اخوي فاضل الله يعطيك العافية وارجوك اقبل مني هذه الابيات مجاراة لقصيدتك الرائعة

رد على قصيدة فاضل القطوا

قم يا نديمي هاك طرس وودة
لفاضل القطوا رفيع المتاريس

لاهنت يا راعي العلوم المجده
لاهنت يا مسطر ذهب في قراطيس

نفخر بشعرك يا بن عمي ونوده
لاقبل علينا مدح راعي النواميس

امراحنا باتت على المدح مده
واشعلت يافاضل علينا الفوانيس

لاثار منك المدح لازم نرده
نرد مدح ابمدح ونسير العيس

لاهنت ياراعي كويت الموده
فضلي ولد فضلي شديد المقابيس

يشهد لك اللي اقشر الوقت حده
وامسى على سود الليالي المعابيس

يلفي عليك وكل هم تصده
بالدله الصفرا وطويل المحاميس

لك موقعٍ ما احدٍ من الناس سده
عمر القطا ما سد وكر القرانيس

الناس جزر البحر ولا انت مده
يهناك يالفضلي اربوعٍ اشاويس

لو كبر الغافل احدود المخده
بتنا على خشم الفتيله مجاليس

يموت فينا القرم ماباح سده
لو ماتوا اعياله جواعى مناكيس

حنا افضول وطبعنا ما نهده
نموت دون العرض ما جاه تدنيس

حنا اعيال الشيخ وشعبه وجنده
اللي حكم شعب المراح الدهاريس

وسلامتك وسلامة الجميع واللي عيرف ينسق القصيدة الله لا يهينه