إيمان الجراي وقصيده عرضه حربيه من ليبيا
بسم الله الرحمن الرحيم
السلام عليكم ورحمه الله وبركاته
هذه القصيده إهداء من الكاتبه إيمان الجراي بعد ان قرات قصيده إبن عبدالكريم وهي تمثل شعر العرضه في ليبيا
لو تامريني فوق نسمة نطير
و نجيبلك حزمة نجوم تنير
تضوي طريق الحب للانسان
يا ليبيا و تزرع طريقك خير
************
و لو تطلبي عربون
قفطان غرزاته هدب لعيون
و زرايره طقات قلب حنون
ندفع عليه العمر ماهو كتير
و كان ما يسد نجيبلك مليون
يا ليبيا على محبتي تعبير
***********
ناخد شفق الغروب
انفصله و ندير منه ثوب
وين يشبحه التاريخ فيه يذوب
وين تلبسيه المجد منه يغير
و بدم قلبي نخطلك مكتوب
يوصف محبة ما حملها الغير
وسلامتكم
|