امرأة في الرياض تعرض على زوار مركز تجاري غسل سياراتهم ..!

امرأة خمسينية تعرض على زوار مركز تجاري شهير في الرياض غسل سياراتهم

مقابل عشرة ريالات بهدف إطعام أطفالها..!

فوجيء متسوقون أثناء خروجهم من أحد المراكز التجارية الكبرى شرق العاصمة السعودية

الرياض بامرأة خمسينية "متسولة" تعرض عليهم غسيل سياراتهم مقابل 10 ريالات عن كل سيارة

موضحة أنها تفعل ذلك بسبب الحاجة للمال بعد رفض معظم المتسوقين التبرع لها...!

وقالت المرأة التي رفضت الكشف عن هويتها لوكالة أخبار المجتمع السعودي

إنها تريد اطعام أطفالها, وأن الكثير من الناس يساعدونها لوجه الله إن عرضت عليهم غسيل

سياراتهم, دون أن يسمحوا لها بذلك, بينما يرفضون مساعدتها إن لم تعرض عليهم القيام بعمل

مقابل ما سيتبرعون به مشيرة إلى أن سائق تاكسي باكستاني هو من أرشدها إلى هذه الفكرة,

وأضافت: "لم يوافق أحد على قيامي بغسيل سيارته عدا أحد السائقين الأجانب وقد أعطاني قيمة

عملي". وذكرت المرأة أنها تخشى القبض عليها من الدوريات الأمنية ومكافحة التسول,لكنها

مضطرة لذلك

حيث أن لديها 5 أطفال, رافضة أن تسمح لمراسل الوكالة بمرافقتها إلى مكان الأطفال بهدف نشر

تقرير عن حالتهم.من جهته قال المواطن (فهد المطيري) وهو أحد الذين عرضت عليهم المرأة

غسيل سيارته:

"اتركوها تبحث عن رزقها, العمل ليس عيباً, وهو أفضل من التسول"

وأضاف: "لو وجدت هذه المرأة ما يسد رمقها ورمق أطفالها لما وجدتموها هنا".

أما (أم سالم) وهي متسوقة تبرعت للمرأة أثناء خروجها من المركز التجاري,

فقالت: "أنا متأكدة أن هذه المرأة صادقة وليست كبقية المتسولات, والله يلطف بحالها ويعينها".

وقد تابعت الوكالة المرأة التي اضطرت الى أن تستقل تاكسي إلى جهة غير معلوم

بعد أن هددها أحد العاملين في المركز التجاري بإبلاغ الدوريات الأمنية عنها.

صورة المرأه أثناء محاولتها غسيل أحد السيارات

وعليكم السلام .اعتقد اذا المجتمع ماقدر يامن لقمه عيش كريمه فمن حقها ان تعمل لتكسب رزقها بدل من ان نستدعي سرب اللقالق لقطع رزقها

الله يرزقها ويستر عليها
ما اظن فيه رجال يرضى انها تغسل سيارته
ويمكن هذي حيله منها مدري .. من كثر ما نشوف من اكاذيب واستغلال
لو وحده بمكانها بتقول لو شحذت ما عطوني بقول كذا وبيعطوني عشره ريال مضمونه
فيه مجالات اكثر ومناسبه لها كأمرأه .. طيب تروح لمشاغل تغسل شعور الزباين فيه كثير كذا احسن من شغلها الحين
ناس عجيييبه صراحه

مشكووره الهنوووف

اقتباس:
المشاركة الأصلية كتبت بواسطة إبن لام الدويسي
وعليكم السلام .اعتقد اذا المجتمع ماقدر يامن لقمه عيش كريمه فمن حقها ان تعمل لتكسب رزقها بدل من ان نستدعي سرب اللقالق لقطع رزقها


هههههههههههههههههههاااي

الله يقطع ابليسك ياشيخ

حاولت أكون رسميه وجاده بالرد بس ماش ماقدرت

أشوف جازت لك سالفه اللقالق ههههههههههههههاااي

لا جد والله كلامك صحيح إذا مالقت معيل أو كفيل لها ولأولادها

طبيعي تشتغل حتى تأمن لهم قوت يومهم

بس مانقول إلا الله يستر عليها ويفرجها عليها يارب : (

لاخلا ولا عدم من حضورك ياشيخ

اقتباس:
المشاركة الأصلية كتبت بواسطة حاتميه
الله يرزقها ويستر عليها
ما اظن فيه رجال يرضى انها تغسل سيارته
ويمكن هذي حيله منها مدري .. من كثر ما نشوف من اكاذيب واستغلال
لو وحده بمكانها بتقول لو شحذت ما عطوني بقول كذا وبيعطوني عشره ريال مضمونه
فيه مجالات اكثر ومناسبه لها كأمرأه .. طيب تروح لمشاغل تغسل شعور الزباين فيه كثير كذا احسن من شغلها الحين
ناس عجيييبه صراحه

