قلت لي حان الوداع وقلت لك بالامر خيره
ياغضيض العود ياغض النهد عيني سهيره \-\ عقب مافرقتني يازين مازانة حياتي
قلت لي حان الوداع وقلت لك بالامر خيره \-\ مير ماحصلت ياكود السهر مع ذكرياتي
ياعيون اللي عن الصياد دايم مستذيره \-\ يا عناي وياشفاي وياغلاي وياغناتي
أنتي اغلا ياغلا من كل سكان الجزيره \-\ من جبل فاران في مكة الى نهر الفراتي
مايلومن غير من لا شاب من فرقا عشيره \-\ دايما مستانس(ن)ماجرب الفرقا بتاتي
ياهنيه جالس(ن)مبسوط مرتاح(ن) ضميره \-\ ماسرى بالليل مع خط الحجاز من السراتي
ياعذابي يوم بالمقناص كلا صاد طيره \-\ وانا طيري ماحصله صيد ياكود الشماتي
طارت الصيده فلا صاده ولايطمع بغيره \-\ ضاع خلفه مع غروب الشمس ياويش السواتي
وسلامتكم
دمتم سالمين
|