:: George Hotz البزر اللي عمره 17-18 سنة تقريبا واللي قدر يفك نظام تلفون الأبل الجديد iPhone بحيث أنه يشتغل على كل الشبكات الثانية غير الـ AT&T .. قدر يبادل واحد من الأجهزة اللي فك نظامهم بسيارة Nissan 350Z .. وزيادة على كذا 3 أجهزة iPhone .


وبادل جورج جهازه مع Terry Daidone المدير المساعد لشركة مختصة بالاجهزة النقالة في Louisville .. واللي بدوره طلب كجزء من الصفقة أن جورج يقدم لهم خدمات أستشارية .. والمنتظر أن يزور نهاية الأسبوع مكاتب الشركة في كنتاكي ليقوم بعرض لجهازه المخترق .



وقال مازحا أنه عنده نية يبيع واحد من الأجهزة على موقع eBay الشهير كـ قطعة من تاريخ الأجهزة النقالة .



وقال جورج بالمفكرة حقته : " كانت نهاية عظيمة لصيف عظيــم .. كنت أعيش وأتنفس على الهاتف طول شهرين كاملين " بعد ما ذكر أنه جلس حول 500 ساعة عشان يوصل لمقصده بالنهاية .



وقال أن الحين يقدر تقريبا يعدل الجهاز الجديد بحوالي ساعة وحدة بس ..بينما اللي يحاول يمشي على خطواته يمكن تأخذ منه تقريبا 12 ساعة



جدير بالذكر أن جورج مرتبط بمجموعة ألكترونية تدعى Dev Wiki تضم مبرمج روسي



وجدير بالذكر بعد أنه سبق وألتقى بـأثنين من أساطير عالم الأختراق والهكر Kevin Mitnick & John T. Draper وقال أنه ما عنده نيه يوجه شغله بأشياء مؤذيه و مضرة .



وقال أن حافزه لكسر سوفتوير الآي فون كان لمجرد المزاح فقط وأعترف بعدين أن أبوه وأمه عندهم شرايح T-Mobile ولا عندهم نية يشتركون مع AT&T .



ورد أيضا على من قال بأنه فعله غير شرعي بأن ما فيه قانون صريح يمنعه .. وبنفس الوقت ما علقت شركة أبل ولا AT&T على هالموضوع للحين .



:: الخبر الثاني عن البزر الأسترالي Tom Wood والبالغ من العمر 15-16 سنة .



واللي قدر أنه يعطل برنامج لمنع المواقع الأباحية كلف على الحكومة الأتحادية 84 مليون دولار في خلال 30 دقيقة بس



وبنفس الوقت مخلي أيقونته موجوده وكأنه يشتغل ( << لعين ) .


وقال تووم : " أعتقد أنه مجرد خسارة للمال .. كان بأمكانهم وضع أقل من ذلك المبلغ في قدرات محلية بدلا من دفعها لشركات خارجية بدون جدوى في النهاية "