أرقـى درج والحـظ ينـزل أصنصـيـر

قصيده أعجبتني



كـم مـن جبينٍ كـل وقـتـه تباشـيـر
حظـه يغنـي لـه علـى طـرق ورقــا

وكـم مـن وجيه ٍ حظهـا قـاعـة البـيـر
لوهـي وجيهٍ فـي المواقـيـف عـرقـا

ارقـى درج والحـظ ينـزل اصنصـيـر
ينـزل وانـا مـن عـادتـي لازم ارقــا

حظٍ يعاكـس خطوتـي ويـن مـا اسـيـر
لامـن بغيـت الغـرب ينـحـاز شـرقـا

حظـي بوقتـي صـار مثـل الأعاصـيـر
بينـه وبـيـن الـزيـن ملـيـون فـرقـا

قـصـة عتيبيٍ جـرى لــه تعـاسـيـر
قلبـه مــع الـروقـه وعيـنـه لبـرقـا

انـا وحظـي سالـفـة راعــي الطـيـر
ياطيـر ابــن بـرمـان فـرقـا وفـرقـا

طيراْمـن اكـبـار الطـيـور المشاهـيـر
اللـي لـهـا بـيـن المناعـيـر طـرقـا

غـذاه ابــن بـرمـان وبـكـل تبـذيـر
طـرحـة يــده مـاجـاه نهب ٍ وسـرقـا

تعـب علـيـه ودبــره خـيـر تدبـيـر
وسـرح بطيـره يـدرق الصـيـد درقــا

وفكـه بغـاه يصيـد ويجيـب لـه خـيـر
وعـود علـيـه بحـيـة الـغـار زرقــا

حيـه وصــار لنابـهـا فـيـه تغـزيـر
تدفـق بسـم ازرق بـلـغ كــل عـرقـا

وداخـل وريـده صــار للـسـم تأثـيـر
سمٍ زرق فـي داخـل القـلـب زرقــا

طيـراْ ذبـح راعيـه قـصـه وتصـويـر
اعـروق ابـن بـرمـان بالـسـم غـرقـا

وده يـصـيـد وراح فـيـهـا مـقـاديـر
مـات وعليـه اقلـوب اهالـيـه حـرقـا

وياحـظ يالـلـي نــازلٍ بالأصنصـيـر
متـى ياحظـي تلتـفـت لــي وتـرقـا؟

الشاعر/عبدالرازق الذيابي

ارحبو ابن مسعر وسيع البنايد عمر . الطير مل من القيد والخبط . قال غدي الداب تفكني والحق وليفي .

رائع بروعت من نقلهاا لنا سلمت الانامل الذهبية التى نقلت لنا احلا الكتابة وقويه حيل وفيهااا حبكة شعرية رائعة اخوى الفاضل عمر المسعر صح اللسانك وصح اللسان من قالها

المشاركة الأصلية كتبت بواسطة إبن لام الدويسي

ارحبو ابن مسعر وسيع البنايد عمر . الطير مل من القيد والخبط . قال غدي الداب تفكني والحق وليفي .

ارحب عمو أحمد

إستلم إستلم

ياليت ابو صالح يترك تعليقه
مايقلب المواجع في كل مقال

ياعم حركة القلب من معاليقه
ياليت تعفيني من هالمنوال

والطير ياعمي ياقرب تحليقه
بإذن رب الكون حالته عال

لو إنه له مده ما فك ريقه
يجيه رزقه لافتح له مجال



هههههههههههههه

تحياتي عمووووو

يعطيك العافيه على ذوقك ولابيات الحلوه

ارحبو ابوعبد الله . صح لسانك ومتعنا الله بحلو كلامك . اجل محتار نصبر وتختار.

المشاركة الأصلية كتبت بواسطة الهاديه

يعطيك العافيه على ذوقك ولابيات الحلوه

الله يعافيك اختي الهاديه

تحياتي

المشاركة الأصلية كتبت بواسطة إبن لام الدويسي

ارحبو ابوعبد الله . صح لسانك ومتعنا الله بحلو كلامك . اجل محتار نصبر وتختار.

ارحب عموو ياحبي لك بس

أستتتتتلم

اي والله محتار ولا فيه إختيار
وأنتظر لين الفرج يطق بابي

أطلب الله خالقي بوقت الأسحار
رازق الأرض من وبل السحابي

وانا رجل(ن) بالمواقيف بيطار
مار الزمن ياعمي نوخ ركابي

لاضقت ودي أمسك أسود القار
دامي نشيط(ن) بأول شبابي

يازين ديار من له بالقلب مقدار
لو إن حبها غدى مثل السرابي

يابو صالح قلبي تقلب على نار
وهمي لحالي ولا احد(ن) درابي



لتوثيقها ( من قولي )

وسلامتك ياعمووو

ماشا الله ابو عبد الله متوهج الله يطمن قلبك وتفتك من مسكه القار وتمسك يد من ينسيك البدو والحضر

آميييين

الله يجزاك خير عمو أسعدني تواجدك ونبش الخوافي هههه

الصحيح متصفحك ماينمل شوار د رائعه من المنقول وابيات حاضره ارحبو لابتي هذي الدنيا امس ام رقيبه مساكن الشيوخ واليوم وحيده تنوح .

اخجلت تواضيعي ياعمي أشكرك على هذا الإطراء الذي اعتبره وسام على صدري

والأبيات الحاضره أنت سببها أنت اللي تنبش الخافي لكن أنا الغلطان يوم افضفض لك بحرمه هههههه

ما اروع ما تنقل يا استاذنا الغالي عمر

الله يعطيك العافية على نقل هذه الابيات الجميلة

وصح السان من قالها.

تقبل تحياتي.

رآآآآئع يا عمر في كل اختياراتك

وصح الله السانك على الآبيات

تحياااتي

صح لسان الشاعر ولسانك عزيزي

قصيده رائعه

كل الشكر لكَ

دُمتَ بأحسن حال