يوم االثلاثاء زرت ربعي الامجاد = مع صحبة اللي يسعد البال طاريه
خالد على هيف العنا ..ضمد وسناد = ياسعد من ناداه.. يسعد مخاويه
وصارة لنا مع عزوة الفضل ميعاد = ربعي مداد الطيب شرعه وناديه
فوق الخيال ( اكلٌ) من مدح الأجواد = وتقصر حروفي طيبهم لو تجاريه
ماهي غريبه طيبهم جاد من غاد = موروث.. ساس الطيب ترفى مبانيه
ماكر حرار وصادوا الطيب بقياد = ولا كل من حاول يبي الطيب قاويه
ماكر حرار اسياد بصمة وميلاد = من عصر عاد اسياد ..تاريخ قاريه
يابو عزيز العز..بأيمنك ينقاد = الله على بسمة جبينك.. تباريه
فلاح همس الود ..داعيك الانشاد = يستأذنك بوحه .. ولو ..حرف تعطيه
وبسمتك له في داخل العين مقعاد = وقل كلمتك .. في روح الأحساس تحكيه
احمد بعد عمري خيالك .. له اذواد = في موق عيني بس دايم تراعيه
ضحكة احجاجك في ضنى عوق الاسهاد = من شافها .. انا اشهد انه تداويه
ولقيت ابن عودة للأحباب مرتاد = نسل الحرار الجود والعرف كاسيه
ونعمٍ ..بكم يا:لابتي نسل الاسياد =( افضول) والله حظكم خاب راميه
مهما كتبت وقلت خانتني اعـــداد = فيكم بحور الشعر جفت موانيه
لكن عسى شوف العزيزين ينعاد = وعسى طريق الــود تكثر خطاويه