[poem font="Simplified Arabic,6,purple,bold,normal" bkcolor="transparent" bkimage="" border="none,medium,gray" type=1 line=1 align=center use=ex num="0,black"]
الصدر ضايق وانت ضيقت صدري=وانا معك من غير وجهه وتحديد
ياكثر ماتجرحني..ويزيد صبري=كنك تقول ازيد..واقــول لك زيــد
تقول ياعمري... واقول انت عمري=كني وراك اسمع وش تقول واعيد
احيان اسولف فيك.. واحيان اهذري=كني اسوي للاحاسيس تجديد
مراح تلقا(صدق واحساس) كثري=وإن كان منت مصدق اعطيك تأكيد
غنيت لك (يالي على البال تطري)=وانا من يدين الصبر... للمواعيد..
ورجعت اغني فيك (ماعاد بدري)=لو وقفت دونك...(سلوم وتقاليد)
اشفق على صوتك مع الليل واسري=حتى وانا جالس بوسط الاجاويد
ياصاحبي غزيتني غزو فكري=واصبحت تحكمني وانا مقدر احيد
مو بس احبك ... الاسلمتك امري=ناقص تجي وتحط بيديني القيد
صرت اتمنى بس.... يعجبك شعري=حتى لو انه ماعجب زيد وعبيد
من وين اببدا فيك والوصف يغري=نور اليالي....... واحتفاليه العيد[/poem]