.
ما عرفت
البنـج
يكشف
المستـور
وقلبـك يـصـيـر كـتــاب للـي حـضـر
لين ابتـلانـي ربــي بـقــصــــــور
خـلف يمـين الـعــوج وفـج النـحــر
حدني فـوق سرير حـوله دكـتـور
نـشقـنـي نـسـيــم وقـال عد عشـر
واحد .. اثنين .. وثم بديـت أخــور
غدى لسانــي ثقيـل وجسمي خدر
دقايق وعقب صـحت على الفـور
يــا مــلاك خـف عـليــّه بــالـنـظـــر
مير كافي من رمشك أنا مسحـور
يومنّي شفتـه سجد .. لحمي ضمـر
يـا غــزال نشدتـك ربـي لا تـجـور
على جـريـح ن اشتـرى هواك ونـذر
يبني من الحنـايـا لجلـك قـصــور
ويـنطـيـك مـفـتــاح بــــاب الـمـقـــر
هجدت واسمـع بـصـوت مـذعــور
يصيح .. رجل بساعة الغرغره فـجر
وقـام حرف بعيد فـصيـح مشكـور
يدفـع عـني وثــوب وجـهــه حـمـــر
قــال تـراه يـهـذرم وكـاد يـا ثـــور
مـع طيـف ن لـه عنـده شــان وقــدر
وقـام ثالـث يقسم براسي ما تدور
ومـن مـتى الــمــلاك صـايــر بــشـر
وكيـف الغــــزال يـشــع خـده نـــور
مــا بـقــى عـلـيــه الا يــقــول قـمــر
جـاه الــرّد مــن فـطــيـن لـلأمـــور
تـبـغـي الاجابــه ؟؟ اسـأل أم عـمـــر
.