قصيده للشاعر نواف الغريزان حبيت انقلها لكم

يقول نواف :ـــ
لاحد يشره تراها أذا ماخاب ضني رابع قصيده والعمر 17 سنه يغني لاتشرهون








غريبه كيف ينسـون الحبايـب
ولع قلبٍ مـن الهجـران ذايـب
وأنا اللي من غلاهـم والمـوده
هجرت الدار وأسرجت الركايـب
يبيعـون الغـلا والعهـد الأول
وأنا بالعهد ما طعـت القرايـب
يخونون الوفاء ويجـزون قلبـي
بصد وبعـد وجـروحٍ عطايـب
ألا وشلـون تهنـاء بالليـالـي
وأنـا قلبـي تواقدبـه لهـايـب
ضميره كيف يسمحلـه تحطـم
شبابٍ من عنـى دنيـاه شايـب
تجي هالحيـن وتقـول أنتهينـا
تقول أن العرب جولـه خطايـب
تقول أرجوك ترضـى بالمقـدر
وش نسوي مادام الحـظ خايـب
خلاص أبوي وافق لأبن عمـي
وثالث عيـد واعدنـا القرايـب
تقول أرجوك تبعد عـن حياتـي
أبـي تنسـى ولا كنّـا حبايـب
تقول أرجوك والدمعـه بعينـي
ياوقت المهزله ويش أنت جايـب
سكت وقالـت أرجـوك أ تتكلـم
وأنا مدري شأقول من المصايب
نهت ..وقلت وشلـون أتناسـى
وكيف أقدر على كبـر النوايـب
وكيف أقدر أشوفه فـي مكانـي
يزفونه وأنـا عيونـي رقايـب
وأيلا من مرنـي طفـلٍ وقالـوا
ولدها كيف أب أحـل النشايـب
أو أنه جاء من الغربي طـواري
وجت ذكراك حـزّات الهبايـب
تهقين أني عقـب هـذي أبقـدر
أشوف بعينـي الدنيـا رحايـب
بأقـول الله لايسقـي ديــارك
عساها عقب عمرانـه خرايـب
هذيـك ديـار نـاسٍ ماتوافـي
ولا بيهمهـا سـود العقـايـب
جنايتهـم علـى قلبـي كبيـره
ظياعي هم كانـوا لـه سبايـب
بدوا بالحب حتـى جيـت كلـي
وأنا من قبلهم معفـي وصايـب
وأخذنا العهد مانتـرك بعضنـا
ولو بالقبر من تحـت النصايـب
ولكن خانـت بحبـي وراحـت
وأظنه ماورى الفرقـى طلايـب
زمان الوصل راح بلا حسايـف
ولكن للأسف راحـت غصايـب
ثلاث سنين راحت مـن حياتـي
ثلاث سنين من عمري ذهايـب
خـلاص أببتعـد عنهـا ولكـن
بيبقى جرح ماهـو دوم طايـب
بيبقابـي مـادام العمـر باقـي
يقول أنسى هواء شقر الذوايـب
ألا يالله مـن هالـدرب تـوبـه
وأصير بطاعتك في درب صايب


تحياتي لكم[