مساء الخير

آخباركم....؟؟

قرآت موضوع شدني كثير وجلست افكر فيه ياترى ماهي نسبه هذا النوع من الرجال وهل هي كبيره وان كانت كبيره لابد من محاولت القضاء على هذه المشكله لكي لاتنتشر




بصراحة موضوعي يتطرق لشيئ سيئ للأسف وهو موجود عند البعض من رجالنا وربما أكثرهم للأسف الشديد ...
هذا الموضوع هو ذكر المرأة (( الحرمه )) وإن كثير من الأشخاص يحاول تلافي ذكر سيرة المرأة !!
فمثلآ لو كان واحد منهم عنده مشوار مثلآ لتوصيل أهله إلى مكان ما ( أقارب ,, سوق ,, ... الخ )) تلقاه ما يجيب سيرة أهله ويقول (( عندي شغل ))



=========(( للأمانه منقول ))===========

== ====(( لعمووووم النفع لاغير ))======

الــقــصــة :

كنت جاي يوم الإثنين اللي راح من المنطقة الشرقية للرياض ويوم أقبلت على الرياض بـ 70 كيلو تقريبآ .. شفت واحد على طرف الخط قاعد يأشر للسيارات علشان يساعدونه
المهم أنا بصراحة ما كان عندي نيه أوقف عنده علشان ما آخذه معي وأطيح في ورطه (( منيب ناقص سين و جيم )) ولكن شفت معاه حرمتين جالسات ورا السيارة ورحمتهن بصراحه لأن الجو حر (( العصر ))
.. وقفت عنده

- السلام عليكم

* عليكم السلام

- آمر يا عم وش بغيت ؟
* والله يا ولدي تعطلت السيارة ولا ندري وش علتها !!

- والمطلوب ؟

*المطلوب يا ولدي إنك توصلنا على طريقك للرياض لأن عندنا موعد بكره بالمستشفى , وسيارتنا نجيها بوقت(ن) ثاني ونشوف لها دبره .

-تامر أمر يا عم

* لكن يا ولدي (( ويلتفت للحريم اللي معه )) قال : ( لكن معي حريم وأنت بكرامة !! ))

- نعم ؟

* معي حريم وأنت بكرامة !!

- وأنا بكرامة ؟ ليش هالحريم اللي معك نجسات ؟ وبعدين أنا ما أركب نجاسة بسيارتي .

* لا والله يا ولدي .. بس تعرف هالشي تعودنا و تربينا عليه

- والله يا عمي إذا أنت متربي على كذا .. حنا ما تربينا عليه .. وأنا آسف إني أقول لك ما راح أوصلكم وخلك أنت وإياهن سوا
- سلااااام .. ومشيت من عنده !!

(( لو الود ودي أخذت الحريم وخليته لحاله
( ذهبت من عنده وأنا اُكيل له أنواع الشتائم )




أللي ودي أعرفه :

** ماهو السبب اللي يجعل من رجالنا عقول متخلفه لهذا الحد ؟
(( ليه ؟ الحرمه مهيب أم ؟ واخت ؟ وزجة ؟ ووووو .. الخ )



** هل ما زال هُناك الكثير من الناس ينظرون إلى المرأة هذه النظره الناقصه والقاصره ؟
(( أنا أعتبر صاحب هذه النظره شخص مسكين ))





ولن اطيل عليكم فقط اود ان ارى تعليق اصحاب السمو والمعالي

اختكم ....((( عذبة الروح )))




ودمتـــ سالمين ــــم