السلام عليكم ورحمة الله وبركاته ...




دمعة شقا ... و احلام ماتت و انـا حـيّ
ضيق و متاهة عمر و جروح و احزان ...

***مشكور*** ياللي تجمع الظـل و الضـيّ
في خاطري و تزيل لوعـه و حرمـان ...

يشرق سناك و ينطوي خافقـي طـيّ
على كلامك كنـك تعيـد الازمـان ...

شفني عطيتك شيّ مـا يشبهـه شـيّ
ما صار مثله عند غيـرك و لا كـان ...

صحيح نجهل بس جيتـك و انـا زيّ
من يحبس اسباب السهر خلف الاجفان ...

اضيق و ابكي و اشرب النور و الفـيّ
و اقوم و اضحك و اخفي الدمع لو بان ...

لا عاد تهدي لي و ان اهديت لك عـيّ
او حاول انك تهدي القلـب نسيـان ...

تعبت اسافر يا اخضر الغصـن للمـيّ
و تعبت اصب الميّ في خضر الاغصان ...

ان جيت و الا رحت يا "قلب" هي هـي
مافيـه لا راحـه و لا فيـه سلـوان ...

تكفى انتظرني بس و اسمعنـي شـويّ
و اجلس و لك عندي من الهرج ما زان ...

ان كنت او ما كنت ما تفـرق بشـيّ
يكفيني انك كنت باحساسك انسـان ...

جيتك و انا ميـت و خليتنـي حـيّ
وشلون تبغانـي اخليـك يـا فـلان ....



همسه أخيره ..

أشكر الذين أذاقوني مودتهم .. حتى إذا أيقظوني بالهوى رقدوا ...




مع خالص الود والتقدير ...

مرت ..

ذات مساء ...

شيهانة الطنايا أو سنالشوق ...