السلام عليكم ورحمت الله وبركاته

لقد أرسل لي العم محمد الذرفي عبر الجوال رساله صوتيه تحمل أبيات قمه في الروعه وقد بادرته بالرد عبر رساله صوتيه كذالك

وإليكم ماقال العم /محمد الذرفي


توجدت مير الوجد ماينفع المحتاج
ولا يرجع اللي راح لو قلت ياوجداه

صبرت وقصرت العلم عن هرجت الهراج
على شان لا أفضفض وقلبي يجيب أقصاه

ولو ضاق صدري قلت لصابرين افراج
تحمل معي ياقلب والمشتكى لله

مع الهم والتفكير مالي بعد مزاج
تعذرت كل الناس أبجلس معا ذكراه

تمنيت لو موبايلي ماعليه أبراج
على شان مايحصل ليادق قلت اياه

صبرت ويقولون الصبر للهموم إعلاج
وأنا أقول ياصبرن صبرته ماحد يقواه

أصارع مثل من صارع البوت بالأمواج
تعب بالبحر و وده يعود على مرساه

**************

وهذا ردي أنا / عمر المسعر


يا أبو سند كلن عليه من همه سياج
ويسهر طوال الليل يغني على ليلااه

يالذرفي خل اللي راح في وسط الأدراج
لاتنبش الجرح القديم ثم يبِيح ما أخفاه

خلها في مهب الريح يطيرها العجاج
وحاول يا أبو سند بشت الطرق تنساه

بعد كل هالعمر وتدور لك على هداج
وش باقي من عمرك من شان تترجاه

لو كان نوم الذيب على حريرٍ وديباج
ماسلمنا تالي الليل من قنيب إعواه

حتى لو كان متعشي على سمين إنعاج
على راس الجبل يقنب من عظم بلواه

وكل ضيقتن يا ابو سند ولها مخراج
إلا قل لي العزابي بالله ويش إدواه

وسلامتكم