يـامــل قــلــبٍ يــفــك الــهــم ويـخـمــه=خمةعـجـوزٍولـدهـا بــيــن روحـيــنــي
قـــدام تـزهــق حـيـاتـه قــــال يـايـمــه=ثـم اصفقـت مـن عظيـم الوجـد كفيـنـي
طاحـت علـى صـدره اللـي وقـفٍ دمــه=ويـوم اذهنـت جـرت الونـه بصوتيـنـي
وقامـت تخمـخـم يـديـه وجــودت كـمـه=تـبـيـه وأفـخــت وزاد الـهــم هـمـيـنـي
وعلـى النعـش يـوم قفوبـه بنـي عمـه=طاحت وقامت وهامـت وحالهـا شينـي
تـدوي علـى ثـوبـه المنـطـول وتشـمـه=وتسقي جفاف الشحوب بدمعت العيني
مـن حـر فرقـاه ماتمشـي علـى اليمـه=ولاتمـيـزالأحـد مـــن يــــوم الاثـنـيـنـي
وماترقد الليـل مـن حزنـه ومـن همـه=والـقـلـب كـنــه يـطَـعـن بالسكـاكـيـنـي
كــن المـعـزي يـشـوف عيونـهـا يـمـه=إتغيـب وتذهـن لـيـا جـوهـا المعزيـنـي
وجابو لها الـل قـرا بالمصحـف وتمـه=يـقـرا عليـهـا مــن الـقــرآن ياسـيـنـي