في ليلة الحزن والتفكير والضيقه=هاجوس الأحزان شل الصوت من حلقي

الصمت خلى وريدي يبتلع ريقه=والدم في وسط جسمي جمده عرقي

ياملعن الهم لامن زاد تعليقه=أحلام عمري وموتي مابها فرقي

ياصاحبي شوف بعض الصبر ما أطيقه=جيتك وأنا عابرن بر العنا طرقي

لكن ذكرتك وقلت العز توثيقه=منصاك عزن وأنا متضايقن خلقي

سلام ياصاحبي مع كل تشريقه=وماهبت النود من غرب ومن شرقي

أصل الثمر مايقطف إلا من معاليقه=والليل ياذيب سمم لي على حرقي

وأنا انتخي فيك يامزبن مطاليقه=والليل ساري على رعادها برقي

تركي الدويسي