فيه واحد مغرم بالكومبيوتر والأنترنت

أغلب أوقاته يقضيها معه .. وحب يعبر عن شعوره تجاه من يحب <= زوجته طبعا

فكتب هذي القصيده

في دسك توب القلب سويت لك فايل ... باسمك وخزنته بوسط الدكيومنت

وبيجك على الفيفورت ماله بدايل ... في الميموري والهستوري قد تدونت

فيروس حبك بي مسوي عمايل ... في هارد دسك القلب طحت وتمكنت

وايميل قلبي لك صار حيل مايل ... يكشف لك الباسورد من وين ما كنت

مبرمجه دليت على كل الرسايل ... وبلوك سندر للمخاليق الا انت

سويت شت داون وريستارت احايل ... اترك على السيرفر بحاله تسلطنت

أصعب داون لود جربت وسايل ... عيا يتحمل غيرك وتالي اذعنت

لو سوت الماوس بقلبي هوايل ... سويت له ريفرش وبحبك اعلنت

يا ويب ماستر خاطري بالقبايل ... مالي سبايت غيرك ولا بعد انت

نذرت لك كيبورد عمري وشايل ... لك في فولبي القلب صورة ولا خنت

وسويت لك انتر ولاني بقايل ... إندو ولو في مودم القلب طعنت

دبل كليك اضغط على كل فايل ... في القلب ما تلقى من الناس الا انت


شرايكم بالقصيده الكمبيوتريه