الليل دايم روعة فـي حضـورك

السلام عليكم

قصيدة اعجبتني

الليل دايم روعة فـي حضـورك
عز الله انك تشعل الليـل بالليـل
اقبلت يسبق خطوتينك بخـورك
من جيت كل عيونهم بك مذاهيل
ضاع العطر ماباقي الاعطـورك
كنه تنثر مـن ثيابـك شهاليـل
يوم استدرت بضحكة من زهورك
استسلمت لشفاك كـل التعاليـل
شفت الصباح اللي بخدك يزورك
والليل شفته ممسـي بالمجاديـل
هذا نهار أو ذي تباشير نـورك
اخجلت في طلعتك ضي القناديـل
واقفيت وكفوفك تسابق شعـورك
مشاعر فيها غـرام ومراسيـل
تعطي حنان من بقايـا سـرورك
وتغضي خجل بالناعسات المظاليل
ماسقت فيهـا للثريـا غـرورك
متواضع لو لك عليهـا منازيـل
نام الهوى مابين بابك وسـورك
في ظل جيد فيه حلو التفاصيـل

الشاعر عبدالعزيز السناني

مرحبا مليون .العزيز محمد الشبيكي.رائع ماأحضرت تسلم ياذوق ..وانتبهو علي راعي مسكه تراه ها ليومين مواضيعه خطيره .

رائع ماأحضرت تسلم ياذوق
وشكرا

حملت في طيآتهـآآ الكثير من المشاعر المرهفه
متوجه بالحـب آلطـآآهر

,’

دمـت بنقـآآء

ارحبوووو ابو نواف يالله

منور المنتدى بتواجدك

والله هذا العيد الثالث عندنا انا نجتمع

في مكان واحد

تسلمون يالعزوه

واتشرف بكم جميعا

واخجلتوني بتواضعكم