مشكووره الهنوووف



اللهم آمين يارب

والله يالغلا مادري إن كانت صادقه أو كاذبه الله أعلم بالخفايا

ومثل ماقلتي في مجالات كثيره ممكن تساعدها ويمكن مالقت الله أعلم

لبى حضورك ياعسل

ناخذ حسن الظن بتلك المراه

ونقول العمل لا عيب ولا حرام

اقتباس:
المشاركة الأصلية كتبت بواسطة خالد دريع

ناخذ حسن الظن بتلك المراه

ونقول العمل لا عيب ولا حرام

أكيد أخوي خالد ولولا الحاجه مانزلت تغسل سيارات الناس

والشغل مافيه لاعيب ولا حرام بما إنه حلال ويكفينا شر السؤال

لاعدمنا حضورك أخوي

ناخذ بحسن النيه نعم ..
لكن وين حياء المرأه .. وخوفها من الفتن .. وهي تغسل سياره مهوب صحن وقدام الرجال
الله يهديها بس .. ويصرفها للشغل المناسب

اللهم لك الحمد والشكر

هذي تخطط للمستقبل اذا سقتو من يغسل سيارتكم ولاتزعل السنعه فيه حل وسط تروح تكتب معاريض اما الاحوال بعد قولوا عيب كرسي وطاوله . وونقل ها التماسيح يغسلون السيارات

الهنوف القصه اذا كانت واقعيه فهي رمز للصراع الذي يعانيه مجتمعنا السعودي بين شيخ يقترح اعاده بناء الحرم ليفصل الرجال عن النساء وبين من يريد ان تفسر عن ساعديها وتشمر عن ساقيها وتعمل غاسله سيارات . وبين الطرفين من يقود المركب ؟

اقتباس:
المشاركة الأصلية كتبت بواسطة إبن لام الدويسي
هذي تخطط للمستقبل اذا سقتو من يغسل سيارتكم ولاتزعل السنعه فيه حل وسط تروح تكتب معاريض اما الاحوال بعد قولوا عيب كرسي وطاوله . وونقل ها التماسيح يغسلون السيارات


اهااا

اجل بيصير لنا شارع ولكم شارع بعد
ومحطات البنزين لازم وحده تعبي .. ومرور حريمي ووو حتى الاشاره لازم نصبغها فوشي هههههه

اطيب الحين يوم قال اللي عسى الله يقومه بالسلامه فتح مجال لتوظيف النساء في المحلات التجاريه وبيع المستلزمات النسائيه قامو عليه وعارضو ..
متناقضات كثييره مدري وش يبون ..


الله يوفقك ما الوم سلوم يومه يطلب منك احلول ..

مشكوره أخت الهنوؤوف على الموضوع الي يعوؤر القلب صرآحه وشي موو غريب بهالزمن أنه يصير والله يعينها أن كانت ظروفها مثل ما تفضلتي ويرزقها ويبعدها عن الشارع وعن غسيل السيارات ، بس أنا أعارض الأخت حاتمية مية بالمية يعني مثل ما شفت بالموضوع انه

اقتباس:
المشاركة الأصلية كتبت بواسطة حاتميه
ناخذ بحسن النيه نعم ..
لكن وين حياء المرأه .. وخوفها من الفتن .. وهي تغسل سياره مهوب صحن وقدام الرجال
الله يهديها بس .. ويصرفها للشغل المناسب

اللهم لك الحمد والشكر



الحياء موجود لكن على شان عيالها أتوقع ممكن تشتغل اي شغله شريفه

على شان تأكلهم وأنا ما أدري بظروفها اللي حدتها تشتغل هالشغله

لكن مانقول إلا الله يستر عليها ويسهل أمرها هي وعيالها

مشكوؤره أختي الهنؤوف على المووضوع الي يعوؤر القلب صرآحه والله يعينها على ظروؤفها الي هي فيها وأنشاءالله رب العالمين يرزقها ويبعدها عن الشارع وعن غسيل السيارات ، وبالنسبة حق كلام الأخت حاتمية انا أعارضها مية بالمية يعني مثل ما قريت بالموضوع أنه الحرمه خمسينية يعني حرمه بهالعمر وين فيها شدة تغسل شعووؤر الحريم أو بألأحرى وين فيها شدة للشغل عموؤمن يعني هي أكيد اتبعت هالشي او هالطريقة عشان تحنن قلؤووب النآس عليها وبعدين الله العالم شنو ظرؤوفها حرمه بهالعمر موو بعيد انه يكوؤن عندها ضغط أوو سكر حالتها صعبة الله يكوؤن بالعوؤن. :(

اقتباس:
المشاركة الأصلية كتبت بواسطة إبن لام الدويسي
هذي تخطط للمستقبل اذا سقتو من يغسل سيارتكم ولاتزعل السنعه فيه حل وسط تروح تكتب معاريض اما الاحوال بعد قولوا عيب كرسي وطاوله . وونقل ها التماسيح يغسلون السيارات


الله يهديك ترى المرأه حدتها الظروف تشتغل كذا

والله أعلم بالخفايا

وإنت تقول تخطط وما تخطط حسستني انها من القاعده