نسيتني علّمني شْلون ابـ.. انساك
............ في هالزمن نسيان الاحباب عـادي
وشلون لامرّت على البال ذكـراك
............... وطيفك سرق منـي لذيـذ الرقـادي
وشْلون لاقالوا لي الناس وش جاك ؟
................. من كنت في لّـة منامـك تنـادي
وشْلون اعيش اللـي بقالـي بليّـاك
................ لا من غدينا كل واحد بـوادي
لو قلت اداوي جرحي اللي تباطـاك
................. ماكلّ جـرح يْفيـد فيـه الضمـادي
اعلنـت حبـك ليـن كـل تمـنـاك
................. غلطة وغيري من خطاي استفادي
لو لي مثـل قلبـك تمنيـت فرقـاك
................... واكيد قبلك بالجفا صـرت بـادي ؟؟
حلوه عذاريبـك وحلـوه مزيـاك
.................... حتى بيوم (فراقنـا) كنـت هـادي
كنّ الليالي ودهـا تكسـب رْضـاك
........................ وأنا يطول مْـع الليالـي جهـادي
في ذمتي .. ماهي غريبة خطايـاك ؟
....................... مبطي وقلبك لـو تنبّهـت غـادي !
سهلة على من كان مثلك وشـرواك
.................... مثل الثياب يغيرّون المبادي
علمنـي اكـره ذكرياتـك وطريـاك
.......................... وانسى من الليله صدوق الـودادي !
ولاني بقايل عقبها وين اب القاك
..................... راضي لو ان جروح قلبـي جـدادي
ولاّ القصايد جعلهـا مـن فدايـاك ؟
......................... لبّستها مبطـي ثيـاب الحـدادي
باكر على المخطي يدورنّ الافـلاك
...................... ونشوف من يصعب عليه البعادي

منقول