|
رد : عن العقيلات
ولد عمي كفيت ووفيت ..
واهل عقيل اشهر من النار على العلم
انا ابوي من مواليد عذراء - الشام
ومره نزلت سوريا وقلت امر عذراء
اشوف وش السالفه هناك
المهم نزلت بموتري
المدينه هذى وصرت الف فيها
ودخلت بين البيوت
واحصل بيت طين طايح وما بقى منه الا ربعه
وقفت السياره ونزلت البيت هذا اشوفه
والي خلاني اركز عليه باين انه كان كبير
وماله صاحب .. وانا اتمشى في البيت هذا
كان يجيني شايب سوري .. سلم وقالي سايح
قلت له اي جاي اتمشى وشفت ذا الطين ووقفت عنده
سالني سعودي قلت له اي قالي عقيلي..!
قلت له اي عقيلي .. قلت له من انت
قالي ابومحمد عندي ملحمه .. سالته من زمان ساكن هنا
قالي طول عمري هنا
سالني عن اسمي وقلت له علي الفايز
قام يحضن فيني ويسلم ويرحب
وانا مسطل معه وش يبي هذا لا يكون
يبي يسويني لحمه مفرومه
وقالي من ابوك عطيته اسمي الكامل
وجرني من يدي ودخلني غرفه
وفي زاويه الغرفه تحت قالي اقرى
قريت واحصل اسم ابوي وعمي محفورين على الجدار
وحلف يمين الا اتغدى عندهم
والله وعليها .. يمكن اربع ايام
وانا من بيت الى بيت غدى وعشى
وسوالف زمان
|