|
مجلس آل غزي ـ العام يشمل منتدى [ الترحيب و الاخبار الاقتصادية و المناقشات العامة و المناسبات العامه والمسابقات الثقافية ] |
|
أدوات الموضوع |
#1
|
|||||||
|
|||||||
هدية للقسم مخطط بيت جميل من اراد البنيان
هذا تصميم واتمنى ان ينال اعجابكم
ــــــــــــــــــــــــــــــــــــــــــــــــــ ـــــــــــــــــــــــــــــــ |
21-10-2007, 12:15 | #4 |
ضيف
|
رد : هدية للقسم مخطط بيت جميل من اراد البنيان
فهد المتيح
بارك الله فيك ,, وجهد رائع يشكر عليه ... ..... وكل مجتهد ...لديه نقاد ...( بضم النون ومد القاف وسكون الدال ...) ملاحظه ... 1/ المجلس أو الديوانيه ...لاتوجد في المنزل ( البيت )...فمن عاداتنا لابد من أولوياتنا وجود المجلس أو الديوانيه .. 2/ مساحة المنزل ( البيت ) صغيره جدا ..فلو يكون مساحة البيت على الاقل ..( 400 متر مربع )..وأكثر.يكون أفضل .. 3/ المنزل ( البيت ) ..كذلك يفضل أن يكون به ..دور ثالث ..مع سرداب ..أما واجهة البيت ( المنزل )..رائعه .. وأشكرك جزيل الشكر على ما أتحفتنا من النقل الرائع ... دمت بخير,,, |
|
21-10-2007, 12:20 | #6 |
ضيف
|
رد : هدية للقسم مخطط بيت جميل من اراد البنيان
بوثنيان المجلس او الديوانيه مهيب هي نفسها الصاله ؟
بس حلو على مساحته فيه اربع غرف بيت اختي كبره فيه ثلاثه بس هو على قدهم الحين بس بعد كم سنه يشوفون لهم غيره هههههه |
|
21-10-2007, 12:33 | #8 |
ضيف
|
رد : هدية للقسم مخطط بيت جميل من اراد البنيان
حاتميه
بارك الله فيك ,, الصاله (صالة المعيشه ..)...للنساء..تكون..في داخل البيت أما المجلس أوالديوانيه .. .تكون متطرفه زاوية البيت على الخارج من ناحية الشارع....( لغة أهل الكويت .... ) دمت بخير,,, |
|
21-10-2007, 01:37 | #9 |
ضيف
|
رد : هدية للقسم مخطط بيت جميل من اراد البنيان
بوثنيان الصاله عندنا هي مجلس العائله وفيها المسدح والمردح يعني هي الديوانيه عندكم يمكن !
ومجلس النساء غير .. نسميه مجلس نساء .. بس عشان التصميم صغير مافيه مجلس خاص للنساء فيجلسون بالصاله .. والا مجلس الرجال .. والحين معد فيه رجال يسيرون مع حريمهم يا يجي هو بالحاله والا هي بالحالها يعني مجلس الرجال فاضي .. يكفي للغرض ( : |
|
21-10-2007, 02:01 | #10 | |
ضيف
|
رد : هدية للقسم مخطط بيت جميل من اراد البنيان
اقتباس:
حاتميه
بارك الله فيك ,, خليتي أهل الكويت ...كأنهم ( انجليز... ) ( الصاله )....<<<< تشوفين الكلمه .... ....للحريم أو النساء ...تكون داخل البيت ..منصد .. المجلس أو الديوانيه ...للرجال ..تكون خارج البيت أو زاوية البيت على الشارع... كأنه كلامي نفس كلامك ...بس بعض الكلمات ...للحين ما أخذتيها .الدرس الاول ..( POINT 1 )... دمت بخير,,, |
|
|
21-10-2007, 02:09 | #11 |
ضيف
|
رد : هدية للقسم مخطط بيت جميل من اراد البنيان
الحين فهمت تقصد الملحق عندنا
ايه هذا يكون بالحوش او بمقدمة البيت يعني اسهل للرجال الدخول والخروج دون ما يزعجون العائله بس بوثنيان ترى الصاله عندنا للكل مهيب للحريم بس هي فيها التلفزيون ونقرا فيها الجرايد ونسولف ونتهاوش احيان ههههههه ع العموم مشكووور ع الدرس الاول بانتظار المزيد بس طول بالك علينا كالمعتاد وصدق ليه يا باش مهندس فهد ما حطيت لنا ملحق برا او ديوانيه عشان الشباب ؟؟ |
|
21-10-2007, 06:45 | #12 |
|
رد : هدية للقسم مخطط بيت جميل من اراد البنيان
بارك الله فيك فهــــــــــــد
وبوثنيان اي اي درسها علشان باجر تعطينا اهي دروس عن السعوديه بعد<ماندرس بلاش اتغشمـــــــــــر |
|
21-10-2007, 02:01 | #13 |
ضيف
|
رد : هدية للقسم مخطط بيت جميل من اراد البنيان
بو ثنيان
بارك الله فيك يابن العم عندنا الصاله يجلسون الاهل فيهاااا وفي مجلس لنساء وفي مجلس للرجال وفي ملحق اللي اعتقد انه يكون الدوانيه يكون حق الشباب غير المجلس ... |
|
21-10-2007, 03:10 | #14 |
شعراء القبيلة
|
رد : هدية للقسم مخطط بيت جميل من اراد البنيان
يااااااااااااااجمااااااعه اتعقدت عقتوا الامور بزياده دهت هههههههههه
الديوانيه بالكويت = مجلس الرجال بالسعوديه ... بس لازم تكون متطرفه عشان ما تطل على محارم البيت .. وتنقسم الى قسمين مجلس ومقلط بس الاغلب ما تنقسم تكون وحده الصاله بالكويتي = هي الصاله بالسعوديه = هي غرفة المعيشه اللي اهل البيت يقعدون فيها يعني عائلة البيت ةتسوي اللي تبي ...... بس بالكويت يحطون صاله وصالون يعني صاله لجلسة العايلة وصاله اخرى للضيوف (( يعني ما يلعبون فيها )) واللي هي تقريبا مجلس النساء ... ويكون بموقع ما يطل على الداخل والطالع [01]وانتهت المسأله ... الله يهداكم هسترت [/01] صج نسيت اقول بعد اذنكم بشاركم الحديث لكم مني كل الاحترام والتقدير |
|
21-10-2007, 10:20 | #15 |
ضيف
|
رد : هدية للقسم مخطط بيت جميل من اراد البنيان
.
اخوي فهد المتيح . . بارك الله فيك على المخطط واهم شيء عندي كراج السياره .. خصوصا بالصيف فلوسك فيها وممكن يحط صاحب البيت خيمه اذا في مجال في الحديقه تكون مجلس خارجي بومشعل |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|