بسم الله الرحمن الرحيم


السلام عليكم ورحمة الله وبركاته


هذي القصيدة .. من كلمات الشاعر .. عبدالله محمد العودة


بمناسبة هذي القصيدة كان في الربيع في سنة من السنين, وراحوا هل المدارس ومكث الشاعر على دار شمال من العشواء في النعيريه عنده بيت شعر مثولث وزهابه كله فيه, والى جاء الليل شب ضوا ودن معاميل, لفوه ربعٍ من الدوحه في ليل وقالوا انت ماتستوحش وحداني ماحولك حد؟ عقب ماراحوا تهيض بهذه القصيده :


[poem font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
مايهمني لاصرت وحداني = ضوي تسامرني واسامرها

اشكي لها همي مع احزاني = واخت(ن) لها بالكبد ساعرها

ياوقتي اللي طال مازاني = والعين تنظر تعب ناظرها

ياوقت لا والله ماداني = علومك اللي انت خابرها

دور بدالي واحد(ن) ثاني = تلقى كثير الناس تامرها

ناس(ن) تذم فلان وفلاني = وانت الذي بلعون شاهرها

ماتكرم الضيفان والعاني = ارخوم ياجبار دمرها

يالعنبو من كان خواني = فعل المراجل دوم خاسرها

تفعل براسه طيب واحساني = وفعايلك بالحيل ناكرها

ياعزوتي ذربين الايماني = نفسي تشكى من يناصرها

وشلون نسل الحر ينهاني = من عابد الدنيا وكافرها

ولو كانها بمحزم وميداني = والله لانوطي مناخرها

مايصهل الا قرم واحصاني = وتحوم بالعليا كواسرها

الشعر لاحيته ولاحاني = وازكى المشاعر عند شاعرها[/poem]