الفزعه الفزعه. عين منكم لا تغيب اعتاق رقبة ابن العم/ياسر العقيد الكثيري

ناصر/فارس /هاني/نايل
ابناء جفران المتيح الفضلي

صح لسان الشاعر

ربي ياللي ظاهر الشمس من بعد الكسوف
محيي العظام الرميمه وكلماتك كفت
.
اتضرع ورفع اليد والجهد مخلوف
والرجاوي عند بابك ياربي اوقفت
.
ام ياسر تطلبك بين غصه بين خوف
مالنا غيرك ياربي ليا الدنيا قفت
.
انتخت في كل مسلم من البقعا الصدوف
وتنتخي في كل لام ٍ ولا عينه غفت
.
كل زله بين الاقراب في هذي الظروف
تنطوي طي الصحيفه والاقلام انشفت
.
والعزاوي تنوجد لجل توحيد الصفوف
ودونها ياما تحنت سيوفٍ و نزفت
.
والحميه نار بالراس شبتها الحروف
ومن توانا بالمواقف عسى راسه هفت
.
عند الفضول الحميه مثل ضرب السيوف
ما اتوانا باللوازم ليا الدعوه لفت
.
تنطلق ياكنها مثل وبّال ن عصوف
لين تقضي لازم الامر ولاّ مَـ اكتفت
.
مشبعين الضيف من نحر قعدان وخروف
بالمكارم مضرب امثال .. نارٍ ما طفت
.
افزعوا خلوا المصامخ بمليون وألوف
مثلكم اللي يوقف بوقفاتٍ وفت
.
بالزمن تبقى المواقف وكلٍ يبيشوف
اللي اقدم واللي قصر ومن علمه خفت
.
لعنبوا روسٍ تردت من النخوه ضعوف
يوم جا وقت المزاحم اديها ارجفت
.
اشتروا بموالكم أجر طيب و مَعَروف
فرّحوا ام اليتيم اللي دمعتها صفت

الشاعر علي بن نايف الكثيري

يقول المهادي الفضلي :
الأجواد مثل العد من ورده ارتوى

والأنذال لا تسقى ولا ينسقى بها

الأجواد تجعل نيلها دون عرضها

والأنذال تجعل نيلها في رقابها

الأجواد مثل الزمل للشيل يرتكي

والأنذال مثل الحشو كثير الرغا بها

ياسر لا يروح يالاجواد و قول المهادي يبين يالاجواد

كفو لابتي. وننتظر الافضل
هذه ايام لها ما بعدها
من المعزه والتظافر
ونحن في الخطوه الاولى في السعي لاعتاق رقبه. ابن العم. ياسر
وسوف نصل قريبا بعون الله وجهود بني لام
جميعا
كفو اهلي الفضول وبني لام