تقف حروف القصائد عند هذه القصيده الرائعه
قصيده تلامس حال كثير من الناس
تحدني الدنيا على غير ماود
و أطيعها لاشك ماهو بودي
أمشي بدربٍ باينٍ باخره سد
وأقول ياربي عساني أعدي
دربٍ به العثرات ماهيب تنعد
كم جيت أعددهن وضيعت عدي
عندي طموح وهمتي مالها حد
و أعرف قدري عند ربعي وندي
والمزح أعرفه زين وميز الجد
وثوب الحياه أفصله دوم قدي
حضي وقفلي وقفت الند للند
ومن كثر ماعانيت بيحت سدي
ماعاد لي حيله ولا عاد باليد
والعمر يتعدى ولا عاد يمدي
يالله عساها تفرج ونارد العد
ويصير صاحب بعد ماكان ضدي
تحدني الدنيا على ضيقتي حد
وأطيعها لاشك ماهو بيدي
صح لسان شاعرها