الــســلام عـلـيـكـم ورحــمـة الله وبـركـاتــة


مـسـاكـم خـيـر وشــعـر هـاذه القصيده للـشـاعــر الـكـبيـر/ فــالـح الـدهـمـان الـظـفـيــري الـمـشـارك فـي الـنــسخـة الـثـانـيـة مـن شــاعــر الـمـلـيـون ,,


أتـمـنــى أن تـنــال عـلـى أعـجـابـكــم ورضــاكـــم







حــرام ياشــيـخ لـو تقرالـي ايـة الكرسـي
مـن طـلعة الشمس لين الليـل يدمسهـــا

ماشفت بي جـن لـكنـه مـرض نفسـي
العشق حالـه ولاعــن جـد خامسهــا

هـواي عفريّتـن وعيونهـا الخرسـي
ماشفتهـا لكـن أهـواهـا وأقدّسـهـــا

حين اهمست لي بكلمه رحت من أمسـي
واليوم روحي رهينـه فـى محـابسهـا

كني بحبسـي وكنـي مانـي بحبسـي
مسجون مطلـوق ماخـوذ بوساوسهـا

ان هب ريح الجنوب اهب له عكسـي
واليا اعتلت نجمـة الجـوزا أجالسهـا

والبعـد قتّـال يابعـدى ويـا حمسـي
كـذا أغنـي ونـار النـار مــونــسـهـا

ليت المدامع دمي ليت الحشا ضرسـي
ماكان كبدي لهيـب الشـوق حامسهـا

لا العين تصبح ولا هـي بالمسـا تمسـي
متخالفـن مع عـيـون الخلـق حارسهـا

والله ما أشرقت والا أغربت شمسـي
الا وأنـا عبرتـي عبـرات حابسهـا

هو فيه بالناس من لوني ومن جنسـي
ياشيـخ فـى حسهـا والا هواجســهـا

مانى بمجنـون ذا عشقـي وذا حسـي
والمعرفـه عـلمهـا عنـدى وأدرّسهـا

فرّاس أقرا عيـون النـاس وبحدسـي
أقلّـب قلوبهـا واكشـف دسايسـهـا

قليل صادفت مثلى مـن بنـي انسـي
وعقول ماينتمي لـك فكرهـا سسهـا

خاويت حيوانها فـى العالـم المنسـي
والجـن ماشفتهـا لـولا حـسـايـسـهـا

أيام صلّت وراي فروضـي الخمسـي
والطيـر والـداب والنمـل بمتارسهـا

كم ليلتن موتري فـى ليلـى الدمسـي
على دروب السفـر نجـم بخرامسهـا

مريت فيه بمضـارب عنتـر العبسـي
حـتـى تعديتهـا لـديـار بطرســـهـا

ومنين مارحت حنـا فـى نيوجرسـي
الآرض صـارت مساجدهـا كنايسهـا

نـذوق مـر الزمـان بعلبـة البيـبسـى
ونعيش عصر الهزيمه فـى ملابسهـا

ساءلـك ياشيـخ بالعبـاس والمرسـي
انك اتغنى معى واليـا سهيـت اسهـا
_________________



وتقبلو تحياتـي ودمــتــم بخير