أوووول الغيث قطره 0 هذي أول قصّة وقصيده

السلام عليكم ورحمة الله وبركاته



وبعد ...




يقال أن فيه رجل شجاع وكريم وربعه يحبونه ولكنه فقير الحال وله زوجه عندها غنم معزا وكان كل



ماجاه ضيف رفضت أن يذبح من معزاها ورفعت صوتها وأفضحته في ضيفه 0 وذات يوم صبحه



ضيفان مامن واجبهم مصد فقال لها يافلانه قالت ياخير قال أذهبي لأبوك وقولي له إنه جائنا ضيفان



ويقول فلان اللي هو زوجها أعطنا خروف نذبحه للضيفان إنه خاف من العنز تفشله في ضيفانه قالت



أبشر وفرحت لتركه معزاها وأنصرفت لأبوها تطلب منه الخروف وكان أبوها بعيد منهم وهم بدو



طبعاً وساعة إنصرافها أخذ عنز وذبحها لضيفانه وغداهم غداً عجل وكرموا وذهبوا منه 0؟



أما هي فساعة وصلت لأبوها وقصّت عليه القصّه عرف إنها هي العنز اللي بتفضح الرجال في



ضيفانه فقال لها يوديك كل هذه المسافه من شأن مايذبح لضيفانه عنز جعله ماغداهم أقعدي عندي



لاعاد ترجعين له والله إن يطلقك ولاعاد يعرفك مرةٍ له 0 صاحت يابو يابوي قال الكلام واحد صه



0 وأرسل له رجل وقال له يقول عمّك طلق المره قال طالق عد الريش والحشيش 0 وجلس فترة العدّه



وأرسل له مرة أخرى رجل يقول الشايب يبيك قال حاضر وبعد مجيئه له زوجه أختها الثانية وذهب



بها إلى بيته وحلاله وبعد أن جربها شاف الفرق بينهن 0 بحيث لو يذبحها هي ماطلع صوتها



0 فتمثل بأبيات من الشعر (( لعلك إن العود عود الهدا الله يكثر شكله ))




قال

الله خلقني وأعتنابي عن الضيق = والفقر عن سلم العرب ماحداني
ماخبر يومٍ راح ضيفي على الريق = ولاشان وجهي يوم شان الزماني
والله طرحني في خيار المطاليق = اللي عطيته عنز وهوه عطاني
عطاني اللي فيه غالي الذهب سيق = بنت الشيوخ اللي تعز العواني
الله موفقها على الخير توفيق = وأن غبت عن بيتي عليه ألف آماني

الله خلقني وأعتنابي عـن الضيـق
والفقر عن سلم العـرب ماحدانـي

الله الله

مشكووووووور ع القصه والقصييييدهـ

وتسلم يمناك اخوووي

طــربـ نجد العذيه ـان

الحلو بأدارتنا انه تحط الشخص بالمكان المناسب

وكااااه نجني الثماااار

لمل نشوفك سلامه تكتب بنفسك


عن جد بارك الله غيك ومنها للأعلى

طربان



شكراً على واجب يالغالي



أشكرك على المرور الطيب



لاهنت ...

عطــر الخــزامــى



أبصراحه أحرجتيني بكلامك الطيب



واللي في تشجيع بارك الله فيك



بس للأمانه هذا منقول بس أوعدك



بالي فيه الخير ...