــــاد حــان الوفـا يا مدوريــــن الســـدادي
ذباحة البارد على الخبز والــــــــزاد الـلـــه يـرمـيـكـــم ولــي الــعـبــــادي
منيعنا حنا على فراش ووســــــــــاد نمشي على اللي بين الاجواد سـادي
يامهرتي يا شيب عيني لياعــــــــــاد يا شيب عيني كـان مـنـتـي مــــرادي
اان كان منتي طوعة الراس مسنـاد الـبــر مالـــه فــادتــن يــاجــــــــوادي
انتي من اللي شوفهن جازين غـــاد والا مــن اللـي يــدورن الــمــبـــادي
ودي وكانـــه جتلـــــي بالـــــــــــوداد انــك مـن اللـي يدمـــرون الطـــرادي
ودي ليا التمت حويطـات وطـــــــراد وجموع ما يوحي بطرفها المنـــــادي
للمنتحي نرمي على الجـــو ميعــــاد ليـامـا تجمــع كـل سـمــو البـــــوادي
تجمعت من بـــاب غــــزه ليامعـــــاد مثل سعاع الجيج ماله اعـ ـدادي
ودز السبــور وقــالو الدبـــش قــــاد وانبــاح ســد مهارهـــا والعـــــوادي
والبيض على عضيب قطعن الاجعاد عقـب القرنفــل غطســـن بالســـوادي
ومن صقر بالبوم ما هقوتي صـــــاد واللي صقر بمخضب الكـــف صـــادي
ماهي سوالف مسردن ما بها اوكاد يودع علوم الزرق مثل الوكـــــــــادي
يا محلا السرى من عقب الاهجــــاد اخير عندي مــن لـــذيــذ الوســـــــادي
خطو الولد ما رافق الهجن باوعــاد ولا ذاق لـــذ الميركـــــه والشـــــدادي
يتلى هـوى نفسـه وياكـل من الــزاد عـتند الحليلـــه رابعـــــن للهــــــوادي
وحلالنـا ماهـو بأرثـن ولا تـــــــــلاد مثل معاش الذيب صادر وعــــــــــادي
نصـيـد بالغـرات ومـرات نـنـصـــــاد ومن صاد بالغرات لازم يصــــــــادي
والمرجله لو حاشـهــا كـل مــن راد ما صار بعيال الحمايل نـــــــــــــــوادي