بسم الله الرحمن الرحيم

السلام عليكم ورحمة الله وبركاته

هذي القصيدة .. كلمات الشاعر .. عبدالله محمد العودة


[poem font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
الشعر لي من ورث جدي وعدي = من الجاهلية وارثينه الى اليوم

غير الغزير من الشعر مانعدي = جزل الشعر صغناه عقد(ن) من انجوم

والشعر كالغابة وحن اسد الاسدي = والنا السيادة بغابة الشعر ملزوم

شموس الشعر حنا جموع(ن) وفردي = من جا يساجل بالشعر صار منجوم

حنا الى عدود الشعر دوم نردي = لاصار ورد العد بالناس مزحوم

انصدر براحة وناتيه نعدي = لاصار ذا طايح وذا توه يقوم

بحر الشعر ياتي لنا مايصدي = نسبح الى غبته ونغوص ونعوم

البحر مايجينا بجزر(ن) ومدي = لغيرنا جزره ومده لنا دوم

وانا من ربوع(ن) تحب التحدي = للي تقلد للشعر سيف مسموم

وين الذي بالشعر بيكون ندي = يامرحبا بالشاعر اللي به عزوم

ويامرحبا ابكل قرم(ن) شقردي = يقدم يبارزني وانا بقدم قدوم

مااضد انا إلا واحد(ن) كفو ضدي = ولا اقبل الا شاعر(ن) صفوة القوم

يااللي تظن الشعر ماهوب عندي = انا انشهد ان عندي لك اخبار وعلوم

شعار (طي) الروس فيهم مردي = ملوك الجزيرة قبل حاكم ومحكوم

وادر إن زعامة طي بجدود جدي = عرق(ن) تسلسل صافي(ن) مالحقه لوم

(فضول لام) إليا غدا الجد جدي = تقدم نعم تقدم .. لو الموت محتوم

امجادها تحكيه وتسرده سردي = رجال(ن) تقول الحق شجعان وقروم

واعتز انا بخوالي اللي تعدي = عز الرجال اللي توطت لها الروم

يامية(ن) ماتعد ولاهي تحدي = صفوتهم (آل مرة) وذا شي معلوم

شي(ن) مسلم به وواقع ووكدي = وماينشد العاقل اذا الشي مفهوم

ويا ناس توه مابعد باح سدي = سد الشعر عندي إلى اليوم مخزوم

وان باح سدي مثل سيل(ن) يهدي = (سيل العرم) يزمي على جبال ورجوم

الحر ماهمه حرار(ن) تهدي = حر الحرار يهد ويصيد ويحوم

حر الحرار ليا اعتلى .. "وجد وجدي" = اسميك اليا من اعتلى تخمر البوم[/poem]