السلام عليكم ورحمة الله وبركاتة



قصيدة ما اعرف منهو شاعرهاااا
ودايمن كان المرحوم جدي
يقولها حفظته عنه


الوقـت يامقسـى عـنـاه وعـذابـه "
*********** حطـاب ليـل ولـه معاويـن وفـزوع

احد (ن)منـه يمكـن يعالـج صوابـه "
*********** واحد (ن) يموت بعلتـه مـوت جربـوع

يروح مثـل مقـاط محـد (ن)درابـه "
*********** لاحبـل يرقـى ولاصــوت مسـمـوع

بغـى يجيـب رشـاه ورشـاه جابـه "
*********** من عالي الشفه علـى ضربـه الكـوع

هـذاه مقـاط اللـى ارشـاه التوابـه "
*********** واصبح مثل للناس فـي كـل موضـوع

قصـه مقـاط وقصـتـى ماتشـابـه "
*********** اسباب وقـت وكـل قصـه لهـا نـوع

مقـاط صفـى فـي زمانـه حسـابـه "
*********** وانا بلشت في وقـت طامـع ومطمـوع
كم واحـد (ن)وقـت اللـزوم تهقابـه "
*********** واليـا نصيتـه غيـر الطبـع بطبـوع

والصاحب اللى صحبتـه ضحـك نابـه "
*********** يبينى ابقى لـه علـى الـدوم مـزروع

ان شـاف وجهـي قـال يامرحبـابـه "
*********** وان غبت ينسانى علـى راس الاسبـوع

واليا نسانـى منهـو حظـره جنابـه "
*********** انسـاه واجعـل دونـه الخـط مقطـوع

وعيب (ن)عليـه كـان طقيـت بابـه "
*********** لونى امسـي بالخـلا ميـت (ن)جـوع

مـن خلقـه الدنيـا تجـوع الذيـابـه "
*********** بس المهـم تعيـش والـراس مرفـوع

وتكسب بعـز النفـس قـدر ورحابـه "
*********** وتمشى على خط (ن)سليم (ن)ومشروع